Añu 718, nacencia del Reinu d'Asturies

AÑU 718, NACENCIA DEL REINU D’ASTURIES

L’oríxe d’Asturies, y poro d’España, naveguen ente’l mitu y la lleenda que más tardevan facese rellatu, rellatu que perdura anguaño. Les cróniques medievales, per partecristiana l’Albeldense y el Cronicón d’Alfonso III ente otres, y pel llau musulmán Ibn Hayyan, Ibn Jaldum o Ahmad al Razi como más conocios, encargáronse de dar cuentade lo acaecío naquellos tiempos escuros, col sesgu que de caún cabía esperar. En cualquier casu, dalgunos fechos y factores puen considerase como contrastaos, y asina ye qu’allá pol añu 718 cuenten los cronicones, y los estudios modernos confirmen, tuvo llugar en Cangues d’Onís, oriente de l’Asturies anguaño, daqué paecío a una asamblea o conceyu abiertu –una forma d’alministración llocal qu’aínda esiste nel norte d’España-na qu’unos xefes de clan, o simplemente notables y homes llibres de la zona,promovieron como cabezaleru políticu y militar a un d’ellos, un tal Pelagius, o Pelayo. El Princeps nuevu, que quiciabes esi fuere’l títulu, nunca’l de rei, toma como primera yfundamental decisión el refugu de los impuestos a pagar a los ocupantes musulmanes, que non árabes, pos la mayoría de los invasores veníos del otru llau del Estrechu yeren bereberes del Marruecos actual.

Esta decisión suponía una declaración d’independencia, pos el poder, dende siempres, correspuende-y a aquel que ye a imponer impuestos y recaldalos, y nesti casu yera’l poder cordobés pente medies el so gobernador Munuza, asitiáu na villa de Xíxón y que güei-y dedica una céntrica cai. Nel casu que mos ocupa y per delantre la Batalla de Cuadonga, de la que mos vamos ocupar llueu, considerase convencionalmente comol’aniciu d’Asturies, territoriu históricu por antonomasia, como entidá políticaindependiente, si bien precaria.

EL TERRITORIU Y EL SO POBLAMIENTU

La Tierra astur, l’espaciu au s’asitia’l Principáu, cuenta con unes carauterístiques que la faen particular con rellación al restu del país, incluyides les rexones del Cantábricu. Al norte, esti mar bravíu proyeutala haza’l restu del mundu celta y, pol sur, la Cordillera Cantábrica coles sos mayores altitudes aísllenla de los vientos templaos del sur. El resultáu ye un espaciu baxo la influyencia potente del clima atlánticu, quebráu hasta la galdidura, siempres n’estáu de semiaisllamientu coles tierres de la Meseta –entá güei- y con dificultaes graves pal desplazamientu internu lo que corrobora la esistencia na actualidá de tres variantes de la llingua tradicional del Principáu, l’Asturianu.

Clima duru, tarrén compartimentáu, condiciones típiques pa una economía de pastoréu, caza y recueya. Los asentamientos humanos documéntense dende’l Paleolíticu Inferior nes cueves y l’arte rupestre anguaño visitables, como la incomparable de Tito Bustillo en Ribesella, y tamién na del Sidrón, col mayor yacimientu mundial de restos de neandertales. Nun va ser hasta’l retiru de los xelos, ente’l X y V mileniu e.d.C. que se pue empecipiar a percibir el paisaxe asturianu de mou similar a lo que güei güeyamos.

Col Neolíticu amonta’l poblamientu como atestigüen los numberosos restos megalíticos y aperios, tamién s’anicia l’agricultura  y los asentamientos en llugares dominantes –defensa- que sedríen yá na Edá del bronce la basa d’una cierta cultura urbana na que la minería y la fundición yá tienen el so espaciu. A lo cabero d’esta dómina albidrase que s’anicia la cultura castreña, entornos urbanos de calter defensivu nídiu que van tener el so apoxéu na Edá del Fierru, cuando yá por tola fachada atlántica, hasta Bretaña, puen alcontrase oxetos n’oru de claru raigáñu asturianu, yá entoncenes tráficu marítimumediante.

