¿Qué ye lo que pasa col votu en blanco?

¿QUÉ YE LO QUE PASA COL VOTU EN BLANCO?

Una de les últimes obres de Saramago fo’l Ensayo sobre la lucidez que, en realidá, nun yera un ensayu sinón unrellatu nel que’l galardonáu autor planteyaba una situaciónnun país hipotéticu, nel que llegaes les eleiciones los votantes nun allegaben a votar, primero, ya depués, una vegada obligaos, facíenlo en blanco. La situación provocaba la histeria institucional ya’l gobiernu aisllaba, sitiaba, los estórdigos.

La obra trataba de facer reflexonar sobro l’estáu anguañodel sistema de gobiernu representativu, tamién nomáudemocráticu, ya, anque’l so autor esperaba un gran debate en tolos órdenes, la realidá fo que pasó ensin pena ningloria. El votu en blanco nin siquier viniendo de la plumad’un nobel parez interesar al gran públicu.

Por razones llaborales tuve la suerte de vivir en varios países, Italia, Francia ya Cuba. Para lo qu’equí tratamos Cuba nun ye relevante; ellí les eleiciones nun son llibres,tán notra historia, pero nos otros dos casos pude observarque’l día viniente a les eleiciones la prensa daba una importancia descomanada al votu en blanco. El votu en blanco suponíase otorgáu por ciudadanos, responsables ente los responsables, que se molestaben en dir a votar, enllugar de conformase simplemente cola abstención, difícild’evaluar nes sos razones, pa pente medies esti xestumanifestar la so disconformidá col sistema, na so totalidá, o quiciabes simplemente col sistema eleutoral. El votu en blanco, nestos países, ye una señal nidia d’alarma pa laclas política ya filón pa los periodistes.

N’España les coses nun son asina. El día dempués ye imposible atopar na prensa rastru algún del votu en blanco.Tampocu sociólogos o politólogos atopen tiempu padedica-y nin llixu d’atención a esta espresión dedescontentu políticu. Ye na páxina web del ministeriu del interior, nel casu de les eleiciones xenerales, onde hai quedir buscar la cuantificación d’esti fenómenu. Ye, pa estos votantes, la sublimación de la so frustración; simplemente,nun esisten, a lo menos pal nuesu sistema social yapolíticu.

Nesti exerciciu d’elucubración mental, nel que xuegodende’l mio apartidismu, prestaríame imaxinar per unmomentu que’l sistema eleitoral de nueso pudiere computar los votos en blanco como un partíu más. Ún másnesta nueva situación de multipartidismu parlamentariu naque la nuesa nación s’atopa ya qu’aportó a oyer propuestesde non participación a dalgún partíu en circunscripcionesmenores pa evitar los efeutos peligrosos de los restos de laLlei d’Hondt sobro’l enantes partíu alfa.

Maxinar que los votos en blanco se vieren representaos nelCongresu pente medies los curules vacíos que nel so casucorrespondieren ya qu’ello llevare tamién a repensar equilibrios ya aliances posteleutorales a les estremaesformaciones polítiques. Nun me cabe la menor duldaqu’énte una situación semeyante tola clas política, ensinesceición, tendría que facese munches entrugues, en función de la magnitú d’esi votu en blanco, ya, quiciabes, ello mos llevare a encarar les reformes que dende vatiempu necesita el nuesu sistema políticu.

Ye seguramente un supuestu utópicu; posiblemente nuntien más valir que’l de servir de tema de conversaciónmientres el vermú colos amigos o’l café colos colegas neltrabayu pero prestaríame pensar que’l votu en blancotamién puede ser importante n’España como lo ye nosnuesos países vecinos.

Raúl Suevos

A 29 de marzu de 2019

repdiv.blogspot.com

abellugunelcamin.blogspot.com

Los militares al asaltu la política

LOS MILITARES AL ASALTU LA POLÍTICA

Creyo que fo’l asturianu teniente xeneral ya diplomáticu don Manuel Díez Alegría elcaberu representante militar nes Cortes. Foilo por designación real nes de la Transición ya seguramente porque yera l’últimu representante d’otra dómina, la de los militares cultos ya nel so casu aperturista nel anterior réxime; el teniente xeneral, de pervastacultura tamién yera miembru de la Real Academia ya dempués d’él namái aportó Mingote, pero na so calidá d’humorista gráficu.

