Güelpe de Bélxica a la Defensa Europea

GÜELPE DE BÉLXICA A LA DEFENSA EUROPEA

El reinu de Bélxica asitiase sobro una de les fasteres más conflictives al llargor la historia europea; ye ún de los países más mozos de la Xunión Europea, 1830 más o menos, pero ye ún de los seis fundadores de la Institución, poro tán na so capital,Bruxeles, la mayor parte les sees les instituciones europées y tamién el Cuartel Xeneralde la OTAN.

El país ta dividíu cuasi al 50% ente valones y flamencos, falando unos francés y los otros flamencu, que ye mui paecío al holandés. Les dos comunidaes mírense dendesiempres de regüeyu y dicen los malpensaos que si ainda nun se separtaron ye porquenun saben cómo resolver el “problema” de Bruxeles.

Ye Bruxeles, anque mui pequeñu n’estensión, el conceyu más quizaleru del país, defechu ye la tercera comunidá autónoma del país, y el “problema” consiste en que taasitiáu na parte flamenca pero la xente ye francofalante y tien el doble d’ingresu per cápita que la media del país, amás, la metá la so población trabayadora vien tolos díesde les otres dos rexones. De rompese’l país ye nidio que Bruxeles tiraría pola calle demetanes. L’interés económicu y les instituciones internacionales caltienenlos xuníos atoos ellos anguaño.

El gobiernu d’un talu país ye mui complicáu, seguramente ye difícil en toes partes. Güeison los nacionalistes flamencos los que tienen más pesu nel executivu y de tantu entantu, dende ellí, Flandes, lleguen mazcayaes de parte de dalgún de los sos dirixentes, como esi presidente de la cámara autonómica que proclama qu’España nun ye democrática y nun tendría que tar na Xunión Europea. Ye ellí, na parte flamenca, y non por casualidá, au tien la so residencia el fugáu Puigdemont.

Europa ta xugándose nestos tiempos de marxismopopulismu y nacionalpopulismu’l sofuturu. Nel campu la defensa vienense dando pasos perimportantes nel añu caberu, como la Cooperación Estructurada Permanente en materia de defensa, como’l FonduEuropéu de defensa y otres decisiones nel mesmu sentíu. La criación d’un Poluindustrial européu que seya a algamar economies d’escala ye ún de los aspeutos clavepa llograr l’oxetivu final de la Defensa Europea.

Nel pasáu, y polo que mos cinca, España yá fizo esfuercios abondo. La nuesaparticipación en proyeutos como l’Avión de tresporte estratéxicu A-400, o’lCazabombarderu Eurofighter, son una bona amosanza de los sacrificios fechos a lagueta de tornes industriales pal país, saber-cómo (know-how) y refuercio del sentireuropéu. Quiciabes l’amosamientu más nidiu foi cuando se mercó’l helicópteru Tigre,escoyíu pol gobiernu d’entós escontra’l paecer de los téunicos militares que preferíenl’Apache y con unes condiciones económiques perbones ufiertaes polos norteamericanos. El motivu yera y ye la construcción europea.

Bélxica taba nestos meses caberos metida nel procesu d’alquisición de munchoequipamientu militar, ente otres coses, los cazabombarderos de la xeneración ñueva quetien de sustituyir a los yá vieyos F-16. Al concursu presentáronse l’Eurofighter européu, el Raffale francés y el F-35 norteamericanu y, como en toos estos casos, d’un llau tabenlos paeceres téunicos y del otru les presiones ya intereses políticos de les partesestremaes. L’interés européu nel Eurofighter taba claru y a nadie-y tien qu’escapar la importancia del asuntu; la eleición del Raffale, del grupu Dassault francés, entá se pudiere interpretar como una eleición europea pero, ayeri, llegó’l güelpe baxu delgobiernu belga cola eleición del F-35. El gobiernu belga ye soberanu pa la toma de decisiones, poques gracies, pero viviendo en gran parte, como vive, de les institucioneseuropées, un xestu haza l’industria europea sedría d’agradecer. El señor Trump va tarcontentu y hasta puee que Putín tamién lo tea.

