Nun ye que yo tea mui puestu nes coses del llatín pero por oficiu y dende que yeramozu conozo aquello d’artillería, ultima ratio regis, o lo que ye lo mesmo, cuandos’acaben otres razones, al rei, siempres-y quedaba la artillería, namái al algame de la so bolsa porque yera mui cara. El civis, el ciudadanu, más que razones tien esperances,fides me diz el diccionariu, porqu’él nun ta na cumal de la pirámide como’l rei, el civista na basa, ye la basa y namái-y queda esperar que la iustitia, esa que la escultura mosrepresenta con balanza ya espada nes manes y los güeyos vendaos, lu abeyugue énte los abusos del potentáu.
Vien esti llargu entamu al rodiu de toles noticies d’estos díes caberos rellacionaes col poder xudicial, el cualu ye, acordies cola Constitución, ún de los tres poderes que conformen un sistema políticu como’l de nueso, esto ye, un sistema democráticu yrepresentativu. Güei mesmu, tán xueces y fiscales de fuelga pola falta de medios personales y materiales na que’l gobiernu, esti y los d’enantes, los tiene abandonaos, y ye que’l caltenelos somorguiaos en causes abiertes ye tamién una manera de teneloscontrolaos. Esti ye, pa los ciudadanos, el menor de los problemes, ye sólo un problema de tiempu, al final, el ciudadanu va recibir xusticia. Meyor si ye en tiempo, pero ye loqu’hai.
El problema grave ye’l de la independencia del poder xudicial. La selmana cabera pudimos asistir al repartu ente los partíos de los puestos y la presidencia del PoderXudicial, que ye tamién la del Tribunal Supremu, tolos partíos importantes, quitando ún,propunxeron los vocales del Conseyu en función de les sos simpaties partidistes y nonn’interés de la xusticia colo que, a la hora d’impartir xusticia, ye d’esperar que vayan mirar de regüeyu les señales que vienen del partíu que los sofitó nel ingresu y asinadempués vienen los espectáculos –nun se-y pue dar otru nome- como’l que mos dieron con ocasión de la sentencia les hipoteques. Nel sieglu XXI resulta difícil d’entender y comprender esta situación de falta d’independencia nel gobiernu de los xueces. Tienqu’acabase yá.
La xusticia nun ye sólo’l Supremu; hai tribunales de rangu inferior y munches vegaes, lamayoría, atopamonos con xueces íntegros y trabayadores que nes sos manes cayenasuntos de muncha trescendencia que ye necesario, pal sistema, tratar con munchu“procuru”, o dicho d’otra miente, con un güeyu abiertu y les ñarices tapaes. Nestoscasos el control de la xudicatura ye tamién importante y un ascensu o promociónprofesional oportunu vien a desanoyar el nuedu, como nos rellataba Jesús Cacho nunartículo d’esti domingu qu’a min resultábame respigante.
Entoncenes ¿Qué mos queda al ciudadanu? Ta nidio que la xusticia nun ye ratio pa nós, ye más bien fides porque la nuesa capacidá d’actuar sobro’l sistema ye ínfima, pasa polaemisión del nuesu probe ya humilde votu, ye l’único que mos queda y yo tengo muiclaro que, cuando aporte’l momentu, voi lleer los programes de los partíos políticos paver quién ta y quién non pola independencia de la xusticia n’España. Esta va ser pa minuna cuestión sine qua non, que ye otro llatinismu que me presta muncho a min pa esticasu.
Raúl Suevos
a 19 d’avientu de 2018
repdiv.blogspot.com
abellugunelcamin.blogspot.com
No comments:
Post a Comment