Güeyando pa Cataluña

Pasada ensin pena nin gloria la comparecencia del Xefe de Gobiernu énte’l Congresu de Diputaos torna a asaltamos el yá fadiu problema catalán. Falta entá un mes pal cansu referéndum y tengo duldes si vamos ser a aguantar el bombardéu informativu que mos espera.

Güei la noticia yera, según el Periódico, que los Mossos y el Govern teníen noticia, per aciu la CIA, de la posibilidá d’atentaos nas Ramblas. La operación d’imaxe del cuerpu policial lleva díes que pierde rellumu y, si esto se confirmara, ellos y el so Gobiernu autonómicu nun van quedar en mui buen llugar. Nun se esperen, sicasi, dimisiones, y los muertos tampoco les van pedir.

Ye una pena reparar cómo la rexón cabecera del nuesu país, en munchos aspeutos, pierde’l tiempu y les enerxíes n’oxetivos políticos del sieglu XIX qu’anguaño ni Pi i Margall secundaría, perdiendo la oportunidá de liderar una España más y más europea, pos ellí, n’Europa, ye au debe tar el nuesu futuru, y si nun ye asina, nun va haber futuru. Tampoco pa Cataluña.

Equí, nel paraísu asturianu, nun tenemos esos problemes, dexando de llau dellos folklóricos soberanistes, la población paez mayoritariamente afacese nesi tradicional cuadonguismu que mos pon a salvo de problemes identitarios, que mos caltien aisllaos –aisllamientu que nun va resolver l’AVE– nel nuesu Sangri La, aformigaos cola sidra y la folixa del branu, y esperanzaos con un cambeu climáticu que mos camude nun ñuevu El Dorado turísticu, pensando que les pensiones de los nuesos mayores son infinites y qu’algún día daquién vendrá –que nun va venir– a iguar los problemes que nós nun fuimos quien d’arreglar.

Nun veo nengún Jovino na redolada y nun sé si’l nuesu cuandonguismu va bastar pa que’l paraísu asturianu lo siga siendo per munchu tiempu. Sicasi, esto paezme meyor qu’aquello.

En Xixón a 4 setiembre 2017

Dios, patria, rei y xueces

Si viaxes pel interior de Marruecos llámate l'atención unos lletrerones n’algunos puntos de les montañes, fechos con piedres encalaes y encaraos a la carretera pa que se vea bien. Tán n'arabe y quier dicir "Dios, patria y rei", un enunciáu con muncha fondura, especialmente pa un país como Marruecos aú cauna de les tres partes tien un daqué.

Aquí n'España tamién tuvimos dalgo non mui estremao. Yera'l lema de los carlistes na primera de les guerres civiles con esi nome, "Dios, patria, rei y xueces", dempués, nun se debíen fiar, camudaron los xueces y punxeron los fueros. Anque estes guerres foron coses del sieglu XIX el lema volvió a tar de moda na Guerra Incivil col himnu d'Oriamendi que yera'l que cantaben los Requetes y que Franco convirtió n'oficial.

Yeren aquellos carlistes unos fulanos un tantu tresnochaos, queríen tornar el pasu a les idees de la revolución francesa, que yeren les qu'imperaben en cuasi toa Europa y allinease cola restauración monárquica, la de "Tronu y altar", que yera l'otru lema qu'usaben. Los enemigos yeren los lliberales y progresistes que taben del llau de la Reina neña, Isabel II.

Vien to esto a cuentu porque d’algunos comentaristes políticos falen de les semeyances ente los nacionalistes d'anguaño y los d'entóncenes. Ye claro que no que toca a Dios nun ye aú s'atopen les coincidencies; güei España ye más descreída qu'otra cosa; les ilesies, cuando nun tán zarraes nun ye que tengan munchos feligreses. Si falamos de la patria les coses nun tán meyor; nesto hai que da-yos les gracies a los separatistes por recordanos quíen somos.

En rellación col Rei alcontramos yá más diferencies. Los carlistes queríen un rei absolutu y esto fai tiempu que quedó desfasáu y superáu. Güei tenemos una monarquía parllamentaria, el Rei reina pero nun gobierna, eso failo'l Gobiernu, ellexíu pol parllamentu, dempués d'elleiciones llibres nes que participen tolos ciudadanos. El casu ye que'l Rei Felipe salió-yos gafu a los independentistes y col so discursu paez que les coses empecipiaron a camudar; pal bien del país acordies cola opinión de muncha xente; hasta'l Gobiernu paeció dase cuenta de que yera'l tiempu de facer sentir el pesu del Estáu.