Raúl Suevos

25 d’ochobre de 2018

abellugunelcamin.blogspot.com

aepdiv.blogspot.com

Acosu y valtamientu del pasiante

ACOSU Y VALTAMIENTU DEL PASIANTE

Ye la seronda tiempu mui prestosu en Zaragoza, sobretoo si nun sopla’l vientu, y laciudá esguandiase gayaspera al visitante, y tamién al vecín, enantes de qu’aportel’iviernu colos fríos, les borrines y el cierzu. El centru la villa vien definíu polos sosbulevares construyíos al entamu’l sieglu XX, anchos y arbolaos,  con edificios de lamesma dómina y abondo guapos nos sos lladrales; los bulevares conflúin na Plazad’Aragón, coral auténticu de la ciudá; d’ellí escontra baxo corre’l Paseu la Independencia, tamién espectacular y que fina na plaza del mesmu nome. Detrás d’ella’lcascu antiguu, qu’ainda conserva’l cardu ya’l decúmanu de la vieya ciudá romana,caltien tol encantu con un gran númberu de palacios, la Catedral de la Seo ya’l Pilar,amás d’importantes restos arqueolóxicos como’l teatru romanu, güei visitable.

Pol bulevar principal marcha’l tranvía, obra de la que tán mui argullosos los zaragozanos, al que va unos pocos años tamién-y metieron el carril bici xunto con un sistema bicis del conceyu que funciona abondo bien según dicen, y too esto con un carril per cada llau pa los coches. Al tar les facultaes de la universidá a caballu del bulevar principal, el d’Isabel la Católica y Fernando’l Católicu, son estes zonespertransitaes, a vegaes, especialmente nel fin de selmana, multitudinaries.

Nestos díes caberos, a lo yá descrito, vieno xuntase’l patinete eléctricu d’arriendu, másbaratu que’l taxi ya un pocoñín más caru que’l autobús. Inventu recién aportáu amunches ciudaes, tanto que nin siquier ta regularizáu, representen un elementu que pueayudar resolver los problemes de movilidá dientro les ciudaes; son rápidos, hasta 30km/h, cenciellos d’atopar pos tienen gps y l’aplicadura del teléfonu va dicite aú ta, y cuando acabes déxeslu onde te peta.

Hasta equí la parte guapa y prestosa de la hestoria. El problema vien cuando, como munchos ciclistes, dexen el carril bici, van poles ceres, crucen polos pasos piatones y abandonen el patinete en metá’l paseu, au se convierten nun pequeñu tormentu palpasiante, y digo pasiante y non piatón, pos esti ye’l que va bien espiertu a dalguna parte o a facer daqué, l’otru ye’l que va tranquilín nos sos pensamientos y suaños, como se vapol Muru de Xixón por poner un exemplu; agora hai que dir atentu, pendiente los trabancos en metá’l camín, curiando nun venga un despitáu escontra ti a 30km/h y te mande direutamente al hospital, como tien asocedío nos díes caberos en Zaragoza.

A Xixón entá nun aportó’l fenómenu los patinetes,  qu’en Zaragoza yá tien dosempreses qu’ufierten bicis y patinetes col sistema descritu, pero ye más que probablequ’en pocu tiempu los tengamos tamién equí. Nun me cuesta maxinar que tamién equíla xente mozo va enganchase ceo a esta nueva moda o serviciu, el tiempu va dicir cualaye la pallabra más afayadiza, pero viendo lo que ta pasando per dayures sedría perbonoque’l conceyu aniciare a pensar como mete-y mano a esti fenómenu que ensin dulda va llegar tamién a Xixón.

Raúl Suevos

En Xixón a 23 d’ochobre de 2018

abellugunelcamin.blogspot.com

repdiv.blogspot.com

La rellación especial ente Cuba ya España

LA RELLACIÓN ESPECIAL ENTE CUBA Y ESPAÑA

En 1898 Cuba, la cabera posesión americana de nueso, algamó la so independencia tres una riestra de guerres, que munchos avaloren como guerres civiles, y una intervención filibustera de los Estaos Xuníos; los años vinientes una gran emigración, muncha d’ellad’orixe asturianu, vieno a reforciar los llazos yá esistentes y, dende entoncenes p’acá, les rellaciones ente los dos países foron siempres mui estrenches, cuasi familiarespodríemos dicir.

Falamos de familiares porque, como de cutio pasa nes families, pásase del amor másfonderu a les declaraciones de despreciamientu con abondo facilidá. A mou d’exemplubaste apuntar equí que tres l’anuncia de “bloquéu” de los Estaos Xuníos, al entamu los 60, el xeneral Franco negóse a aceutalo y caltuvo los intercambios comerciales colréxime de Fidel Castro, amás d’otres ayudes. Tan importante fo’l sofitu que Fidel ordenó tres díes de llutu nacional de la que morrió’l xeneral.

