AL RODIU DEL CÁLTER MILITAR DE LA GUARDIA CIVIL
España tien, a nivel nacional, dos cuerpos policiales, la Policía Nacional y la Guardia Civil (GC). El segundu, como la Gendarmerie francesa, los Carabinieri italianos, o la Guardia Nacional Republicana de Portugal ente otros,tien la particularidá de tener amás cálter militar lo que-y da una personalidá estremada de la Policía Nacional, ninmeyor nin peor, estremada.
Los oficiales de la Guardia Civil fórmense, mientres los dos primeros años de los cinco d’estudios que tienen defacer pa ser promocionaos a teniente, na AcademiaXeneral Militar de Zaragoza, xunto con los sos collaciosdel Exércitu de Tierra. Ye ellí au-yos dan, per aciu de los principios y valires morales de la casa, el caráuter que yávan caltener a lo llargo de la vida profesional y qu’ellosvan tresmitir a los sos subordinaos. N’Aranxuez, amás dereforcialos, van da-yos la conocencia téunica padesendolcase y perfeicionase polos puestos y emplegos de la carrera profesional.
Faigo esti llargu entamu enantes de dir a l’anuncia de güei, el cese del coronel Sánchez Corbí, xefe de la UCO laUnidá Central Operativa de la GC, pola falta de confianza del señor ministru n’él, asuntu que m’abulta preocupanteenforma como pa espresame nestes llínees.
Aporta esti cese dempués de que yá’l ministru Marlaskacamudara’l xefe de la Unidá de estudios del Ministeriu del Interior, un coronel de la Benemerita, por un comisariuconociíu como “Lenin” dientro les files la Policía y, alpaecer, ensín esperiencia operativa.
Enantes d’estos movimientos, toos ellos dientro de lescompetencies del ministru y poro perfeutamente llegales, ymientres la etapa del ministru anterior, Zoido, yá mos anunciaran del cambéu fechu nos dos cuerpos policiales padesaniciar la figura del DAO, Direutor AdxuntuOperativu, na GC un Teniente Xeneral cabezaleru de tol organigrama profesional del Cuerpu.
L’organigrama resultante daba con cuatro xefes d’áreacomo interlocutores col Direutor xeneral, esto ye, elmandu políticu y, acordies coles asociaciones profesionales del Cuerpu, guetaba amenorgar el control enantes en manes del DAO. Too esto asocedía metanes unbastiazu de casos xudiciales qu’afeutaben, y a vegaessorprendíen, al partíu del gobiernu y que, dempués, taríenna xustificación de la Moción de censura que fadría cayerel gobiernu Rajoy.
Los oficiales de la GC, como los del Exércitu, tienen un sistema d’ascensos estrictu enforma, nel que la intervención política tien mui poco que facer. La fueya de servicios ye la que manda nel so aportar profesional,namái se deben a esos valires y principios que-yos grabaron nel alma n’Academia Xeneral y n’Academiad’oficiales d’Aranxuez, lo que fai que seya la llei la so única dependencia, poro, dacuando, el so sentíu del debercamudalos n’incómodos ¿Sedrá ésti un casu de rocea o únd’incomodidá?
La cartilla del Guardia Civil diz nel so artículu 1º que “L’honor ye la principal divisa del Guardia Civil…, una vegada perdío nun se recupera enxamás”, nos sos cuarteleslleemos “too pola patria”, y agora al coronel SánchezCorbí, mandu militar non políticu, llantaron-y na espalda un cartel de desconfianza. Dempués de toa una vida dedicada a la llucha escontra ETA, y anguaño escontralos delitos más tarrecibles, abultame que’l asuntu bienmerez una esplicación más fondera…si ye que l’hai.
Raúl Suevos
Publicado el 4 de agosto en La Nueva España de Gijón
ReplyDelete