Wednesday, April 24, 2019

Xuegu de tronos y procesu eleutoral

XUEGU DE TRONOS Y PROCESU ELEUTORAL
Hai dos coses nestos díes qu’atropen l’atención del personal, la temporada cabera de la serie Xuegu de Tronos ya’l procesu eleutoralentrambos colos sos protagonistes y lossos secundarios, caún con niveles d’atención ya d’interés estremaos. Yo creyo qu’afavor del primeru.
Xuegu de tronos lleva años dando que falarlase de la temporada en cursu y depuésguese especulando colo que va asoceder na viniente y agora, cuands’acaba la saga, se piensa na pre-cuela qu’anunció la productora. Nel casu les eleiciones l’asuntu nunda pa tanto, too se llinda a un par de selmanes d’inflación de mensaxes per parte de los actuantes, anque nesta oportunidá llograron caltener un ciertu nivel de tensión dende va unos meses, dende la oportunista –nun sé si oportuna tamién- moción de censura delcabezaleru socialista; depués el rebañu abandonase al pastoréu hasta la convocatoriaviniente.
Xuegu de tronos tien dao tanto de sí qu’hasta un de los actuantes anguaño, el cabezalerude la formación que s’alluga nel estremu esquierda deespectru partidista español, vio la oportunidá pa escribir un llibru al rodiu la teoría política basáu na pernomada serie.N’él esplicaba los xuegos y maniobres que nel xuegu políticu real se desendolquen coloxetivu d’algamar el poder, y facíalo referenciándolos a los estremaos episodios de la serie. Confieso que nun lu lleí pero tengd’almitir que nel so momentu dio para cubrir unos cuantos artículos na prensa.
A min nun me da pa tanto la serie pero debo dicir qu’a lo llargo d’estos años siempresme llamó l’atenciónpenriba les intriges, envenenamientos, asesinatos y salvaxaes detou tipu, más o menos xustificaess na obtención d’esi allampiáu poder o na vengaciónpor ultraxes pasaos, les referencies al poder del dineru, del oru, del financiaciamientunecesarios p’algamar y caltener esi poder.
Nos años primeros facíense notorios los asuelos del primer rey que conocimos, muertu a colmillos d’un xabaril cabriáu con tan augustu y gastible señor, que sofitaba la so economía nos caudales del so suegru, el malváu Lanister. Pa cuando ésti aporta al poder, siendo’l so nietu’l rei, danos una parolada memorable cola so fia, la reina rexente–el personax más importante de la serie- na que-y esplica’l funcionamientu de lesfinances y la so dependencia de los créditos del Bancu de fierrudalgo asina como’lFMI, o inclusive más fuerte. Enantes d’esta conversación  asistieramos a otra na quel’achuchable Tirion, en funciones de ministru’l tesoru, danos otra curtia y cenciellalleición sobro finances y deldes d’estáu. Ye, d’últimes, la economía y les finances un de los actores principales d’esta serie; creyo que mui penriba de les matances, el sexuesplicitu y les batalles, estes caberes verdaderamentesceicionalestoo hai que dicilo.
A mí les referencies económiques de la serie, nel ambiente guerreru nel qu’ésta sedesendolcallevenme por fuerza a Paul Kennedy y la so perimportante obra “Puxanza ycaída de los grandes imperios”, una obra que malpenes fala de batalles  que tol soesfuerciu se centra en contanos como éstes se sofiten na economía de los países o coaliciones que tán detrás d’elles, y asina, como meyor exemplu, cuentamos como Napoleón, el mayor xeniu militar del so tiempu, derrotó a seis coaliciones del restud’Europa, montaes a la so escontra, y como, una vegada tres otra, la Corona británica,con un sistema económicu más áxil, un sistema fiscal más conducente, y, sobre too, uncréditu superior al del restu del munduyera capaz de financiar exércitos nuevos a lossos socios pa tornar a combatir a Napoleón. A la fin, Francia, mui rica, pero con un sistema fiscal ineficiente y, sobre tooensin créditu, finó cayendo en Waterloo.
Nel procesu eleutoral de nueso echo en falta que me falen del Bancu de fierru de Bravos, que me cuenten cómo vamos financiar les pensiones col sistema anguaño quetoos saben que ye insostenible nel tiemputoos, pero que dexen pa un clásicu “el que venga detrás qu’arree”; que me digan si van ser los nuesos nietos o  los nuesosbisnietos los que tengan que pagar esa delda que  supera el 100% del PIB; que meespliquen la realidá del mundu actual, multipolar no económico, que mos dexa como un país a piques de perder la primera división, nel que nun va haber sitiu pa los nuesosmozos titulaos, condergaos a la emigración, y que paez ceñise a sistemes productivos desegundu ordecomo’l turismusiempres de baxes soldaes.
Nel nuesu procesu eleutoral too paez centrase nel ataque personal, na llucha cuerpu acuerpu, en buscar el flancu del contrincante panun descuidu, llanta-y la daga convenientemente. Esto consigue caltener la mayoría embaios na pantalla, pendientes del rellumu les espaes ya’l rumbu los guiones y pendones de les estremaes families, como nel Xuegu de tronos. Pa cuando pase’l tiempu les batalles, eleutoralesvamosnosalcontrar otra vegada entrugándomos cómo ye posible que’l país esté nel estáu nel ques’atopa, cómo naide mos avisó de la nueva crisis que s’avera, como l’inviernu que se-yos vien enriba a los siete reinos.
nós ensin dragones que mos defiendan.
Raúl Suevos
a 23 d’abril de 2019
repdiv.blogspot.com