A los xueces de la primera guerra carlista camudáronlos polos fueros yá entóncenes, y agora los 

nacionalistes quieren conciertos económicos que non musicales. Los vascos ya los tienen y los catalanes, por boca d'Artur Mas, tamién los queríen. Esto ye, nun basta colos estatutos; ellos quieren ser más que'l restu de los españoles, ye una cuestión de ventaxes.

La mayor y meyor ventaxa, piensen ellos, ye la independencia, anque'l sentíu común y la economía digan lo contrario. Pa ello to val, tamién saltase les leyes, tolo xustifica'l bien superior de la independencia. El problema ye que nun estáu de drechu, como ye'l casu d'España, los ilícitos penales acaben por tener un coste, y el romper España, o'l saltase les leyes pa facelo, tien tamién un coste que los responsables tan empecipiando a pagar nestos díes caberos. L'últimu'l señor Puigdemon.

Dicen que van venir díes complicaos, y seguramente ye verdá, pero nun creyo que vayan a ser más duros que los díes que nos dio'l terrorismu mientres munchos años. España ye meyorable, seguramente, pero n’algunos aspeutos tamos pa dar leiciones a unos cuantos, y si queremos facer país ta bien nidio que'l imperiu de la llei tien de ser el faru qu'allume'l camín del futuru. Pa esto tán los xueces, los d'agora non los de los carlistes.

En Xixón a 28 de marzu de 2018

México

MÉXICO

La hestoria contemporánea de México vien marcada pola Revolución. Ésta empecipiaranos años primeros del sieglu XX coles guerres pa echar fora del poder a Porfirio Díaz, el más llistu de toos pos coló pa París de siguío au morrió seliquín na cama. Tres d'élaportaron toles figures de les películes que sobro esti asuntu tienen fechu los norteamericanos, Madero, Huerta -esti yera siempres el más malu-, Pancho Villa, Emiliano Zapata, Venustiano Carranza, Marcos García Obregón y dalgunos otros que, por menos importantes, nun m'alcuerdo agora. Toos ellos, menos Huerta que finó nunacárcel yanqui, morrieron asesinaos, porque la revolución, amás de violenta, yera muy difícil d'iguar. Yera una revolución agraria pero con problemes y enfoques estremaosnel sur y nel norte, amás yera tamién la revolución de los trabayadores manuales de lesciudaes, que los había, de los pueblos indíxenas aínda güei esperando per ella, y tamiénde la pequeña y mediana burguesía. Taben amás delles xeneraciones de políticos a los que la llarga xerontocracia de Díaz había-yos torgao la posibilidá de medría. Vamos,qu'aquello yera asuntu pa un milagru y, si l'hubiere, amás, tenía que torear cola ilesiad'un llau y colos Estaos Xuníos d'otru. México tan lloñe de Dios y tan cerca de los Estaos Xuníos que dixera Díaz cuando taba pa embarcar pal esiliu nel puertu de Veracruz.

Dempués d'unos años, unos cuantos presidentes y constituciones, aporten los políticos mexicanos al gran inventu, el PRI, Partíu Revolucionariu Institucional, qu'a min paezmeuna contradicción absoluta pos si ye revolucionariu ye imposible que seya institucional, esto ye un oxímoron en gramática. Pol camín dalguna gran figura como’l presidenteLázaro Cárdenas que tan bien acoyera los esiliaos españoles tres de la guerra incivil.

Pal 2000 aporta a la presidencia Vicente Fox que, per primera vegada, nun yera del PRIsinón del PAN, Partíu d’Aición nacional. El dominiu del PRI dende entós acabóse, yagora tien que guerriar tamién con el PRD, Partíu de la Revolución Democrática, y con AMLO.

