Sandino llora na so tomba y naide paez oyelu

SANDINO LLORA NA SO TOMBA Y NAIDE PAEZ OYELU

Ye Iberoamérica una tierra na qu’enxamás hebo un repartu racional de la bayura, nin nadómina precolombina nin depúes -quiciabes nalgunes tribus primitives- porque los imperios que s’asitiaben naquellos llugares yeren del tipu asiaticu, esto ye, una élite política y relixosa y tolos demás formigues obreres. Del llau español les Leyes d’Indiesy les Nueves Leyes d’Indies trataron de protexer les poblaciones indianes anque nunalgamaron un gran qué. Lo que ficieron les otres potencies europees fo, a cencielles, unallimpieza étnica.

Dende los tiempos de Teddy Roosvelt –inclusive enantes- que yá desendolcó una política paecida a la del America First de Trump, Iberoamérica convirtióse nel patiutraseru de los Estaos Xunios, y los que más lo sufrieron foron México y ÁmericaCentral. El casu de Nicaragua ye paradigmáticu, ficieron-y de too hasta qu’apaeció un home, un paisano con tolo qu’hai que tener, sobremanera intelixencia, Cesar Augusto Sandino.

Yera Sandino de clas humilde, fíu d’un mecánicu y ensin educación. Allevantósen’armes nes Segovies, que ye una zona de Nicaragua paecida a Muniellos pero en tropical. Dende unos pocos siguidores fizo un exércitu de varies columnes, derrotó lesfuercies del gobiernu títere de los norteamericanos; tamién a los marines que estos-yunviaron y fízolos dexar Nicaragua. Roblaos los alcuerdos de desmovilización a Somoza faltó-y tiempu p’asesinalu.

Pasáu’l tiempu y yá col fiu del Somoza gobernando y faciendo too tipu de fechoriesvolvieron a allevantase los nicaragüenses so les banderes de Sandino y con Daniel Ortega a la tiesta, hasta qu’acabaron col tiranu. Depúes hebo eleiciones, ganóles elFrente Sandinista que caltien el poder ente’l 79 y el 90, les siguientes ganóles Violeta Chamorro, la muyer d’un políticu asesináu por Somoza, y tiempu depúes, pal 2007, tornó de nuevo al gobiernu’l Sandinismu con Ortega prometiendo’l altor de mires quenun tuviera la primera vegada.

Pa los primeros tiempos contó cola ayuda de Chávez, que gobernaba en Venezuela y tenía perres abondo pa sofitar a los amigos col preciu del petroleu poles ñubes. Depuésles coses empecipiaron a camudar –basta con güeyar como ta Venezuela- pero Ortega yácontrolaba’l poder xudicial, el lexislativu y tolos demás resortes del estáu, que ye la forma moderna y democrática de terminar como dictador. Camudó la constitución patornar a ser presidente y punxo la so muyer como llugarteniente y sucesora, al tiempuque la economía empioraba hasta dexar el país como ún de los más proves d’America.

Cola reforma fai unos meses de la Seguridá social españaron les protestes. Primeroforon los estudiantes, depués los trabayadores, siguieronlos les ames de casa y agora tolmundu ta neles protestes. Ortega retolicó-yos con porres a lo primero, depués conescopetes y fumos, siguió con paramilitares y munición de guerra, tamién asaltos a lesilesies u s’abelugaben los manifestantes que pa entós ya taben pertrechaos con armes de fabricación casera. Van 350 muertos y más de 2000 macaos.

La Comisión Interamericana de Drechos Humanos y la Organización d’EstaosAmericanos condergaron de recién lo que ta pasando en Nicaragua, lo que ye una noticia porque hasta fai bien poco coles ayudes de Petrocaribe –el sistema de petroleubaratu de Chávez- nun había manera de condergar a dalu amigu de los venezolanos,agora que ya nun hai perres les coses anicien a camudar.

Equí n’España tenemos la Secretaría de la Cume Iberoamericana de Xefes d’Estáu ogobiernu que ye daqué como una organización internacional pero que polos resultaos más paez una axencia de viaxes y nun ye d’esperar que vaya dicir un res. Tamiéntenemos el gobiernu d’España pero según paez ta como l’ex presidente Zapatero poldiálogu y l’alderique, asina que, demientres, Sandino llora na so tomba y naide paezoyelu.      

Raúl Suevos

En Xixón a 21 de xunetu de 2018