Friday, April 19, 2019

Alan García, Odebrecht ya Cuba

Alan García, Odebrecht ya Cuba
Alan García pegóse un tiruNun quería atopase na cárcel con Fujimori, pues esi yeral’epílogu más probable de la operación. A la so puerta llamara la fiscalía; ye de suponer que con abondes pruebes inculpatories de confechu nel casu Odebrecht.
Odebrecht yera la principal empresa constructora del Brasil. Crecieradescomanadamente baxo la direición del u del fundador al que conocíen como “el príncipe” nel país. Hasta equí too bien, too bien hasta que saltó la llebre dendun asuntude corrupción nel propiu país, “lava xato”, lavacoches, umildosa rede de llavadura pentemedies la cual movíense les perres haza los ansiosos bolsos de los executivos de la compañía estatal de petróleos, Petrobras.
El príncipe nun lo foi tanto y en cuantu’l xuez-y apertó les clavixes entamó a cantar ya dar nomes, sigue faciendolo dendel so afayadizu arrestu domiciliariu, y al son del socanciu aniciaron a cayer la metá de los honorables representantes políticos brasileiros,emtamando per Lula, entoncenes  ex-presidente y agora presu d’éliteNun foi él sólu,nin el so partíu, la corrupción nun tenía color ya dicen que’l viniente va ser Temer, elpresidente caberu.
Odebrecht construyía en toa Iberoamérica y tamién notros países y pa ello sobornaba en toes partes. Dende que s’anició la denuncia del Lava-Xato les fiscalíes de mediucontinente nun tienen parao y asina vimos como l’escupuliciu aportaba n’Argentina, Colombia, República Dominicana, Ecuador, Guatemala, México, Panamá, Venezuela ya, de xacíu, Perú. En Venezuela, baxo’l dominiu de la revolución bolivariana, les denuncies nun paecen tener repercusión; podía esperase. En Perú  cayeron varios ex-presidentes.
Alan García, presidente dos vegades del Perú, yera un orador descomanáunon solopola so talla, capaz d’arrastrar multitudes col so verbu, como d’antiguoAniciara con Víctor Haya de la Torre, el fundador del APRA, Alianza Popular Revolucionaria Americana, nos duros años treinta; a él cabe axudicar el conceutu del cesarismupopulista que siguiríen Velasco Alvarado en Bolivia, Perón n’Argentina o Getulio Vargas en Brasil. El so movimientu de centru esquierda yera’l que supuestamenterepresentaba’l modernu APRA d’Alan García.
García cayó na so presidencia primera a manes de Senderu Luminosu, la hiperinflaciónfrutu de la so mala xestión y la corrupción. Volvería años depués con una economía saneada mientres la presidencia d’Alejandro Toledo, güei tamién en busca y captura,pero’l so mandatu nun apurrió un res, sacantes les obras d’Odebrecht qu’agora lullevaron a la tumba.