Ésti caberu nun ye un partíu políticu, ye’l acrónimu d’Andrés Manuel López Obrador,que fora gobernador del Distritu Federal  y alcalde de la capital con mui bonos resultaos al paecer, y enantes presidente del PRD, que fundara él mesmu y Cuautémoc Cárdenas, el fiu de Lázaro Cárdenas al que fai poco vímoslu apadrinar la comedia de ladesapaición d’eta –níegome a da-y mayúscules- nel sur de Francia. Nel 2006 presentósea les eleiciones presidenciales y too apunta a que-y ficieron un pucherazu de losd’antoloxía. El sistema tenía-y mieu por, supuestamente, ser comunista –dalgunosmentaben a Fidel Castro p’acoyonar- y sacó p’alantre a Felipe Calderón, como Fox del PAN, que queda na hestoria como’l qu’anició la guerra escontra’l narcotráficu ensinque, pel momentu y dempués d’una pila muertos, paeza que la tea ganando’l gobiernu.

Nel 2012 tornó AMLO a presentase y esta vegada ganóles el PRI con Peña Nieto ytamién con acusaciones de compra de votos y otres trampes. El casu ye que pal 2018, enxunetu, tenemoslu otra vegada na engarradiella eleitoral, en tiesta de MORENA,Movimientu pa la Reforma Nacional, y de nuevo López Obrador marcha en tiesta de toles encuestes con muncha diferencia sobro los otros. Con MORENA van tamién en coalición el PT, Partíu del trabayu, y el PES, un partíu evanxelista. Paez nidio abondoque México necesita un cambiu radical, l’estáu mexicanu vien amosando que tien una resistencia grande pero la guerra escontra los carteles de la droga y tamién escontra la corrupción tienenlu frayáu. México precisa d’otra revolución, esta vegada pacífica, que de la mano de la llei y de profundes reformes sociales tire p’alantre un país xigantescu,descomanáu, enllenu de contrastes y con una pergrande población de xóvenes quenecesiten una esperanza pa un futuru meyor. Esta esperanza pue venir de la mano de AMLO, o non. Vamos ver que ye lo que pasa’l primeru de xunetu.

Raúl Suevos

Xixón a 14 de mayu de 2018

China y la EDP

CHINA Y LA EDP

Nestos díes caberos vínose falando, hasta qu'aportó la sentencia de la Gurtel, de la posible compra, per parte d'una empresa china, de la EDP, que ye la empresa portuguesa dueña de lo qu'enantes yera la Hidroeléctrica del Cantábricu. El presidente del gobiernudel Principáu llegó a manifestase nel sentíu de que prefería los chinos enantes de que Endesa ya Iberdrola se quedaren colos activos de la EDP, coses de la política económica que yo nun voi entrar aldericar.

Pelo tocante a China vien a cuenta resaltar unes cuantes coses. La primera de toes ye que pa la mayoría de los centros d’estudiu sobro xeopolítica ye China la que va ser la primera potencia mundial pal 2050, lo que no quier dicir potencia militar que va siguirtando del llau de los Estaos Xuníos. Sicasí, cola apaición de Donald Trump too puecamudar y garrar velocidá.

China crez y fáilo d’una miente descomanada. La so clas media, enantes inesistente, ye más amplia cada día y quier más y meyores bienes de consumu. China produz, consume y vende a tol mundu y poro precisa d’enerxía y materies primes, nun importa aús'atopen; y víes loxístiques segures.

El presidente chinu, Xi Jimping, punxo en marcha la Iniciativa del Cinturón y la Ruta de la seda, un proyeutu p’anovar l'antigua ruta con infraestructures modernes que va facermás facil llegar a los mercaos d'Eurasia, y tamién a les materies primes. Yá tenemos un tren qu'aporta a Madrid tolos meses dende la China, y nel Mediterráneu compraron elPuertu del Pireo, en Grecia, pa facilitar el repartu de les que lleguen en barcu vía Suez.

N’Africa les inversiones chines son grandioses, non solo minerales, tamién tierres. Varios países cuenten yá con mases importantes d'inmigrantes chinos que construyeninfraestructures con créditos chinos y en Yibuti, nel Cuernu d'africa, abrieron la so base militar primera cola idea de dar seguranza a les sos rutes marines. Los sos métodos non convencionales a la escontra de los pirates dieron que falar va unos años.

N'Iberoámerica son los inversores mayores penrriba d'España y los Estaos Xunios. Financien y construyen el tren interoceánicu ente Brasil y la costa del Perú, Venezuelatien-yos hipotecáu'l petroleu de los años vinientes polos créditos dilapidaos por Chávez y Maduro. Arxentina cedió-yos una zona na Patagonia pa una base espacial, dicen. Lesmateries primes, los cereales y la carne d'América marchen pa China polos puertos delPacíficu.