Nesta Edá del Fierru yá podemos falar d’Astures, a lo menos asina mos lo cuenten tanto Plinio como Estrabón. Estos ocupaben una fastera amplia qu’entepasaba la propia Asturies aportando pol sur hasta’l Dueru, esto ye, Lleón, Zamora, con partes de Portugal y d’Ourense. La so economía basábase na ganadería, una agricultura humildosa a cargu les muyeres, la minería del fierru, oru y cobre ya, importante, la guerra colos vecinos como elementu económicu claru. Ye la dómina dorada de los castros, colos sos muros de cinta y les sos foses o carcabes defensives y anque nun lo paeza tamién teníen tiempu p’adorar los sos dioses, múltiples, ente los que destaquen Belenos o Taranis d’estirpe céltica clara. Schulten fala de la  práutica de la “covada” polos homes astures, una representación del allumamientu na que se guetaba una equiparación col superior estatus femenín nuna sociedad, la astur, matriarcal y que traxo la so impronta hasta anguaño.

Los romanos aportaran a Hispania allá pol 218 e.d.C. ; unos doscientos años más tarde namái queden llibres los Cántabros y los Astures. Va ser una llarga ya épica guerra que va tener el lideralgu, na so fase cabera, del propiu Augusto y que la so consecuencia va ser l’entamu la romanización d’estes tierres. Esta romanización, debío a la morfoloxía del tarrén va ser n’Asturies enforma superficial y vase centrar sobre too na esplotación aurífera yá qu’Augusto decretara la monetización n’oru y eso implicaba una gran demanda d’esti metal. La Vía Carisa o la de la Mesa, van ser les arteries que dendeLleón y Astúrica Augusta, Astorga, van caltener el fluxu del imperiu cola Tierra Astur y con Xixón, ciudá romana menor, con termes pero ensin foru, acordies col so rangu.

La romanización estiendese na zona, si bien superficialmente. El cambiu del patrón  monetariu a la plata va llevar la pérdida d’importancia de la provincia que queda como proveedora de tropes auxiliares. El pasu de los Vándalos nun dexa fuelga y el posterior dominiu godu namái algama a estender la cristianización, controlar el territoriu y poner les semientes del feudalismu posterior. Podríemos falar d’astures someramente romanizaos y nada xermanizaos.

PELAYO, EL REFUXÁU

Pal 711, Musa ben Nusair, gobernador d’Ifriquiya, el Magreb, allega’l llamáu d’una facción visigoda –vieya hestoria- ya únvia a Tariq ben Ziyad al mandu d’unos 7000 moros que derroten al rei Rodrigo en Guadalete y abren la puerta a la conquista de tol territoriu hispanu, aición que va completar el so xefe Musa ente’l 712 y el 714, cuando lu llamen a rendir cuentes énte’l califa, en Damascu, por práutiques corruptes. Ye equí cuando yá podemos retomar el filo con Don Pelayo a quien se supón participante na batalla como espatariu –miembru de la guardia personal del rei- lo qu’implicaba un ciertu grau de nobleza y quien énte l’avance musulmán toma’l camín del norte haza Asturies en compañía la so hermana –datu perimportante pa lo que va venir dempués- au acordies coles cróniques contaba con dalguna posesión.

Ye de suponer que n’Asturies, una vegada tomada polos musulmanes y col gobernador Munuza en Xixón, la situación sedría similar a la del restu del país y los otros territorios yá conquistaos polos exércitos agarenos al Imperiu Bizantín, esto ye, los “dhimmis”, los cristianos o xente del llibru, tres dalgún tipu d’acuerdu –conforme a lo señalao nel Corán-, pagando los impuestos de bayura y de capitación, no que sedría pa dalgunos “un buen pasar”, y la historia d’España sedría bien estremada si nun llega a ser porque Munuza encaprichase d’Adosinda, la hermana de Pelayo, y equí les cróniques nin tampocu Sánchez d’Albornoz esclarien del too si con ánimu matrimonial o simplemente libidinosu anque la novela romántica y el teatru tienen sacao buen partíu d’esti detallede la historia

PELAYO, REBELDE Y CAUDIELLU

L’astutu Munuza, preparando’l tarrén pa la so ofensiva sobre Adosinda, únvia a Pelayo a Córdoba en calidá de rehén o invitáu con llibertá amenorgada y ellí, dicen les cróniques, trescaláu ésti énte l’atropellu qu’esperecen los cristianos y l’acabamientu al que s’alcuentra sometíu decide escapar y tornar p’Asturies, vamos, l“echase al monte” tantes vegaes repetíu na historia patria. Tamos na primavera del 717 y el destín d’esti home empobínalu pa Cuadonga.