En Cuba Odebrecht, ya siempres de la mano de Lula, llevó a cabu la mayor obra del país dende la salida de los soviéticos, El puertu de Mariel. Una obra pensada p’acoyerlos fluxos de super-portacontenedores que vendríen tres l’ampliadura del Canal de Panamá y que necesitaríen de puertos intermedios pa partir en tresportes de menor caláulos sos miles de contenedores de 20 ya 40 pies.
El puertu llevaba apareyada una zona especial fiscal na que, suponíasediba venir tremenda cantidá d’empreses a instalase. Les coses nun foron como s’anunciaba ya’lpuertu malpenes xenera movimientu –dicen que la bocana ye zona de sablera y que nunse pueden algamar los calaos previstos nos planes- nin la zona especial rexunta l’interésque los  augures prometíenLos créditos concedios pol Bancu de créditu esteriorbrasileiru  entamaron a entrar n’impagu, lo que foi denunciao pol acreedor ya que va traer ulteriores restricciones ya reclamaciones per parte del gobiernu brasileñu anguaño. Pero d’enxagües, astilles ya desvíos nada se supo, nun país como Cuba nel que nada se mueve ensin el permisu de la cúpula castrista, ya ello posiblemente gracies a que Raúlllantó a cargu del proyeutu al so xenru’l xeneral Luis Alberto López Callejas. Los secretos guardense  meyor en familia.
López Callejas ye tamién el presidente de GAESA, el grupu d’empreses del ministeriude defensa cubanu, un conglomeráu que, acordies con dalgunos analistes, podría moverhasta’l 60% de la economía cubana y que nestos momentos ta llamada a llucharescontra una crisis qu’hai quien oldea al Periodu especial, esto ye, la hambruna que padeció la islla ente la salida de los rusos y la llegada de Chávez.
L’amenorgamientu de les unviades de petróleu subvencionáu dende Venezuela, la vuelta de los mélicos unviaos a Brasil y gran parte de los de Venezuela, ya con ellos los caudales que pagaben esos gobiernos, asina como l’aplicadura de la llei Helms-Burton ordenada por Trump cola prohibición de comerciar con determinaes empreses yapropiedaessiguida de la prohibición de viaxes a los ciudadanos norteamericanos a laislla y la reducción del unviu de remeses polos cubano-americanos busquen poner derodilles la islla ya con ello la caída del réxime cubanu. Otra vegada’l bloquéu intentatorar la islla ya, probablemente, va llograr pa ella otra vegada la simpatía de mediumundu.
En fin y en pos, Odebrecht punxo pates enriba a mediu continente pero en Cuba la vidapaez querer repetise, otra vegada les penuries, otra vegada los cubanos buscando escapar de la prisión que ye la islla, otra vegada los yanquis enquivocando’l camín. A lo menos vamos aforrar los discursos de Fidel esta vegada 
Raúl Suevos
A 18 d’abril de 2019
repdiv.blogspot.com