Na redolada del Mar de la China los paises nun ye que tean contentos cola forma defacer de los chinos pero empecipien a pescanciar que no tocante al comerciu, dempuésde que Trump denunciara el Tratáu Trespacíficu, ye China'l sociu col que van tener que tratar nos tiempos vinientes y yá tán firmando alcuerdos. Japón y Australia tamién.

Nel norte hasta una guerra tuvieron colos rusos, allá pol 1969, agora tienen firmaos trataos d'amistá y, sobretoo, China ye'l primer comprador d'enerxía rusa, gas y petróleu. Les antigües repúbliques euroasiatiques tan enllenes d'obres de construcción de viesferrees, gasoductos, oleoductos y autopistes. Más al norte ta l'Árticu y tamién ellí tánposicionaos; son socios principales nes petroleres ruses que van entrar a sacu en cuantuqu'el xelu, col cambíu climáticu, yos lo permita. Pa ello yá punxeron les perres pacontruyir una flota de supermetaneros árticos. Son yá observadores nel Conseyu árticu ynestos diés caberos tamién se faló que quieren meter mano nel plan de construcciónd'aeropuertos de Groenlandia, a un pasu de los Estaos Xuníos y donde yá esploten una mina.

Esta Asturies de nueso, si güeyamos el mapamundi, ta abondo lloñe del Pivotexeográficu de la hestoria, que, según dicía Harold Mackinder nos tiempos d'enantes del avión, allugábase nes estepes ruses. La Tierra corazón tamién la nomaben y quien lacontrolare diba controlar el mundu. Asturies ye una piecina, perpiquiñina, nesti tablerumundial aú se ta xugando'l futuru del mundu, nel que nin siquier somos a construyir una Europa xunida y fuerte que, paezme a min, sedría la unica manera de qu'aíndapudieremos caltener el ritmu que, según se ve, quieren marcar los chinos, los inversores primeros a nivel mundial.

Xixón a 5 de xunu de 2018

La solitú del coronel Baños

 

Tamos güeyando nestos díes cómo se vien formando’l gobiernu nuevu del señor Sánchez; yá se nomaron los ministros, munchos, y agora tamos colos segundos escalones, ente ellos ta’l puestu de Direutor nacional de Seguridá, un puestu que nuntien mandu direutu nos asuntos de seguidá pero que manda muncho nellos pos, amás de coordinar dellos conseyos nacionales nel ámbitu de la seguridá, tien filo direutu col Presidente del gobiernu.  

Cola moda nueva de dir filtriando los nomes, como yá asocediera colos ministros,vínose a saber que pa esti puestu habíen faláu col coronel Baños. Home conocíu pa los medios de comunicación pos presentase dende va unos años como consultor y espertuen xeoestratéxia, ta, amás, acabantes d’espublizar un llibru sobro política internacional, “Asi se domina el mundo, desvelando las claves del poder mundial”, que, al paecer, tasiendo l’esitu de les féries del llibru d’esti añu. tolo anterior complétalo con numberosesconferencies en foros estremaos.

El casu ye que, pa dalgunos, esto ye l’acabose. El tal coronel fala bien de Putin, díz que ye un bon gobernante pa los rusos y col 74% d’aprobamientu nel so país sedría la envidia del cualquier gobernante europeu. Diz tamién que Rusia tendría de ser mássociu qu’enemigu pa Europa, cosa que tamién comparten munchos politólogosn’Europa. Ta n’andecha con Russia Today, la televisión internacional de los rusos, granpecáu tamién y, sobre too, con Cuartu Mileniu, cosa esta última que lu convierte en muisospechosu.

A min too esto paezme bien. Cuando t’allugues énte la opinión pública, seya nos medios de comunicación social o postulando pa un puestu políticu, tienes que tar dispuestu a que te disparen de tolos llaos, y el coronel Baños paez que lo sabe y poro nun gorgutó,pel momentu. Ye tamién poro qu’a min sí que me peta dicir daqué.