Yá n’Asturies, tres descubrir lo asocedío cola so hermana y tres fuxida épica énte los esbirros del wali cordobés, Al Hurr, unviaos por él, encaminase haza l’oriente asturianu, seguramente menos controláu que la fastera central ya u debía tener dalgún tipu d’ascendiente sobre los astures d’aquellos valles angostos.

Pal branu del 718, dómina de collecha y andecha, o de la seronda, cuando se baxen los ganaos de les brañes d’altura a los valles, ye probable que tuviere llugar l’asamblea o aconceyamientu en Cangues d’Onís nel que Pelayo sedrá elexíu caudiellu d’unos homes que, mientres dellos sieglos, demostraren llevar mal el xugu impuestu y a los que tendría convencío pente medies conversaciones y apellaciones a la llibertá ya quiciabes tamién a la fe cristiana mientres los meses del 718 que las cróniques mos escuenden.

Esti caudiellu, ye elexíu por astures, non como continuador de la llegalidá goda, que tamién-yos yera ayena, si non como igual ent’ellos, como cabezaleru d’una llegalidá nueva que col actu asambleariu se cria, qu’aínda nun ye institución, namái ye rebelión pero que, si hai suerte, sedrá l’embrión de daqué dafechu nuevo, el reinu d’Asturies.Vaya lo anterior en rellación col nomáu neogoticísmu que va apaecer cuando dos centuries más tarde, al descender el reinu haza Lleón, s’intente camudar los eleutores de Cangues en nobles godos y a Pelayo en fiu d’un dux, Favila, imposible d’atopar nes rellaciones visigodes del Aula Regis.  

LA BATALLA DE CUADONGA

L’entamu de la rebelión ye afortunáu. Al Hurr nun paez preocupase d’esos “burros xabaces” qu’asalten recaudadores d’impuestos y caltienen la pequeña guarnición musulmana nos sos cuarteles. Córdoba ta más interesada en progresar haza la Narbonense ya’l wali viniente, Al Samah, aportáu’l 719, preocupase d’organizar el territoriu del sur hispanu, más ricu, y avanzar haza la Galia onde va morrer en batalla énte’l duque d’Aquitania tres tomar Narbona nel 721. Va ser el primer revés seriu de lossarracenos.

El so sucesor, Anbasa, arriba n’agostu d’esi mesmu añu y, posiblemente pa’alzar la moral les sos tropes con una victoria cenciella enantes de retomar los asuntos galos, únvia al entamu la primavera viniente, nel 722, a un tal Al Qama al mandu d’unexércitu p’acabar colos rebalbos del norte. Esti exércitu tuvo d’entrar, como cuasi toos, pol Camín de la Mesa, sometiendo toos aquellos asentamientos que los informes de Munuza indicaron-y como rebeldes. Avanzando pol valle’l Piloña, debió progresar más tarde, dende Les Arriondes, Sella arriba, hasta Cangues d’Onís.

Pa entós Pelayo y los sos homes habíense recoyío haza la zona del monte Auseva y la Cueva Dominica (de la Señora), qu’asina se la conocía na dómina y que tá encolingada a 30 metros d’altor metanes un murallón rocosu. Ellí contaben cola fortaleza del tarrén pa la defensa y tamién, al traviés los Picos, con una vía d’escape haza Valdeón, una especie de valle santuariu metanes la cordillera y entoncenes d’imposible accesu pa una fuercia articulada como la sarracena. Ye mui probable que se vieren nes últimes.

Al Qama avanzó haza Cuadonga, yera’l 28 de mayu del 722 acordies Sánchez d’Albornoz,  seguramente tranquil pos el valle ye escampláu en comparanza con otros llugares. Acompañábalu, dicen les cróniques, el llaín obispu Oppas, siguidor de Witiza y yá traidor a Rodrigo, pa llegáu’l casu parllamentar con Pelayo, como asina fo, anque paez nidio que con resultáu negativu.

A l’altor el monte Auseva’l valle, de secute, zárrase y camuda n’estrechamientu, nun hai espaciu pa variar l’espliegue del exércitu y hai que siguir en columna hasta que, al tornar una curva, atopense so la cueva na que Pelayo con 300 homes –la cifra, apurrida poles cróniques cristianes, recuerda muncho a Leónidas nes Termópiles pos lad’Alfonsu III cuantifica nunos perexaxeraos 187.000 a los atacantes - espera los mahometanos.