Dend’entós un desiertu, ya la imaxe de les Fuercies Armaes (FAS) como apartazreaccionariu. L’arrequexamientu de lo militar ye talu qu’hasta nel propiu ministeriu de defensa yera difícil atopar militares nes direiciones xenerales, lo qu’en ciertu mou ye llamativo. El 23F de xuru reforzó esa impresión ya nun foi hasta va bien poco que les coses parez  escomenzaron a camudar.

Too entamó col aportar del antiguu JEMAD, máximu cargu militar de les FAS, a Podemos, partíu que s’alluga na parte estrema esquierda del espectru de partíos políticos y que supunxo, pa dalgunos, un escupuliciu descomanáu. Non pa min que lo único que eché en falta entoncenes fo que dalgún analista esplicara cómo yera posible que daquiencon ideaes de esquierdes algamare tan alto nes FAS. ¿Quiciabes porque nun son tanmonolítiques? ¿Quiciabes porque nellas caben toes les sensibilidaes polítiques? Con éltamién se incorporó dalgún guardia civil que tien exercío como diputáu nestallexislatura recién finada.

Al xeneral Rodríguez siguiólu, cuasi aportaron xuntos, la comandante Cantero que la sonotoriedá basábase nuna causa d’acosu sexual nes FAS; fo integrada nes llistes del PSOE y, al parecer, va repetir como diputada. Dende ella tenemos que saltar a feches más recientes, un par de meses, cuando llegó a los medios la noticia de que’l antiguuJEME, máximu cargu nel Exércitu, xeneral Coll, diba presentase a l’alcaldía de Palma de Mallorca por VOX, partíu na estrema drecha del espectru partidista. Más recien, unaselmana tan solo, fo’l PP con la incorporación del xeneral Otazu, hasta va bien poco comandante xeneral de la plaza de Melilla, el que se xunió a la folada “militarista”.Faltamos Ciudadanos, siempres tan innovador, que nesta ocasión parez haber perdío elpasu en rellación cola incorporación de militares a les sos files; quiciabes veamos entádalguna reaición.

Nestos díes caberos VOX sorprendiómos con tres incorporaciones más a les sos llistescon representantes de los tres exércitos y que dieron la impresión de que se tuviere produciendo un asaltu de los militares a la política. Nun me lo parez a min, tanto sigüeyamos los nuesos vecinos, u ye daqué habitual qu’estes persones, mui formaes ya con gran sentíu de la responsabilidá, apurran la so esperiencia na vida política, como si lo facemos en clave interior y constatamos qu’una parte de la sociedá, los militares, formaos nel “a España servir hasta morir” o nel más clásicu “Too pola patria”, a una edátemprana emulen al xeneral Douglas McArthur nel so discursu al Congresu yadesvanecense, ya con ellos toes les posibilidaes de siguir aportando a la patria común, pienso, por exemplu, nes comisiones de defensa de congresu y senáu, ensin descartar otros ámbitos.

Creyo bonalmente que l’aportar d’estes persones a la política ye daqué mui positivo yaque va enriquecer el propiu sistema políticu español. Amás, el fechu de qu’esista estadiversidá d’ideoloxíes ayuda a desmitificar la imaxe típica d’unes FAS d’una sola ya única sensibilidá política. Les FAS formenles persones, ciudadanos, con pensamientupolíticu propiu y poro estremáu, con una formación sólida ya un exemplar sentíu del deber y de serviciu a España. Seyan bienvenios.

Raúl Suevos

Coronel d’Infantería

​Llicenciáu en Ciencies polítiques​

a 18 de marzu de 2019

abellugunelcamin.blogspot.com

repdiv.blogspot.com

De feministes ya tresplantes

DE FEMINISTES Y TRESPLANTES

Pasaos unos díes de les celebraciones del 8M –nun tengo nidio si’l sustantivu yel’afechu- ya cuasi escaecies dalgunes de les pancartes, ente ofensives ya chornoses, de la xornada, atrévome a escribir dalgunes reflexones sobro l’asuntu dende’l puntu de vista d’un varón hasta ciertu puntu atristuríu pol sentimientu de ser una especie demonstruu d’insensibilidá haza la condición femenina. La tiranía de les convenciones sociales camuden, nesti casu, la discrepancia o la  disconformidá n’algo arriesgao;magar too voi tentar esplicame.