El coronel Baños, diplomáu de Estáu Mayor –el doctoráu militar- tien una llargatrayectoria profesional, en puestos perimportantes n’España y nel estranxeru, tamiéncon espliegues n’operanciones nos Balcanes. Va unos años pasó a la Reserva pa podersiguir trabayando no que más y petaba, la consultoría de seguridá internacional, ensíntener les torgues que supón tar n’actividá. Siempres lu oyi espresase con conocimientu ysentíu nestos ámbitos.

Entós, ¿Por qué esti baruyu per parte de dellos políticos y periodistes? ¿Porque ye militar? ¿Aínda tamos nestes? España ye l’únicu país occidental que se permite unviarprofesionales perpreparaos pa casa con namái cincuenta y tantos años, y cuando daquíens’alcuerda d’uno dellos aína salen los francotiradores a dispara-y nel llombu.

¿Aínda tamos colo del ruiu de sables? Quiciabes tendríemos de falar del ruiu de togues,estes si que tienen capacidá política, non los militares, y col movimientu de los xuecesdientro de la política nun veo que naide s’escandalice. El casu ye que’l probín del coronel Baños tien que sentise en solitú viendo como tán les coses, anque si nun lunomen, él yá dixo que yera militar y que si lu llamaba’l presidente del gobiernud’España namai tenia que ponese a disposición. Neses tamos.

Raúl Suevos

En Xixón a 10 de xunu de 2018

Cacarexaba la gallina en ñeru...

CARAREXABA LA GALLINA EN ÑERU, CACAREXABA Y NUN TRAÍA GÜEVU

Al rodiu de Trump y los coreanos

Ta estos díes l’atención de la ciudadanía bien ocupada coles coses del país –munches yvariaes- ya inda más col mundial de futbol; paez que nun queda capacidá pa otrosasuntos pero’l señor Trump siempres tien daqué pa dar que falar y ye poro que me viena la tiesta esti refrán estrayíu de los Cartafueyos asturianos de Canella.

Trump nun para de falar de la cume con Kim Jong Un, pa él más importante que la deYalta -ónde va parar-, que va ser la solución pa los problemes de los USA, d’Asia y delMundu- Corea del Norte va desnuclearizase, acordies colo acordao, y la Tierra va tarmás segura.

El casu ye que del alcuerdu llográu nun se sabe un res, Trump nun lu dexa güeyar, y a min paezme que, a la fin, poco o nada va camudar y el porqué voy tratar d’esplicalo:

A los coreanos del norte nun yos interesa quedase ensin les bombes y los cohetes, ye la moneda de cambéu cola que xueguen dende va unos cuantos años. A lo másqu’aportarán va ser a desmontar los probaos ultimamente, 10.000km d’algame y 200kg de tiesta, con ello dexen seliquinos a los USA y Trump vende productu. Entá hai que velo. En tou casu, anque desmontaren tol sistema siempres-yos van quedar los especialistas p’aniciar otra vegada.

Los coreanos del sur son los menos interesaos n’iguar les coses. Namái de pensar nunareunificación, colo que se deprendió d’Alemania, entra-yos el baile de San Vito de tantotremecer. La economía de Corea del Sur, que ye bona, nun da p’acoyer 25 millonescoreanos más d’un golpe. Meyor siguimos como tamos, hermanos pero tu na to casa y yo na de mio.

Escontra’l mar ya averáu a la península coreana ta’l Xapón. Éstos, socios de los USA, tampoco tienen dalu interés na posibilidá d’una reunificación. Ye verdá que los cohetes coreanos son pa ponese nerviosu, pero una Corea xunida, a mediu plazu, ye un dolor de tiesta aínda mayor. El Xapón ocupó abondo d’años la península al entamu del sieglu XX y les barrabasaes que ficierón aínda nun s’esquecieron d’aquelles partes. Asina quemeyor separaos anque seya cosa de poner perres pa que los del Kim faigan como quezarren lo nuclear.

Quédamos la China, que ye l’hermanu mayor nel que s’amparen los coreanos cuando se ven apretaos y que, hasta agora, siempres ta ellí pa da-yos una mano. Pero esto yeestremao de lo habitual, si les coses van demasiao bien, esto ye, aporten a una reunificación, cuerren un riesgu doblu, d’un llau la pila emigrantes coreanos que-yos vendría d’un día pa otru, y per otro llau’l riesgu de que’l nuevu país nun seya toloallegáu que se podría esperar. ¿Entóncenes? Meyor siguimos como tamos, eso sí, con unpocoñin menos de tensión na zona que China, colos sos planes de futuru, nun quierfollones na so llende.