Las fleches y piedres d’arqueros y flonderos reboten escontra la muralla y, de sópito, el gruesu de los homes del caudiellu, emboscaos na espesura del monte valle abaxo, cayen metanes la columna enemiga, frayandola y provocando la llercia de mou que la retaguardia torna grupes y fuxe haza Cangues. Ye’l momentu qu’espera Pelayo p’allanciase sobro la vanguardia u s’atopen Al Qama y Oppas. Tamién equí cundel’alloriu y los más fuxen haza’l camín de los puertos –la actual carretera de los Llagos- dexando Al Qama muertu y al obispu presu.    

Los fuxíos haza Cangues, diezmaos, pos ye sabío que les poblaciones per au pasen les tropes desbandaes suelen cebase nelles, aportaríen a Xixón coles anuncies nefastes, poniendo al escape a Munuza y la so guarnición que tamién diben ser copaos yaniquilaos cuando tentaben de ganar les altures del Camín de la Mesa dellos díes dempués.

El restu la vanguardia sarracena fo algamada polos homes de Pelayo nel tramu -de gran dificultá ciclista pa los aficionados a esti deporte que suben a Los Llagos- conocíu entá güei como la Güesera. Dempués, los sobrevivientes, vagaríen ente enormes dificultaes polos Picos pos nun cuntaben con guíes, pa llegar a Cosgaya, na Llébana, au delles cróniques llevenlos a perecer baxo un argayu venturiegu y otres, más lleenda que crónica, dicen que morrieron a les manes de Gaudosia, muyer de Pelayo, que s’alcontraría a resguardo naquellas partes coles muyeres y una guarnición pequeña.  

Tres la victoria Pelayo yá nun ye caudiellu, vien aclamáu rei y asitia la so capital en Cangues d’Onís u va morrer tres 19 años de reináu.

LA RESILIENCIA ASTURIANA Y LA SO IMPORTANCIA PAL RESTU D’ESPAÑA

El fechu de que la capital asturiana se caltuviere en Cangues per munchu tiempu, hasta que Silo la mueve a Pravia más de cincuenta años dempués, da cuenta de la precariedá del reinu, espuestu a ser afaráu por un exércitu cordobés adecuáu; pero ellí, n’Al Andalus, les coses de palaciu diben torcíes y les guerres internes nun van dar tregua mientres un llargu periodu d’años qu’empecipien dempués de la espedición d’Anbasa a la Galia y que vacíen les guarniciones musulmanes de Galicia dexándola desguarnecida.

N’Asturies ye elexíu a la manera goda Favila, fiu de Pelayo, que va morrer a los dos años baxo les garres d’un osu y a quién asocede’l so cuñáu Alfonso. Otru golpe de fortuna pa la historia d’España pos yera ésti fíu del dux de Cantabria, lo qu’anoblecía la estirpe y, sobre too, yera home resueltu y de grandes lluces, contando amás col so hermanu Fruela, guerreru esceicional, como llugarteniente.

Alfonsu, que muerre nel 757, y el so hermanu, lleven a cabo una política d’ocupación de l’abandonada Galicia y, haza’l sur, anicien el vaciáu de la cuenca del Dueru, aportando hasta la Serranía central y hasta la cabecera del valle del Ebru. Entren en Tuy, Zamora, Astorga, Lleón, y esterminen a tou agarenu que s’alcuentren pero vacíen les ciudaes llevándose los sus pobladores, patrones y siervos, y repueblen con ellos los sos dominios norteños. Ye la dómina de les puebles, poles, etc. y asina van nacer Pola Gordón, Pola Llaviana, Pola Allande y otres. Con estos pobladores, munchos d’ellos de raigón godu, llega tamién el drechu xermánicu que s’incorpora xunto col romanu a les fontes llexislatives asturianes.

Está política tien un efeutu militar nidiu pos nel futuru los exércitos cordobeses nun van cuntar con loxística abondo p’acometer el reinu, centrándose más nel Llevante. Arriendes d’ello, la so simple esistencia y permanencia, supón un focu d’atención suficiente como pa que los musulmanes nun llantén los sos güeyos nos pequeños núcleos qu’aínda resisten nos valles pirenaicos más fonderos y que van dar nacencia posteriormente a los condaos de Sobrarbe y Ribagorza.