Esi ciñu yera compatible con un sistema d’enseñu fonderamente nacionalista, como entoa Iberoamerica per otra parte, nel que se xustificaben tolos males del país pol heriedunegativu de la dominación española hasta’l puntu que, a mou d’exemplu, fai unos años Mariela Castro, la fia de Raúl Castro, xustificaba la xabaz persecución a los homosexuales llevada a cabu pola Revolución na basa cultural española.

La Revolución como sistema políticu fo y ye un fracasu; el llargu bloqueunorteamericanu vien sirviendo pa xustificar la pervivencia del réxime al preciu, dende la marcha los soviéticos nel 90, d’un nivel de vida de los más baxos d’América, nivel que va ser superáu per baxo polos sos collacios venezolanos próximamente, y d’una falta dellibertaes polítiques absoluta. Esti ye’l país que va visitar el nuesu presidente degobiernu nel mes de payares viniente.

Dende l’anuncia d’apertura nos tiempos del presidente Obama, güei con Trump paezque s’echó’l pieslle otra vegada, tán los países europeos, non toos, asina como aceleraos por facer coses con Cuba y, sobre too, facer una llectura positiva de les coses qu’ellíasoceden. Al nuesu presidente paez que tamién-y vieno la priesa.

Prestaríame pensar que va ser un viaxe conducente y positivu pero la realidá mándamosseñales pa maxinar que namái sedrá una foto más pa coleicionar pol señor Sánchez. Delllau comercial, esiste ellí una importante colonia d’empresarios españoles pero pocu o nada se pue esperar, nun hai créditos a la esportación que sofiten una mayor entrada española, nin economía de mercáu pa retrucar a tala aición y, amás, la mayoría de los que tán namái medren gracies al bloquéu, el día qu’esti desapaeza la competencia y cercanía de los Estaos Xuníos van facelos tornar a toos pa casa.

Fálase tamién de la gran colonia española, y ye verdá, son munchos, y pue serqu’importantes enforma en casu d’eleiciones. Son los españoles de la llei de Memoriahistórica, tamién llamada llei de nietos, españoles de conveniencia n’un gran númberude casos, deseyosos de recibir el pasaporte español y dalgún tipu de subsidiu, y votantesestimosos nel so momentu. Esta sí que pue ser una bona razón pa viaxar.

A lo cabero atopamos el motivu altruista, da-y sofitu al presidente Díaz Canel, llantáunel sillón por Raúl Castro enantes de retirase al so puestu de secretariu xeneral delPartíu comunista cubanu, y un aparachik de la meyor escuela revolucionaria con idees más reaccionaries que’l so padrín. Ta agora Díaz Canel nel discutiniu d’una constituciónñueva na que se caltien el partíu únicu y nun va haber votu llibre y secretu neseleiciones. ¿Ye esto lo que va dir sofitar el nuesu presidente? Cuasi que me quedo colarellación familiar de Franco y Fidel. Caún na so casa.

Raúl Suevos

En Xixón a 19 d’ochobre de 2018

abellugunelcamin.blogspot.com

repdiv.blogspot.com

Caza mayor, caza al rei

CAZA MAYOR, CAZA AL REI

Falar de caza mayor y tamién de rei paez que mos lleva al rei Juan Carlos, pero non, nun falamos d’él, falamos del rei, el rei n’exerciciu, el rei Felipe VI, que va unos meses debió cometer el mayor delitu que se podía facer naquelles feches, les del intentu de golpe d’estáu de los mandamases catalanes.

Foron unos díes abondo estraños, media España, o más, tabemos col coral encoyíu güeyando como unos pocos queríen romper el país au ñacíeramos y a naide, de los que mandaben o queríen mandar, paecía que-y esmoleciera asuntu talu. Nun aporto a maxinar cómo taríen los catalanes non independentistes que se veíen ensín nación nin pasaporte.

El casu ye que’l rei vieno damos tranquilidá. Un discursu firme, claru y breve, nel que echaba-yos en cara la falta de llealtá institucional a les autoridaes catalanes y, quiciabes lo más importante, dicía-yos, a esos catalanes que tamién se sienten españoles, que nun taben solos, que podíen contar con él y colos demás españoles, o cola mayoría polo menos.