Esi rebaxar la tensión va ser l’ésitu de la cume de Trump, ye dicir, el ñeru sí que tienhuevu pero l’huevu nun tien pitu. Bono, eso, y tamién repatriar dalgunos de los 30.000 soldaos qu’aínda tienen esplegaos ellí los USA, qu’eso tamién son perres.

Raúl Suevos

En Xixón a 16 de xunu de 2018

La solitú del rei...y de los españoles

LA SOLITÚ DEL REI…Y DE LOS ESPAÑOLES

Quemar banderes d’España o xiblar l’himnu ye daqué a lo que yá tamos avezaos; tooseya pola llibertá d’opinión que tan bien defendiera John Stuart Mill. Pero’l casu yequ’a min estes coses fadienme, a cencielles porque son la Bandera y l’Himnu de mio,anque nun tenga lletra, pero son los simbolos del mio país y siempres que los menosprecien o insulten siento que, dalguna miente, tán despreciándome a min tamién. Yo callo, porque, dicen, ye más importante la llibertá d’opinón, pero tócame los pies –ponga caún nel llugar de pies lo que-y pete- cada vegada qu’esto asocede.

Anguaño toca-y el turnu al rei, al xefe del estáu, que nestos díes caberos vien siendo la diana de los atacamientos en forma de quema de figures nalgunos pueblos catalanes y comentarios de parte de dellos políticos d’esta comunidá autónoma. Unos másdespreciatibles qu’otros.

Nel fin de selmana caberu, con ocasión de la inauguración de los Xuegos mediterráneos,el xenófobu presidente d’esa comunidá –esto nun ye insultar, namái hai que dir a leshemeroteques pa comprobalo- que ye, nun lo tenemos qu’escaecer, el representante delestáu nella, decolgóse con unes declaraciones según les cuales rompíen rellaciones cola Corona, anque al día viniente dexóse ver na inauguración de los xuegos citaos.

Too esto vien del discursu que’l rei ficiera con ocasión del desgraciáu referéndumillegal d’ochobre y la falta d’aición per parte del gobiernu de la nación; n’él falaba derespetu a la Constitución y del quebrantu de la llei y de la desllealtá del gobiernucatalán. Esta ye, según ellos, la gran falta del rei d’España.

Hasta equí munchos van dicir, ye lo que cabía esperar, y yo tamién lo pienso asina, el problema aporta cuando dempués de menos d’un mes de gobiernu nuevu vemos que los nacionalismos, catalán y vascu, van más farrucos que nunca, el primeru retoma tolcamín que llevó al 155 y manifiestase llistu pa otru referéndum tan illegal como’l pasáu, y el segundu diz que prepara un estatutu con dos tipos de ciudadanos –que sedríencategorizaos acordies col so pedigrí vascu- y con xusticia y seguridá social propies. Y elgobiernu nacional nun díz un res o peor, da-yos cuerda.

Ayer la cosa fo aínda peor dempués de la entrevista del xefe de Podemos col presidentexenófobu. Entrevista, acordies coles sos pallabres, col alcuerdu del presidente delgobiernu nacional y de la que salió cargando escontra’l rei al que, según paez, fairesponsable de toles hestories asocedíes en Cataluña. El rei ye güei pa dalgunos el culpable de los males del país. Y el gobiernu de la nación paez que nun tien un res quedicir.

El casu ye, señores, que’l rei reina pero nun gobierna nun ye responsable de dala aiciónpolítica, los responsables son los políticos, unes veces por aición y otres por inaición,más los que tán nel gobiernu que los que non, pero ye a ellos a quienes compete laaición executiva –gobiernu- y la aición llexislativa –cortes- poro, echá-y les culpes al reiye namái muestra de desidia y de ineptitú pal exerciciu de la aición política. Esto si ye que nun van más de lloñe guetando, unos y otros, minar la figura de la Corona conoxetivos de más llargu algame lo que sedría muncho más que desidia.