Hasta que Córdoba se recupera ya intenta retomar la iniciativa son tiempos que Asturiesaprovecha pa consolidase, repoblar el so territoriu como vimos y, darreu, escomenzar el repoblamientu del “desiertu” del Dueru mientres el reináu d’Ordoñu I. El so ésitu va ser la so perdición cuando Alfonso III el Magnu consolide la ocupación de tol territoriu y ala so muerte reparta’l reinu –práutica nefasta de los reyes de Lleón- ente los sos fios. Tres la tradicional llucha fratricida va ser Ordoño II el que nel 914 tresllade la capital dende Uviéu a Lleón y con ello otra vegada los astures van quedar separtaos del camínprincipal de la historia.

Enantes qu’esi fechu se produxere otra serie d’elementos de suma importancia pa la historia d’España tuvieron llugar nel solar astur. Na Llébana, el yá entós pernomáu Beato, reafita’l predique l’apóstol Santiago na Hispania romana, fechu del cualu nunca se tuviera noticia y del que la historiografía moderna tampocu alcontró rastru; yeren tiempos del reináu de Mauregato, al que tamién infundadamente se-y axudica l’oprobiosu impuestu de les cien doncelles y que llegara al tronu nel 783 tres deponer a Alfonso el Castu. Esti rei, qu’aporta al tronu unos años dempués, ye un gran monarca, completa’l repoblamientu’l Dueru, sufre dos acometies musulmanes na propia Uviéuque cuasi acaben col reinu, repuebla Oportu y toma Lisboa, y algama Sevilla nuna les sos incursiones pero, sobre too, ye demientres el so reináu que l’obispu Teodomiro, nel 814, da cuenta del afayu del sepulcru del Apóstol Santiago. Tres un tatexu inicial, Alfonso pelegrina a Compostela y alza una ilesia pequeña pa agospiar el sepulcru. Va ser l’entamu d’una tradición milenaria y güei universal, y pa la monarquía astur una grande y prestixosa operación de mercadotecnia política.

A MOU D’EPÍLOGU Y PIESLLE

Pa cuando Ordoño II s’instala en Lleón, aquellos astures, tres les sucesives campañes de vaciáu del Dueru y repoblamientu del reinu astur, ya nun son astures sinon más bien asturianos, y como los sos ancestros allá enriba, nel norte, con un accesu mui difícil, separtaos del avance haza’l sur van quedar pa los sieglos vinientes.

Tornen a apaecer los asturianos cuando l’anónimu autor del Cantar del Mío Cid pon en boca del Campeador na Xura de Santa Gadea aquello de que “villanos te maten, Alonso, villanos, que non fidalgos, de les Asturies d’Uviéu, que nun seyan castellanos”. Tamos allá pol 1200 y los asturianos, lloñe del prestixu de tener salvao España, yeren consideraos como lo peor d’aquella Castilla, y nun había motivos, sinon más bien alloñanza, desconocimientu, como en tiempos de los astures, d’aquelles tierres llonxanes del  norte.

Unos años dempués, na Toma de Sevilla, va ser un capitán avilesín, Ruy Pérez, el comandante de la nave que rompa les cadenes que piesllen el riu y asina permita la cayída de la ciudá; l’escudu de la villa recuerda’l sucesu dende entoncenes. Dempués va siguir la murria, si bien los sos marinos siguen surcando mares a la caza les ballenes y a la espera de ser llamaos a la puerta la historia otra vegada. Va ser de la mano de Pedro Menéndez d’Avilés, azote de los corsarios nel Cantábricu, más tarde almirante de la Flota d’Indies y Adelantáu de la Florida, xesta, ésta cabera, pa la que cuenta y nutre la so espedición con marinos de los puertos asturianos.

Nun va ser hasta la Ilustración que vuelven a sonar los asturianos, de la mano de individualidaes como Campomanes, Xovellanos o Marcenado. La rexón vive nun atrasusecular como atestigüen los rellatos de viaxeros foriatos, y el propiu Xovino nos sos escritos. Cola guerra d’Independencia resurden los astures, de nuevo la so braveza, que sedrán los primeros dempués les xornaes del 2 de mayu en nomar un gobiernu, la Xunta Suprema del Principáu d’Asturies, qu’arma reximientos y resiste heroicamente a los exércitos napoleónicos mandaos pol Mariscal Ney.

