Marxismo-populismu y nacional-populismu sintomes d'una dolencia

 

Marxismo-populismu y nacional-populismu sintomes d’una dolencia

Tán les coses de la política aburantes en forma y nun paez que se vayan aselar nos meses vinientes, al contrariu, tolos nicios faenmos albidrar qu’ainda van empiorar. Elretemblíu caberu vieno de la mano les eleiciones andaluces au’l partíu políticu Vox sacó un sacu votos, munchos más de los que la mayoría s’esperaba, tantos que cuasi se fala más d’ello que del fechu de qu’Andalucia tea en situación de conocer el significáu de lapallabra “alternancia”, que xunto con “pluralismu” formen l’arcu la bóveda la democracia parllamentaria que ye’l sistema políticu nel que se basa la convivencia los españoles.

La mayoría los falantes sobro l’asuntu fáenlo negativamente y axudicándo-y a Vox losaxetivos de facistes, estrema o ultradrecha, y dalgunos peores. Yo quédome cold’estrema y voi tratar d’esplicame polo que cinca a la ciencia política, esto ye, dende unpuntu de vista académicu, lo más alloñáu posible de la pasión o l’interés políticu y paello voi tratar d’esponer lo que ye un sistema de partíos tipu o estándar.

Hai munches opiniones o visiones sobro la estructura más normal teniendo en cuenta que la más axustada sedría la que diere espresión a más sensibilidaes polítiques peroentós el sistema sedría poco manexable por escesu de partíos, como pasaba va unos años n’Italia au había tantos que’l Parllamentu yera un gallineru; nel otru estremutenemos un sistema de partíu únicu, nesi casu nun podemos nin siquier falar de democracia, como ye’l casu, por exemplu, de Cuba, un pocu más allá taría’lbipartidismu, al que s’avera a vegaes el Reinu Xuníu. Pa los estudiosos, o teóricos, esto ye, los que prediquen pero nun reparten trigu, hai un sistema tipu que daría satisfacción a un gran númberu de les sensibilidaes polítiques y poro sedría’l que se podría usar como sistema de referencia. Vamos vélu.

Esti sistema perfeutu o equilibráu cuenta con dos grandes partíos, ún a manzorga yl’otru a mandrecha, caún con un 33% de sofitos más o menos, esto ye 2/3 de los votantes. L’otru térciu taría repartíu ente un partíu de centru y otros dos más que sediríen allugar a la drecha del de dreches y a la izquierda del de izquierdes, esto ye, nosestremos del espectru políticu, lo que mos da un partíu d’estrema drecha y un partíud’estrema izquierda. Esta situación, como ye de suponer, nun se da cuasi nuncaporqu’esti ye un sistema políticu de llibru al que la realidá de cada país va da-y la soxusta personalidá y variadures pero que vien mui bien tener a mano.

Nel casu español tuvimos munchos años dientro d’un sistema de bipartidismuimperfeutu nel que la función de centru basculante cumplíala el factor nacionalista col PNV vascu y la CiU catalana. Esti yera, y ye, un sistema anormal pos estos partíos nunbuscaben, nin busquen, l’interés xeneral sinón el particular o nel meyor de los casos el de les sos rexones y, amás, el so pesu políticu taba y ta reforciáu como consecuencia delmetodu d’Hondt de repartu d’escaños, que ye’l qu’usamos n’España. Hai que dicir que’lPCE, primero, y dempués Izquierda Xunía, llantabense fuera xuegu al negase a pautar col PSOE.  

La situación entamó a camudar cola apaición de UPyD primero y dempués C,s y lacriación d’un centru basculante que pudimos ver nos pautos roblaos por C,s, primero col PSOE y más tarde col PP. Pola izquierda güeyemos como tamién apaecía Podemos y se proponía como sociu del PSOE, al aniciu, pa dempués buscar ocupar el so espaciu,ensin llogralo pel momentu. Convien sorrayar equí qu’esti puestu correspón al estremudel espectru políticu, esto ye, Podemos ye estrema izquierda, asina, ensin edulcorantes.

Daquién podrá querer axudica-y a Podemos calificativos d’ultra, o d’estalinista, o comunista, inclusive de fascista, que ye güei mui usáu por xente que nun tien tiempu pagarrar un dicionariu cenciellu y lleer lo que significa, pero la verdá ye que’l que-ycorrespón ye’l d’estrema izquierda. Como ye’l casu de Vox al que tamién-y axudiquentou tipu d’axetivos, les más de les vegaes ensin fundamentu. Vox ye estrema drechaporqu’ési ye’l puestu au s’alluga nel sistema políticu.

¿Y por qué tenemos partíos estremos anguaño n’España? Ésta ye la gran entruga y a min paezme que la responsabilidá correspón-yos a los dos grandes partíos que vieron como nos años caberos el mundu ya’l país diba evolucionando, non namái no económico sinón tamién, y en gran parte como consecuencia, no social, ensin facer un res. La ciudadanía vése dende va ya unos cuantos años nuna situación de crecienteprecariedá a la que los poderes políticos nun dan solución –estos díes caberos vése bien en Francia- y ye nestes situaciones cuando anicien el so aportar dellos partíos conpropuestes estremes, difíciles o imposibles de realizar, -recuerdo equí’l casu de Siriza en Grecia- pero que resulten curioses pa un gran númberu de votantes. Nel casu de nuesola tensión territorial y la rempuesta, o la falta d’ella, del gobiernu nacional tien tamiéngran parte de responsabilidá.

El casu ye, y yá acabo, que tamos delantre d’una situación llegal puesto que los programes ya idearios de los partíos son llegales, sinón nun taríen equí. Lo illegal taríanos medios pa llograr los sos oxetivos –el meyor exemplu ta nel casu catalán- y güeinun ye’l casu. Si estos partíos garren más votos de los que-yos correspondería nunasituación normal ye pola falta de capacidá de los grandes partíos y a ellos-yos correspónsolucionalo, nun basta con nomalos estremos, ultras, anticostitucionales o comofacemos nós nel título, hai que da-y soluciones al ciudadanu, esta ye la salida pa loasocedío y pal futuru.

Raúl Suevos

A 11 d’avientu de 2018  

abellugunelcamin.blogspot.com

repdiv.blogspot.com