¿Exércitu Européu o globu d’aire européu?
Nun se fala nestos díes d’otra cosa n’Europa que nun seyal’Exércitu Européu propuestu pol presidente de Francia, Emmanuel Macron. Ye ésta una idea asoleyada nundiscursu’l mes de septiembre pasáu na universidá de la Sorbona de París col nome, mui estudiáu, d’Iniciativad’Intervención Europea y col oxetivu d’axuntar ungarrapiellu países europeos, los más importantes, alpaecer, cola sola ausencia d’Italia pel momentu.
Vien falándose d’ella dende’l mesmu septiembre, güeitovía lo fizo’l ministru d’esteriores de nueso, el señorBorrel, pero sobre too fízolo fai dos díes el presidente Trump, y d’una manera mui pocu favoratible. Nun-y presta nin un res a los Estaos Xuníos la posibilidá de que la Xunión Europea se faga mayor d’edá y ye a lo que-yos suena lo del Exércitu Européu; convién-yos más una XEtatexante y dividida, que ye lo avezao per otra parte.
La idea ye tener una fuercia d’intervención, militar y civil, preparada pa ser unviada de manera rápida ya conducenteensin necesidá de tener qu’esperar por tol procesu dexeneración de fuercies que se requier normalmente. Estafuercia nun sedría de la Xunión Europea, tampoco de la OTAN, sedría de los países miembros, ente ellos el ReinuXuníu, país nuclear como Francia, ya España que tamiénparticipa, y asina evitariénse los problemes que tuvoqu’encarar Francia nel casu de la Operación Serval en Mali, por exemplu. Paez una mui bona idea, asina, aprimeres.
El casu ye qu’esta iniciativa ye mui paecida a la Fuerciad’Intervención que yá se robló en tiempos del presidente Chirac y del premier Tony Blair, allá pel yá llonxanu1998, en Saint Malo. Una fuercia que tamién taba destinada a facer grandes coses pero que nin siquier foiemplegada pa la intervención que Cameron y Sarkozydesendolcaron sobro la Libia nel 2011 y que los sosresultaos desastrosos aínda perduren anguaño.
¿Entós qué y’esto de la Iniciativa d’Intervención? Pues a min paezme que ye un globu enllenu d’aire, como la mayor parte de les iniciatives que se faen nesti campu.Macron esperaba facer daqué semeyante cola CEP, la Cooperación Estructurada Permanente que roblaron 25 países nel caberu avientu, que ye bona pa otres coses peroque con tantos países va ser difícil facer daqué conducentenel campu operacional y poro la Iniciativa nueva tiennamái nueve, pero’l procesu d’activación, entá por definir,ya’l so caráuter intergubernamental llévamos a pensar quenesti casu tamién too va quedar como una iniciativa política más ensin resultaos reales.
Europa, qu’entamó como una simple xunión aduanera vaunos cuantos años, ta güei a puntu de ser una xuniónpolítica, cada pasu que da va nesa direición, pero aínda-y falta un bon cachu p’aportar al cabu del camín. Ún de los elementos necesarios ye la construcción d’una verdadera Defensa Europea y esta Iniciativa del señor Macron nunapurre nada nuevo; pa que podamos falar d’una Defensa Europea fai falta un verdaderu exércitu européu, pagáu colpresupuestu européu, so bandera europea, a disposición del Conseyu Européu y baxo’l control y aprobamientu del so espliegue per parte del Parllamentu Européu tolo demás son babayaes y los comentarios desconsideraos y malos moos del presidente Trump son parte del teatruqu’unos y otros caltienen pa tener a la xente entretenida. Él sabe qu’esti Exércitu Europeu del presidente Macronye, una vegada más, un exércitu d’aire.
Raúl Suevos
A 14 d’avientu de 2018
No comments:
Post a Comment