Los tiempos del “varón domáu” de Lidia Falcón queden abondo lloñe anque nel somomentu esti llibru supunxo un finxu na concencia social del país, ya dalguna buelgadebió quedar; dende entos, no qu’a igualdá de xéneru se refier, a España yá nun laconoz “nin la madre que la parió”, como nel so momentu prometiere Alfonso Guerra,aunqu’él nun fuere un abanderáu nestos ámbitos. Pa dalgunos, o habría que dicirdalgunes, estos cambeos nun son abondo; pa min tampoco, porque l’oxetivu nun puede ser otru que la igualdá total; y ye na cuestión de la violencia de xéneru au con másroxura se fai sentir la batalla feminista. Los medios de comunicación, en cualquiersoporte, faisen ecu d’esi clamíu, posiblemente porque l’asuntu vende ya la informaciónnun dexa de ser un negociu. El clamíu, per momentos, parez ensordador ya los poderes públicos reaccionen con medios de sofitu a la muyer sometida a esa violencia, positivo, y con llexislación qu’aporta inclusive a quebrar la igualdá de drechos, non tan positivo.

Pal personal d’a pie, varón, la situación d’ametrallamientu informativu de calternegativu sobro esti asuntu llévalu a pensar qu’ún lleva dientro de sí, ensin sabelo, un sicópata encubiertu, ya nun puede por menos qu’entrugase si la situación ye tan dramática, dando por descontao que pa les 47 asesinaes l’añu pasáu –según l’Institutude la muyer- el drama foilo en grau máximu. Confieso que n’ocasiones siéntome comomiembru d’un club de fediondos. Pero, ¿Hai nueces pa tanto ruiu?

Acordies colos datos europeos España namái ye superada en cifres positives por Chipre, Malta ya Islandia, países pequeños toos ellos, ya’l país de nueso puede presumir de sermeyor, neste aspeutu, que’l restu d’Europa; Francia dobla, y Alemania cuasi triplica’lnuesu percentax de cifres sangrientes. Amás de lo anterior convien nun dexar de llau, otra vegada según cifres del Institutu de la muyer, que’l 38% de los asesinos sonestranxeros ya’l 36% de les asesinaes tamién, lo que debería llevar a meyorar laperceición sobro esi desfamáu varón español. Curiosamente nes noticies nun se da cuenta de la nacionalidá de víctimes ya victimarios; quiciabes nun interese.

Fai bien poco, nun programa de debate televisivu sobro la violencia de xéneru, uncriminólogu, único representante varón ya en calidaá de téunicu, osó sacar a colaciónestes cifres lo que-y ocasionó una tambascada de barabatos per parte del restu deponentes, fémines, incluyida la presentadora. Yera aportunante’l criminólogu ya notrullance nun tuvo meyor ocurrencia qu’apuntar que yera superior el númberu de neñosmuertos por les más que los que morríen a manos de los sos pás; equí la situación derivaba haza la balasma y yá nun quise siguir de espectador. Esto últimos datos nun los pude comprobar pero sí qu’atopé varios artículos que facen referencia al puntu ya concuerden col sufríu criminólogu.

La entruga que me fago ye si too esto ye necesario; si hai que siguir calteniendo esta dramatización de les noticies sobro violencia de xéneru pa, pente medies esti sistema,algamar la concienciación de la nuesa sociedá o, pel contrario, esisten otres posibilidaes,otres víes. Atopo la respuesta rápido nos tresplantes d’órganos. Estrañu ¿non?

Pues sí. España ye líder dende va años y a nivel mundial en cuestión de tresplanted’órganos, ya meyoramos cada añu; ya too ello con muncho de gayola cada vegada quemos algama la noticia de nueves vides salvaes per esti mediu, ya sintiéndomosarguyosos como españoles cuando cada añu mos dicen que tornamos a batir marques y a ser exemplu pal restu de países. ¿Por qué nun podemos facer lo mesmo cola violencia de xéneru? ¿Por qué nun  podemos sentimos arguyosos de ser meyores que alemanes, italianos o suecos? ¿Quiciabes porque l’asuntu convirtióse nuna interesada bandera política penrriba del real interés nes persones? Nun lo sé pero nun dexa de llamamel’atención l’enfoque qu’equí-y damos a esti problema.

Raúl Suevos

A 17 de marzu de 2019

repdiv. blogspot.com

abellugunelcamin.blogspot.com