La revolución d’Ochobre del 34, la Xesta del Cercu d’Uviéu o del Cuartel de Simancas de Xixón, la resistencia nos montes asturianos tres la Guerra Incivil suenen como rabotazos d’aquellos fieros astures que plantaron cara a los exércitos sarracenos en Cuadonga. Güei ye Asturies una tierra española como les demás, enfotada nel día a día, preocupada pola situación económica, la so secular falta de comunicaciones y losproblemes sociales qu’aforfuguen la ciudadanía, pero con una concencia clara y nidia del conceutu nacional nestos tiempos nos que la combinación de populismu y nacionalismu desendolca movimientos dixebradores nalgunes rexones que namái puen dar como resultáu l’acabamientu y debilidá de la figura d’España na redoladainternacional, si non daqué peor, precisamente cuando, na hora del mundu que mos atopamos, la Xunión Europea, de la que formamos parte, precisa más que nunca de la fortaleza de los sos estaos miembros.  

Fai 1300 años, la convención histórica diz que nació’l reinu d’Asturies, territoriu históricu onde los haya, aniciu d’una pasión, entamu d’una epopeya que daría llugar a toa una cultura hispánica qu’anguaño comparten millones de persones más allá d’España y que tien entá per delantre muncha sienda a percorrer.  

En Xixón a 5 de setiembre de 2018

Raúl Suevos, coronel de Infantería

Rellatu asoleyáu en castellán na Revista Ejército nº931 d’avientu de 2018

http://www.ejercito.mde.es/publicaciones/revistaejercito/index.html

repdiv.blogspot.com

abellugunelcamin.blogspot.com

BIBLIOGRAFIA

Álvarez Peña, Alberto. Celtas en Asturias. Picu Urriellu. Gijón, 2002.

Fugier, Andrés. La Junta Superior de Asturias y la Invasión francesa. Silverio Cañada editor. Gijón, 1989.

González, José Manuel. Antiguos pobladores de Asturias. Ayalga. Salinas/Asturias, 1976

Gracia Noriega, José I. Don Pelayo. Esfera de los libros. Madrid, 2006.

Hodgson, Marshal. The Venture of Islam. The University of Chicago Press, Vol I. Chicago 1974.

López García-Jove, Luciano. La Batalla de Covadonga y la historia del Santuario. Ed. FET. Oviedo, 1945.

Miguel Vigil, C. Pedro Menéndez de Avilés. Auseva. Gijón, 1987.

Musi, Vincent. Asturias. National Geografic. Barcelona, 2005.

Sánchez Albornoz, Claudio. Orígenes de la Nación Española. El reino de Asturias.Instituto de Estudios Asturianos. Oviedo, 1972.

Santos Yanguas, Narciso. El Imperio romano y el oro de  los astures. Cajastur. Oviedo, 2004.

Schulten, Adolph, Cántabros y Astures y su guerra con Roma. Espasa Calpe. Barcelona,1962.

Carta a un amigu cubanu

Queríu amigu Reinaldo

Pedíesme va unos díes esplicaciones sobro l’apregonada visita a Cuba del presidente delgobiernu d’España pues tú, dende ellí, nun podíes camentar que Sánchez, metanes eldiscutiniu  la Constitución cubana nueva, que ratifica la falta de llibertaes individuales y la permanencia del partíu únicu, y unos díes dempués de l’aprobamientu nelParllamentu Européu d’una resolución condergando al réxime castrista pola falta dedrechos humanos visitara La Habana y asina, cola so presencia, sofitara la operación cosmética que Raúl Castro punxo en marcha nestos años caberos pente medies de DíazCanel.

Allanzé un pocoñín en contestate porque yo mesmo nun atinaba a atopar esplicación y preferí esperar a ver el desendolcu de la visita pa tratar d’alcontrala –difícil- y poroagora, con más solombres que lluces, póngome a la xera d’azuñalo anque dende yá te prevengo que la de mio nun ye más qu’una opinión individual sobro l’asuntu ya equí,n’España, nes coses de la política, los españoles podemos tener tantes opiniones comones coses del futbol, ye dicir, una caún.

Pa entamar diréte que Cuba, magar la retólica oficial, la historia y la importancia qu’encada ocasión la prensa española-y da a tolo rellacionao cola islla, a los españoles, a lofondero, importa-yos un figu. Sí, queden munchos dichos sobro la pérdiga de la Perla del Caribe, tamién histories de la emigración pero, a la fin, yá naide s’alcuerda de Cuba,yá nin siquier Fidel allevanta pasiones. Por supuestu que les UMAP namái representen unes sigles ensin significáu, y eso que los chinos recuperáronles p’aplicales a los uigures d’una miente masiva, equí impera’l futbol y la ración viniente de gambes. Esta ye la realidá Reinaldo.

