Bolsonaro y López Obrador, dos cares de la mesma moneda

BOLSONARO Y LÓPEZ OBRADOR, DOS CARES DE LA MESMA MONEDA

Tán estos díes los focos apuntando sobro estos dos homes, vienen de ganar les eleiciones en Brasil y México y eso, naturalmente, da muncho que falar, son dende siempreslos dos xigantes d’Hispanoamérica y eso ye abondo pa que vecinos y non vecinos teamos pendientes de cómo puedendir les coses nesos dos países.

Bolsonaro ye un diputáu d’un partíu menor a la drecha de la drecha na asambleya brasilera; como siempres nestoscasos, tien fechu munches promeses a unos cuantos partiosque s’alluguen a la so esquierda a cuenta del so sofitu neseleiciones, y agora, cuando llegue’l momentu de gobernar,va tener que contar con ellos.

López Obrador ganó les sos eleiciones de la mano de MORENA, un partíu a la esquierda del PRI y del PAN, ytamién como Bolsonaro tien fechu munches promeses y acuerdos con munchos partios, tampoco tien mui claro que pueda llevar a cabu la so aición de gobiernu fuera les sosprerrogatives presidenciales.

Bolsonaro y López Obrador, dende ideoloxíes muiestremaes, opuestes, son dos casos cuasi idénticos, dos erupciones de dos sistemes políticos enfermos, nun ye’l so programa políticu’l que xustifica la so victoria eleutoralsinón el fracasu de los partidos políticos tradicionales padar solución a los problemes d’un mundu qu’evolucionó a más velocidá de la qu’ellos taben preparaos p’asimilar. En Brasil votaben escontra’l Partíu traballista de Lula quedempués de munches promeses de saneamientu del sistema políticu pagó-yos con más corrupción, como los demás. En México votaben escontra’l PRI de Peña Nieto,partíu de la corrupción institucionalizada, y por un López Obrador, AMLO, que lleva años prometiendo la cuadratura del círculu políticu. Los dos casos representen el gritu de protesta de dos sociedades que ven como’lmundu evoluciona y como en llugar de meyorar, les sossociedaes van a peor en bienestar, seguridá, progresu yxusticia social, etc. Ye la situación ideal pa l’apaición delos populistes; vémoslo tamién nel casu de Trump, deOrban n’Hungria, de Lepen en Francia, el propiu Macronye un reflexu d’esti fracasu de los partios tradicionales, Chávez foi paradigmáticu nel so tiempu y agora los venezolanos páguenlo con Maduro.

¿Cuála ye la solución? Ye bien difícil proponer nenguna, a lo peor nin siquier hai solución y tamos delantre d’unparadigma nuevu nel que los profetas de soluciones imposibles tean llamaos a ganar eleiciones y facese col poder. Al tiempu qu’esto pasa nun se ve una reaición delllau los partios tradicionales, basta con güeyar en casa denueso. Una cosa sí me llama l’atención y esto ye’ltratamientu que la prensa, en xeneral,  vien dándo-y a estos líderes nuevos, culpando a los eleitores cuando, almio paecer, son los partios tradicionales los que po la soincapacidá nunos casos, la so corrupción n’otros o fallos estructurales como pue ser la falta de democracia interna o les xuventudes de los partios, verdaderes escueles demedría personal; son ellos, repito, los verdaderos culpables de l’apaición, esporpolle y finalmente victoriaeleutoral d’estos líderes populistas nuevos y el peligru que de la mano d’ellos se mos vien enriba.

Raúl Suevos

a 1 d’avientu de 2018