Saturday, April 13, 2019

California dreamin

CALIFORNIA DREAMIN
Esta mañana, una vegada más, pude oyer na radio esti canciu de The Mamas and thePapasún de los grandes grupos norteamericanos de la prodixosa década de los sesentaqu’a min garróme entrando no que güei sería la pre-adolescencia y, de xacíu, muncho más inocente que los qu’agora revicien d’esa fase vital. Años más tarde, col grupucriador desapaecíu bien ceo, volveríen a ponela de moda los Beach Boys pero foi laorixinalqu’equí entá sonaba en plena voráxine del 68, la que mos dexó’l so calquier atoa una amplia xeneración qu’anguaño esperamos l’aportar del iviernu, el de verdáno’lde Xuegu de tronos.
La lletra del canciumui cenciella, solo dos estrofes y l’estribillu, fala del iviernuneoyorkinutarrecible pa un desplazáu californianu según paez, y d’ehí’l títulu deSueños de California y que, pa min, casa meyor con nostalgiamorriña, saudade, omeyor aíndal’asturiana señardáLa primera idea ye la de fueyes caídes ycielu gris, la segunda la del interior d’una ilesiatamién tarrén sombríusacantes que se trate de la catedral de la Seo de Zaragoza, templu de lluz au’l xuegu lumínicu de los sos ventanales góticos sobro les capilles centrales n’estucu blancu aragonés camuden en cánticud’alegría cualquier pensamientu de murnia, una maraviyaL’estribillu remata les dosestrofes con esa señardá de California en semeyante día d’iviernu qu’a mim recuerdamesiempres esi quién tuviera n’Asturies en toles ocasiones.
L’iviernu de Zaragoza nun se paez en nada al de Nueva York, podría definise como friu,soleáu yventoleru, pero nunca gris; Asturies suel sufrir sicasí los güelpes de los trenes de borrasques atlánticos colo que se da’l casu quenestos años caberos, Benidorm ya lesCanaries conviertense en sucursales inverniegues del Principáu, a lo menos eso dicen les cifres del InsersoPero llegada la primavera too camuda.
Asturies ye siempres guapa pero ye en primavera cuando algama esos altores de paraísunatural que nin el fumu de les térmiques nin los fornos altos de la siderúrxica consiguen amenorgar. La combinación del muru de los Picos al sur ya’l Cantábricu al norte faid’esta rexón un llugar únicu na Tierra, nin Galicia nin Cantabria, muncho menos el PaísVascuesfruten esa combinación peculiar ya poro’l verde xugosu del antiguu reinu yedistintu a tolo demás. L’efeutu Foehn nun puede escontra’l macizu y poro nun seca lespraeres, y, polo mesmo, la humedá atlántica nun sigue’l so camín al sur y quédasepapando los carballos de Muniellos y les demás viesques onde l’osu ya l’urogalluatopen el so abellugu caberu.  
Ye nesta estación cuando, si cai una nevada serondadende l’almena del espigón delinxenieru Lequerica nel vieyu puertu de Xixón, se puede esfrutar de la vista de la playa de Poniente coronada pola sierra del Aramo, allumada ésta en tol so esplendormañaneru pol sol que s’allevanta tres el macizu central de los Picos d’Europa. Premiureserváu pa pasiantes madrugadores.
Esti añu voi llegar tarde a esa Asturies que, según dicen les noticies, cuenta con una ocupación del 100% pa esta Selmana santa no que paez una confirmación de que los españoles danse por enteraos de que’l Cambiu climáticu desplaza’l paraísu haza estestierres bendites. Compromisos estremaos retienenme y faenme contar los díes pa tomar la ruta al país de les xanesquiciabes poro esta mañana California dreamin sonabamemás personal.
Raúl Suevos
En Zaragoza a 13 d’abril de 2019
repdiv.blogspot.com