La llei de Memoria histórica, llei de nietos ehí, nun yera en realidá un xestu humanitariuhaza los deudos de los emigrantes sinon más bien daqué d’interés n’esi momentu palpartíu del gobiernu y tamién de la oposición, de fechu dambos la sofitaron nelCongresu. Van sesenta años de la Revolución y equí van quedando cada vegada menos parientes d’emigraos y con ellos desapaez l’interés por Cuba; a los nuesos héroes, como Cervera o Vara de Rey, hasta los tachen de fascistes n’algunos llugares, coses veredesamigu Sancho.

Históricamente España foi la puerta d’Europa haza y d’Iberoamérica pero cola construcción de la Xunión Europea los nuesos intereses cuantitativa ya cualitativamenteatropense acá y anque sigan los viaxes de mandatarios pa los cambeos presidenciales, a lo fondero, nun se decata una política nidia haza Hispanoamérica y agora coldesplazamientu del centru económicu mundial haza’l Pacíficu esta tendenciad’abandonu amontase. América güeya haza Asia ya Europa, España incluyida, mira más haza sí mesma y nesta tendencia Cuba nun representa un res, 10 millones de posibles clientes que lo que ye güei nun tienen un euro pa gastar. Les resoluciones delParllamentu Européu nun son vencellantes pa la Comisión, recuerdote.

Nel planu políticu Cuba, con Fidel, estrumió al máximo la so capacidá internacional, seguramente a cuenta de la vida de munchos mozos cubanos inmolaos n’unes guerresafricanes que nada-yos diben y nes que cumplíen el papel de representantes de la URSS, y con ello pagaben l’ayuda que Cuba recibía dende Moscú. Güei son los mélicos ytéunicos cubanos esportaos per mediu mundu los que cumplen esa función económica pal réxime. Pero estes coses equí poco o nada se cobicien.

Nesa rellación familiar y mediu histérica ente Cuba ya España varies foron les visites de mandatarios españoles. Franco que siempres tuvo escontra’l Bloqueu, nunca saliód’España pero caltuvo la rellación en planu de cordial familiaridá y Fidel agradeció-ylocon tres díes de llutu nacional. Suarez per ellí pasó, ¿P’anunciar el cambéu de réxime ysaludar? Nun recuerdo resultaos d’esi viaxe. Más tarde foi Felipe, yeren los socialistesespañoles nel poder, colegues en ciertu mou de los marxistes Castros, pero amás de inaugurar la embaxada nueva, que güei yá ta pa cayese, y mui buenes pallabres, tampoco salió gran cosa ¡ah¡ sí, un acuerdu miserable d’indemnización a los espropiaosde la Revolución que non toos aceutaron. Dempués Aznar, acompañando a los Reyesnuna cumal hispanoamericana y polo tanto non en visita española, siguíu de la nomadaPosición Común europea anguaño anulada. Queda’l bon rollu de Fraga y Fidel pero esonun son rellaciones d’estáu. En tiempos recientes l’inefable Zapatero inventóse esa lleide Memoria histórica, responsable de la reapertura de les feríes del pasáu n’España yaensin terapies pa la so cura, que lleva apareyada la yá mentada llei de nietos y los ¿200.000? hispano-cubanos nuevos, pero nin por eses Zapatero visitó la islla, yás’encargaba el, nun sé calificalu, Moratinos, responsable de la lliberación/espulsión de los disidentes cubanos encarcelaos por Fidél y con ello del llaváu de cara gratuitu de Raúl Castro, de caltener fluida la rellación, en cuenta de nada. De Rajoy ya Margallonun sé qué contate.

Agora tamos col caveru llaváu de cara del réxime. Díaz Canel y la Constitución nueva, pero equí, n’España, y tamién n’Europa, naide paez dase por enteráu que Díaz Canel ye un productu cien per cien del réxime, ensin nicios de cambéu per dalu llau, namái unmoñecu de Raúl, quién por cierto nun foi a sacar adelantre la so prometida “actualización” del sistema económicu más allá de dellos negocios de fios y sobrinos de la nomenclatura; un moñecu al que nun va dexar xarramicar siquiera’l propiu PCcubanu y eso bien se ve na formación del Conseyu d’estáu caberu. La nueva constitución, bien lo sabes, ye una tomadura de pelo que consagra’l partíu únicu y que sólo apurre una flexibilización del conceutu de propiedá p’asina poder convertir la isllanun resort turísticu con capital estranxeru y de camín pue que tamién caiga una piñata almou nicaragüense. Les eleiciones van siguir siendo dirixies y quiciabes veamos ques’amplía numéricamente la dirixencia pa dar pasu y pación a la generación familiarnueva. Más de lo mesmo.