Son tiempos difíciles y cambiantes. Too esto paez que mos garró desprevenios -sobremanera a los del Partiu Popular-  tanto que tenemos un gobiernu que nin siquierpresentó programa, lo que nun lu descarga de la obligación de defender al xefe delestáu, y va dandomos sorpreses cada día. Vamos ver si nun atopamos tamién sorpresescol túnel de Payares y col pieslle del carbón.

Raúl Suevos

En Xixón a 25 de xunu de 2018

CUme de la OTAN la selmana viniente ¿L'aniciu del desaniciu?

CUME DE LA OTAN LA SELMANA VININIENTE ¿L’ANICIU DEL DESANICIU?

Nos díes 11 y 12 de xunetu va tenese una cume de la OTAN en Bruxeles. Vien’l xerif de los Estaos Xunios, el Donald Trump, y aporta recién declarada la guerra a Europa, la guerra comercial, lo que nun ye un bon presaxu pa la cume. Amás, dempués va xuntasecon Vladimir Putin, del que lleva un tiempu diciendo que ye un bon paisanu, lo que yetamién un mal presaxu pa la cume.

Trump ya tuvo notra cume OTAN, en mayu de 2017, na que, al contrariu que los presidentes anteriores de los EXA, nun quiso sofitar de pallabra l’artículu V del TratáuOTAN, que ye’l que diz qu’en casu d’ataque a un país miembru tolos demás van allegara sofitalu; lo que dexó a la parte europea abondo preocupada.

Amás d’ello, Trump punxolos como un trapu porque nun gastaben abondo n’asuntos de defensa; lo que ye una verdá como una catedral. Nesti añu que tamos, Alemania, quetien el so sistema de defensa polo suelos, amontó’l so presupuestu nun 6% y los países del este, vecinos de Putin, tamién lu amontaron. La Unión, polo que-y toca, tamién sepunxo a trabayar.

Aprovóse la PESCO, la Cooperación estructurada permanente en materia de defensa –l’acrónimu vien del inglés- dientro la que se van desendolcar una serie de proyeutos, financiaos pola Xunión, que puen llegar a ser la seme d’una Defensa europea máscreyible. Nesi sen, tamién s’aprobó’l nomáu Fondu de Defensa europeu, más enfocáu aldesarrollu de la operatividá intraeuropea, porque si güei tuviéremos que unvía-yfuercies –por poner un exemplu- a Polonia, too iben ser problemes llegales pa aportarellí y tamién d’interoperabilidá de los materiales.

Nel mes caberu vimos como Macron y May aprobaben una Fuercia d’intervención de 60.000 elementos, a la que se sumaron aína otros siete países, ún d’ellos España; fuercíaque se parez endemasiáu a la que ya roblaron Blair y Chirac en Saint Malo en 1998 yqu’enxamás aportó a dala parte. Más proyeutos, más iniciatives, d’Exercitu europeu un res.

L’oxetivu de gastu en defensa declaráu y robláu polos países miembros de la OTAN yed’un 2% del PIB, nivel que namái algamen el Reinu Xuníu, por tradición, y Grecia polso contenciosu hestóricu cola Turquía. Polonia ya Estonia anden cerca tamién, ye de suponer que pola so cercanía con Rusia. España va años que nun algama’l 1%. Nestiaspeutu, a lo menos, vamos tener que da-y la razón al señor Trump.

Na cume van aprobase algunes coses, un Fuercia de reaición nueva pal 2020, con 30 barcos, 30 escuadrones aéreos ya 30 batallones preparaos pa esplegar en 30 díes; unaumentu, 1200 persones, nos Cuarteles xenerales de la OTAN y un daqué de comesticapa dir tirando un tiempu. Nada revolucionariu, nada de profundu, nada que qu’indiqueque la OTAN quier espertase d’esi sueñu que recuerda el que-yos entra a los enfermos terminales enantes la defunción.

Tamos nuna situación de decadencia d’occidente, a lo menos no que toca a Europa, unxigante económicu, un nanu políticu y un vierbeme militar, que dixera va unos años unpolíticu europeu, y si nun somos a construyir daqué de tanxible, daqué de xenúi y altiempu europeu, una unidá verdaderamente europea pola qu’aniciar esi exercitueuropeu, ente’l Putin, el Xi Jinping, y agora tamién el Trump, Europa va quedar a unllau del camín de la historia.

Raúl Suevos

En Xixón a 2 de xunetu de 2018