Monday, April 8, 2019

Los gudaris d'ayeri, el PNV de siempres


Va dalgún tiempu aportó a les mies manes, pa la so torna, la copia d’unes cuartillesmanuscrites n’italianu y tamién unos cuantos folios mecanografiaos. Les primerescorrespondíen a los alcuerdos roblaos por dos oficiales per parte del exércitunacionalista vascu ya’l xefe del estáu mayor de la brigada Fleches negres del cuerpuespedicionariu italianu qu’operaba nel norte encuadráu nos exércitos del xeneral Franco,Amilcare FarinaYera l’Alcuerdu de Gurriezotamién conocíu como Pactu de Santoña,y que suponía la rendición de les unidaes nacionalistes vasques a los italianos, ensinpegar un tiru y cola posibilidá mientres tres díes d’abandonar España per vía marítima.
Los folios mecanografiaos dan cuenta del avance d’esos dos díes cruciales d’agostu del 37 y de la fundamental actuación del teniente coronel Farina. Parecen la basa d’uninforme del xefe la brigada pa una propuesta de condecoración o d’ascensu de lo quenun se da cuenta nos mesmossicasíFarina, que se desendolca almirablemente naaición de Santoña, finaría los sos díes a edá avanzada dempués d’exercer emandu de la división San Marco mientres la Segunda guerra mundial ya sobrevivir a la “corriera de la morte”, una de les mayores masacres sobro prisioneros fascistes de los partisanos nosdíes caberos de la guerra n’Italia.
La caída del frente cubiertu per estes unidaes nacionalistes suponía dexar abierta la víapa la toma de Santander y de tol norte. Solo unos pocos socialistes y comunistes vascosvan continuar la lucha que va acabar nun suspiru caberu na entrada d’Asturiesnaposición defensiva del Mazucu, al sureste de Llanesau, acompañando los caberos batallones de mineros ya obreros asturianos van ofrecer una resistencia épica a lestropes del xeneral Franco, mui superiores en medios y fuercia, y que va dar tiempu al “gobernín” asturianu de Belarmino Tomas a organizar la fuxida dende Xixón.  
Bilbao cayera enantes. El famosu Cinturón de fierru desfízose como nieve d’abril éntel’ataque de los nacionales que contaben con los planos de la defensa apurrios pol padre del TALGO, l’inxenieru Goicoechea, y la pronta retirada de los batallones de gudarisdel PNV; namái les indisciplinaes unidaes de comunistessocialistes y anarquistespresentaron daqué de resistencia; los nacionalistes taben a la suya, el mandatu de la República ya del so ministru de defensa Indalecio Prieto nun lu sentíen como propiu y portamién ignoraron la orde de destrucción de les fábriques, había que pensar nelfuturu.
El pactu nun foi cosa d’unes hores. El gobiernu vasculideráu por Aguirre, ya’l PNV con Ajuriaguerra a la cabeza, veníen dende iba meses preparando la traición cola mediación del Vaticanusofitaben la república porque-yos daba l’estatutu d’autonomíapero’l so clericalismu alloxabalos del Frente popular. L’home encargáu de preparar toofoi’l padre Onaindía, nacionalista de pro que nun calló pa siempres pues en 1983asoleyó un llibru, el Pactu de Santoña, nel que cuenta tolos detalles y que mereció que’lPNV comprara tola edición, anguaño ye imposible d’atoparL’asturianu Xuan Cándanoespublizaría nel 2003 ún inda más completu u queden al descubiertu les vergüences del PNV.
Nesti añu caberu de la política española vimos, una vegada más, los nuesos políticos más importantes, Rajoy y Sánchez, sofitase nel PNV; escaecen qu’a éstos anoxa-yos lo español, la esencia de la nación, y que tolo que fagan van facelo siempres col esclusivuinterés de lo “de so”, un van duldar en traicionar, como en Santoña, si nello alcuentrenun beneficiu pal so partíu. Nada va haber que reprocha-yos, los nacionalismos sonasinatoos, y quien lo escaez o piensa que puede cabalgar al tigre ensin correr peligroenquivocase, enquivocaronse Azaña y Prieto, enquivocaronse tolos presidentes españoles, dende Suarez a Sánchez, que confiaron nos nacionalistes vascos o catalanes y va siguir enquivocándose mentes nun se camude’l sistema eleutoral ya con ello se reduzca y axuste’l valir del votu a la so real dimensión.
Hai que camudar el sistema eleutoral.
Raúl Suevos
A 7 d’abril de 2019
Repdiv.blogspot.com