Entoncenes ¿A qué va Sánchez? Sigo ensin sabelo. Económicamente nun hai un res,nun tenemos economía pa sofitar un programa de créditos a la esportación colo que nunye d’esperar que nengún empresariu apueste nel país, ensin escaecer les imperialistes ysiempres amenazantes lleis USA; los empresarios que lu acompañen fáenlo más por pagar concesiones d’equí que por otra cosa. Nel planu políticu la robla del acuerdup’añalmente revisar les rellaciones billaterales con inclusión de los drechos humanosnun ye más qu’un papeluchu que vien del gobiernu con menor sofitu parllamentariu nahistoria democrática d’España, esto ye, nun val un res, ello ye tan pocu que nin siquierpaez tuviere tiempu pa xuntase con dalguna dama de blancu nesi hotel tan guapu reciéninauguráu en Prado, un cinco estrelles de GAESA construyío con obreros indios porque, al paecer, los cubanos nun reúnen condiciones téuniques abondes; quedare una foto muiguapa.

El nuesu presidente, dende la so llegada al gobiernu, vive nun apuramientu viaxeru, cuasi nun parosismu, un vien y va qu’equí mos tien ablucaos, más propiu d’un país importante nel conciertu mundial y col patiu caseru perfeutamente controláu, lo que nunye’l casu pal doctor Sánchez. Dellos analistes piensen que ye pa evitar tener que daresplicaciones nel so propiu país. El casu ye que ta batiendo toles marques dekilometraxe nestos primeros meses pero too ello metanes d’un desiertu de resultaosd’esos viaxes ya nun constante sainete de rectificaciones de tou tipu. Agora mesmotamos col últimu rabotazu de les negociaciones sobro’l Brexit,  muncho más importantes pa nós que’l padecer de los cubanos, nes que paez que los británicos tornen a metenos un gol con Xibraltar, escuso esplicate que tolo rellativo a la tensión territorial interna, güei centrada en Cataluña, preocupa muncho más que Cuba, inclusive si’l nuesupresidente obliga a viaxar al Rei pal centenariu de La Habana, nel qu’a mín sí me prestaría tar anque sólo fuere por oyer a Gustavo Leal, un orador esceicional, nundiscursu similar al del 500 aniversariu de Baracoa.

En fin, amigu Reinaldo, que nun te puedo dar una esplicación convincente; el miosentimientu ye que vosotros, los cubanos d’a pie, nun sois preocupación de naide, al menos los venezolanos tienen petróleo y cuando pase’l so particular vía crucis tornarán a ser suxetos d’interés, vosotros namái tenéis el sol caribeñu, el dulce –el azúcar- ya nunye lo que yera y amás la vuesa industria ta polos suelos, Moreno Fraginals tornaríase ala so tomba. “L’amigu” gringu ye aínda menos de fiar, pa él sólo sois un posiblemercáu, pequeñu, y quiciabes tamién un puticlub, hasta’l simpáticu Obama se cargó laLlei d’axuste na so selmana cabera de mandatu, que nun tolo malo diba ser el –a estitampocu sé cómo calificalu- Trump. Nun güeyo nin un solu motivu pa ser optimistarespeutu a los resultaos d’esta visita del presidente del gobiernu español nin a la soxustificación y tampocu veo nengún rayu de lluz a cortu plazu nel futuru de Cuba.

Por cierto, y yá piesllando estes llínees, tampocu algamo a ver un res positivu nosacuerdos de compra d’armamentu rusu. ¿Pa qué esi armamentu? ¿Escontra quién? ¿Escontra los Marines? ¿Tamos llocos? Y ¿Con qué piensa Canel pagalos? Hai dalgúnanalista que fala de bases ruses en Cuba lo que podría sonar a un recambiu nuevu palescosáu mecenalgu venezolanu pero tengo mieu que la Rusia anguaño yá nun ye la URSS y esa posibilidá nun daría los réditos económicos que dio nel pasáu.

En fin y en pos Reinaldo, siento nun ser positivu nel mio analís d’esta visita y sientotamién nun poder ser optimista no que cinca a esa maraviosa tierra que ye Cuba. Unabrazu mui fuerte.

Raúl Suevos

A 23 d’avientu de 2018

abellugunelcamin.blogspot.com

repdiv.blogspot.com