El discursu foi como un aliendu pal morrebundu. El gobiernu, qu’andaba como sonáu, o eso paecía, garro’l pasu, ya unos díes dempués, nuna manifestación convocada en Barcelona tiempu enantes, un millón de persones paseóse pol centru la ciudá proclamando la so españolidá. Hasta los políticos non independentistes, de tolos colores, se dexaron ver. Y la culpa teníala’l rei.

Esta ye la clave de la cacería anguaño. El rei dio-y la vuelta al afandu xeneral y los independentistes, hasta yo lo pueo pescanciar, nun-y lo perdonen. Poro’l frayatu de rellaciones cola corona del aniciu del branu y poro la reprobación del rei estos díes caberos nel parllamentu catalán.

Lo llamativu d’esto último ye que la que propuesta de declaración vieno de la mano de los Comunes, esto ye, del Podemos catalán, partíu que se declara republicanu, cosa llexítimo,  y porque diz qu’ellos nun lu votaron, lo que me paez una mazcayada. Votélu yo’l día que voté la Constitución, y como yo la gran mayoría de los españoles de la dómina, especialmente los catalanes, y nun me paez que les naciones vayan votando la so constitución con cada xeneración.

Aportaos equí podemos pensar que too esto forma parte del xuegu políticu normal, que la política ye asina. Lo anormal ye’l silenciu del gobiernu anguaño, que güei, por fin, dio l’anuncia de que va pidir l’anulación de la reprobación catalana nel Constitucional, pero too ello ensín una pallabra más fuerte qu’otra, nun vaya ser que daquíen s’anoxe y ponga en peligru l’aprobamientu los presupuestos.

Son coses que pasen cuando se gobierna en minoría, yá-y pasaba al señor Rajoy y pasa-y muncho más al señor Sánchez que tien ainda menos diputaos, y nós, mentanto, asistimos, como espectadores ensín xuegu, a una cacería na que la pieza mayor paez que seya’l rei, y too por allugase del llau de los españoles, de la mayoría creyo, ¿O non?

Raúl Suevos

En Xixón a 16 d’ochobre de 2018

Manuel Valls, Barcelona ya l'espíritu européu

Manuel Valls, Barcelona ya l’espíritu européu

Fálase muncho estos díes de la “operación” Valls en rellación cola alcaldía de Barcelona; los que lu quieren mal allumen el so fracasu nes primaries del partíusocialista francés pa les caberes elleiciones nesi país y la so triste situación de diputáurasu na Asamblea francesa. Los que lu miren bien traten de poner en valir el fechu de que s’allegue al llugar u ñació pa intentar apurrir daqué de conciliador y, sobretoo, deracionalidá a la vida política de la capital d’esa comunidá autónoma.

A mi cáeme bien Manuel Valls porque me trae a la memoria John Stuart Mills, ún de lospas del movimientu políticu conociu como l’utilitarismu, y nun ye pol so paecio físicu, non, recuerdamelu porque Mills tien un llibru fundamental pa pescanciar l’aportar de lessociedaes modernes nos dos sieglos caberos. Al rodiu la llibertá, qu’asina ye’l títulu delllibru, nun fala de la desapaición de les caenes de la esclavitú que nel 1859, cuando seescribió’l llibru, yá taba en marcha; fala de la llibertá d’opinión y de la importancia de la prensa llibre pa la formación de una opinión pública sana y formada, pero fala tamíende cómo les sociedaes y los poderes públicos traten de afogar la voz del que piensa diferente de la mayoría o al que, simplemente, actúa de mou estremáu a lo que ye imperante nel momentu o la dómina. Mills, esplica, ya esplicalo mui bien, qu’estespersones son la clave pal progresu de les sociedaes, cuando les sos voces nun son oyíesquier dicir que tamos énte sociedaes estancaes, ensin resuellu, vieyes, abocaes, sinón a la desapaición, sí a qu’otres, ensin rocea a les opiniones y comportamientos estremaos, -yos pasen perriba o direutamete les valtien. Y too eso escribíalo nel yá llonxanu 1859.

Valls ye ún d’esos personaxes que vien a recordamos les anuncies de Mills. Un paisanuque dexa la comodidá, el bon pasar de diputáu francés, dempués de tener presidíu’l sogobiernu, pa venir engarriase nuna batalla eleutoral u-y pueden partir la cara ensin dalubeneficiu, au, teniendo en cuenta la situación catalana, ye d’esperar una campaña puercoenforma.