Wednesday, April 3, 2019

La guerra nueva franco-alemana

LA GUERRA NUEVA FRANCO-ALEMANA
Ye posible que  lleve unos años en marcha, pero quenun s’asuste naidenun se trata d’una guerra convencional con enfrentamientu d’exércitos d’entrambos países. Nestaoportunidá son los complexos industriales de calter militar los que s’enfrenten.
Nestos díes caberos tiense  asistío na prensa especializada, especialmente na francesa, a un discutiniu abondo agriu a partir del vetu alemán a les ventes de material militar defactura franco alemana al reinu de l’Arabia Saudí. Hastaagora l’asuntu parez daqué lóxicu, de fechuequín’España asistimos a un ramalazu de buenismupolíticu cola pretensión, felizmente frenada, de la ministra de defensa en rellación cola construcción de cuatrofragates pa esi mesmu reinu. Pero les coses parez que nunson tan cencielles.
Francia y Alemaña son les constructores d’Europa, lesimáxenes de De Gaulle y Adenauer al entamu, ya más tarde Kholl y Miterrandtán ehí pa recordámoslo. Dendeel Pactu del Carbón ya del Aceru siempres foron tirando del carru, con iniciatives de tou tipuNel campu de la defensa la Brigada Franco Alemana y l’Eurocuerpu son muestres vives d’esi empeñu pero ye nel ámbitu industrialau quiciabes foron más lloñe, con Airbus como barcu insignia.
Nel área armamentística va  tiempu que cooperen y yeequí y agora onde parez que nacen les hostilidaes. Francia y Alemaña tienen enfoques industriales estremaos; la primera failo dende la participación del estáu nes empresesde la defensa ya la segunda, sicasí, más al estilunorteamericanuprefier qu’éstes seyan 100% privaes. Hasta ehí pocu qu’oxetar, pero cuando entramos nelcampu militar  anicien les diferencies.
Alemania güei y enantes vuelcase na Alianza Atlántica, Francia torna a la estructura militar va pocos años de la mano de Sarkozy. Francia enantes y agora de la mano deMacron aboga por una Defensa europea capaz yestratéxicamente autónoma, l’Alemaña de Merkel parezacompañar, pero non siempres lo fai de forma nidia. Francia espliega ya combate con NNXX, la UE o la OTAN y los sos soldados dexen les sos vides en tolos teatros d’operaciones, Alemania ye ronciega a esplegar lessos tropas ya cuando lo fai busca la parte cómoda delespliegue.
Alemaña cuenta con una llei que trabanca la ventad’armamentu o componentes a países en guerra o aquellos en que la situación de los drechos humanos nun tea nidia,nella se basa pa vetar la venta de sistemes construyíos con Francia, pero nesa mesma llei introduz la escepción para cubrir l’interés del país y asina vende a la mesma Arabia, aTurquía, Uzbekistán o cualquier otru que se considere oportunu.
De la mano de la OTAN Alemaña ta convirtiéndose nagran nación marcu pa les polítiques nueves de l’Alianza ya per esi mediu avanza la so potencia industrial col oxetivude mandar/liderar Europa; el cuerpu d’Exércitu xermanoholandés foi una cuña que fai anguaño totalmentedependiente a los holandeses d’Alemaña. Francia, cada vegada más, emtama a ver como un mal negociu les sosaliances pasaes col so sociu ultra-Rin y eso asocedecuando’l futuru d’Europa vuelve a tar en xuegu por causa les presiones de los sos socios –Trump- potencies nueves –China-, o una acomplexada Rusia. Mal asuntu nun tiempude incertidume.
Ya ¿Ú ta España? España nun tatamos ensin tar dende’lTratáu d’UtrechtNestos años caberos esforciamonos poramosamos como socios con los que se puede contar –quitando l’espectáculu chornosu de la retirada d’Iraq- ygüei somos los mayores provisores en soldaos ya misiones a la defensa europea, tampocu esmucimos el bultu cola OTAN y hasta-y unviamos una batería de misiles Patriot al cesarista Erdogán, ya con NNXX tenemos hipotecao una gran unidá, pa años, nel Llíbano. Pero nes decisionesgrandes somos un sociu menor; el pieslle del programa delavión de tresporte A-400 ye una amosanza que mosrecuerda, cola pérdida de puestos de trabayu, lo que contamos.
Francia y Alemaña tán a piques de desencadenar una guerra industrial y ello va suponer un pasu atrásdescomanáu na construcción Europea, cuando la xuniónye más necesaria que nunca pa la Xunión.  
Raúl Suevos
Coronel d’Infantería (R)
A 3 d’abril de 2019
repdiv.blogspot.com
abellugunelcamin.blogspot.com