A min préstame muncho la llegada de Manuel Valls y poro-y doi la bienvenida, porquenun vien namái cola Constitución na mano sinon que, amás, únvia un mensaxfondamente europeísta, de desapaición de llendes nacionales, xusto unos meses enantes de les elleiciones europees, unes elleiciones nes qu’Europa va xugase, viendo como los populismos amonten tanto a manzorga como a

 mandrecha, muncho más que nenguna otra enantes; populismos de calter nacionalista estremu que si 

non somos a acuartalosvan ser ellos los que desanicien esta Europa que ta detrás de la mayor parte de lesmeyores sociales qu’anguaño reviciamos.

Bienveníu seya Manuel Valls ya’l so espíritu européu.

Raúl Suevos

En Xixón a 7 d'ochobre de 2018

Cuestiones de criteriu

CUESTIONES DE CRITERIU

El coronel Savirón

Pimentel de Bustamante

Fo d’inxenieros comandante

De la plaza de Xixón

Y faltando-y agospiamientu

preparó’l tal coronel

de nueva planta un cuartel

pa tou un reximientu

Según ye reglamentariu’l

Proyeutu concluyíu

A Madrid fo remitíu

Pol conductu ordinariu

Pa la Real Aprobación.

Y guetando honra y provechu

Quedóse tan satisfechu’l

Coronel Savirón

Aportáu al ministeriu’l 

Proyeutu de cuartel

Infórmalu otru coronel

De diferente criteriu,

El coronel Atenees,

De bien opuesta opinión

Al señor Savirón

En cuestión de chimenees

Y tien como verdá

Que les redondes nun valen

Pues les ondes de fumo salen

Con poca facilidá

Y lu convence a cualquiera

Científicamente asina

“…erre ye la potencia trina

De la raíz de escozonera…”

Ya informa que ye procedente

Torne d’Orde superior

Dichu Proyeutu al so autor

Cola coleta viniente:

“Sírvase Usía camudar

Les chimenees de forma

Debiendo siguir por norma

Al volveles dibuxar

Que nes que son mui usaes

Como en cuarteles y fondes

Son mui males les redondes

Y escelentes les cuadraes

Pa sacupar al momentu

Ensin dificultá’l fumo.

De Real Orde-ylo emplumo

Pal so conocimientu”

Mas camuda la situación

Y d’orde la so Escelencia

Atenees va pa Valencia

Y a Madrid va Savirón

Yá en Valencia Atenees

Tamién proyeuta un cuartel,

Y ñidio ta,  que pon nél

Cuadraes les chimenees.

Mándalo pa l’aprobación

Y viense’l casu a dar

De que-ylo dan a informar

Al coronel Savirón

El cualu, poles derivaes

Y por trigonometría

Demuestra-y la teoría

De que si se faen cuadraes

Nun tien el fumo buen pasu

Y apexase llueu’l tubu

Porque “…be, eleváu al cubu

Igual a ce eleváu al vasu…”

Ya informa que ye procedente

Torne d’Orde Superior

Dichu proyeutu al so autor

Cola coleta viniente:

“Sírvase variar Usía

La forma les chimenees

Y básese nes idees

A la de mio paecía

Según la cuala, les ondes

Del fumo son sacupaes

Mui mal cuando son cuadraes

Y perbien cuando son redondes

D’esta forma nel Proyeutu

Van figurar polotanto.

De Real Orde-ylo llanto

Pal consiguiente efeutu.”

Viendo tales disensiones

Ente ún y otru señor

El capitán profesor

Qu’esplicaba construcciones,

Gramáticu pardu vieyu

Y mentor d’adolescentes,

A los futuros tenientes

Dío-yos esti bon conseyu:

“Al proyeutar chimenees

Primero vase entrugar

Si nel ministerio ta

Savirón o Atenees;

Y van ponese dibuxaes

Pa que nun tengan un peru

Redondes, si ta’l primeru,

Si ta’l segundu, cuadraes;

Qu’en cuestiones de criteriu

Ta de más toa discusión:

Siempres va tener razón

El que ta nel ministeriu.”

Teniente coronel d’inxenieros Pablo Parellada (1855-1954)

Torna de Raúl Suevos. Coronel d’Infantería