Camín de Cangues

CAMÍN DE CANGUES

Foi ésti un branu distintu. Estrenaba yá la mío nueva condición de prexubiláu a tiempocompletu y, al mesmu tiempu, necesitáu d’axustar una axenda que torgase l’entamarn’una dinámica de sentase, a cencielles, a ver pasar la vida per delantre.

Supongo qu’esto de guetar una nueva axenda ye daqué que-y pasa a bien de xente, y supongo tamién que’l asuntu entama por dalgún tipu de prueba aciertu-erru hasta que les coses anicien, más o menos, a reasitiase. Yo debo tar nesa fase inicial.

Marché d’Asturies con 19 años y, amás de volver equí tolos años pal branu y tamiénmunches navidaes, siempres presumiera d’asturianía ellí per onde fuera, poro, dacuandoaportamos esta primavera col enfotu de pasar equí dalgunos meses, púseme aína a buscar información so cómo y ónde afondar nel conocimiento del asturianu. Y atopelona UABRA, la Universidá Asturiana de Branu, vaya, la Universidad Asturiana de Verano, que desendolca cursos d’asturianu, en réxime d’internáu, en Cangas de Narcea.Fo  ésta la gran actividá que marcara esti branu asturianu.

El cursu, de quince díes, entamaba’l primeru d’agostu, y pellá, pel suroccidented’Asturies que garré’l camín, pensando en viaxar adulces y esfrutando del paisaxe. Primero per la yá vieya “Y griega”, l’antigua ya indestruyible autopista que’enllaza les tres grandes ciudaes asturianes. Construyida en formigón armáu, inauguróse nel 1976, ydende entós comió millones de ruedes de coches asturianos col so abrasivu cementu, pero tamién axudó a articular el centru de la rexón, anque eso nun fora abondo pa torgarqu’ésta entrare nelos caberos años n’una imparable espiral d’escayencia, camín de laprobitú. Los porqués d’esta dinámica daríen pa varies tesis doctorales asina que pasaremos de puntiyes sobro esti espinosu asuntu.

Saliendo de Xixón, el primer paisaxe que s’ofrez ye’l de l’acería d’Uninsa, antaño fonteprincipal de puestos de trabayu y bayura p’Asturies y agora apartaz caberu de la gran industria de los años 70, con munchu menos personal, cuasi los mesmos problemas de contaminación y ensin recambiu pal emplegu rexonal. Una pena, anque de nueche la so visión resulte espectacular.

Dempués, pente estampes de quintanes y ocalitales, vamos aportando a Llanera y con ello al magníficu espectáculu del valle d’Uviéu, vixiláu pol Narancu. N’iviernu, si haisuerte y se madruga, la Sierra del Aramu col so mantu nivosu ofrez una imaxe fora del común, sicasi semeyante a la que pue ofrecer Insbruck, na llonxana Austria, dacuandose llega d’Italia pela autopista del Brennero. Pa nun escaecer.

El tránsitu d’Uviéu ya nun existe, flanquease la ciudá pel’este y ensina una posa lanzaseún haza’l valle del Nalón, per una de les zones más tipiques y representatives del agruasturianu qu’agora, coles nueves comunicaciones, desapaez de la nuesa vista apenesensina damos cuenta. Dexamos a mandrecha San Claudio, cola so centenaria fábrica delloza, yá pesllada pola presión del baxu costu de la mano d’obra oriental; a manzorgaqueda el riu Nora y sobretou el balneariu de les Caldes, centru de reunión de l’altasociedá dende faz sieglos -Jovellanos yá tomo les so agües-, dempués abandonáu per años y agora remozáu, nuevu polu turísticu col agregu del campu municipal de golf.Tou un finxu nesta Asturies tan escaecida por toos.

Con pasu firme vamonos haza’l riu Narcea, tan rápido que’l riu Nalón malapenes luacolumbramos al pasar pola Vega d’Anzo, y Trubia, cola so centenaria fábrica d’armes,nun se toca, tampoco Grado, y muncho menos el enantes tarrecible altu de laCabruñana. Too ye comodidá nesta inacabada autovía a Cornellana que mos dexa a lespuertes de Salas nun periquete y cola sensación de que daqué se mos escapa; magar lospaisaxes de praos, viesques, casones y vaques nos sos pacionales siguen ellí, perennes, a disposición del viaxeru.

El paraisu natural asturianu lleva camín, si nun se-y pon reparu con comunicacionesmodernes que torguen la fuxida de la xoventú haza les ciudades, de convertise nunparaíso de vieyos en pueblos maraviosos arrodiaos de praos ensin ganáu y colos antigosmaizales tresformaos n’ocalitales, autenticu cáncer, estos últimos, del agru asturianu.L’autovía a Cornellana, que nos planes acaba enllazando en Ponferrada, debería ser una vía de enerxía pa introducir nueva cazumbre nesti suroccidente asturianu nel que tamos a puntu d’entrar. Esperemos que seya realidá enantes de que nun quede naide nesosvalles.

Yá nel valle del Narcea vamos enfusar n’una zona d’estampes tradicionales, les veguesde les Bárzanes, vixilaes dende’l alto pola parroquia d’Alava, asentadoriu castreñud’almirable posición dende onde los astures vixilaben los sos rebaños y protexiense de los vecinos. Tou’l  valle ye ampliu, pa lo que son los valles asturianos, y hasta soleyeru, tanto que, si ún tien tiempu pa detenese n’alguna de les cases que, al mou antigu, aindavenden sidra al viaxeru, quiciabes alcuentre dalgún vieyu que-y cuente como antañoequí se producíen les meyores ñaranxes d’España, ñaranxes que, xuntu cola madera,constituyíen los solos bienes exportatibles del país, allá pol llonxanu sieglu XVII.Dempués, y cuéntalo’l mesmu Xovellanos, l’aumentu del consumu de sidra asina comol’aniciu del plantiu nel Llevante español ficieron que los ñaranxales trocasen enpomaraes y güey, nestes vegues del Narcea, solo mos queda algún ñaranxal de recuerdunos patios de les quintanes.

Riu enriba vamos camín de Sotu de los Infantes, pueblu encantador yá descritu porMadoz y que la lleenda atribuye a los infantes de Carrión, fuxíos de la cólera del MioCid, anque la realidá hestórica axudica la so ñancencia a la criación del monesteriu deCornellana pela donación d’una infanta rial, con inclusión de les vegues de Sotu ente les so tierres.

Los maizales ainda tán ellí, como los viere Madoz, tamién los castañeos, los ablanos, lespomaraes y los salmones, que n’aquel entós yeren solo una más de les fontes deproteines de los asturianos, enantes astures. Estos salmones d’anguaño, punxeren nelmapa esta comarca pos los sos cotos son de los más ricos d’Asturies, que ye como decird’España nesti particular asuntu. Equí vienen tolos años pesquinos de tol país y tamiéndel estranxeru que dan-y, mientres unos meses un ambiente cosmopolita a tola zona.

Espoxigando haza’l sur vase angostando’l valle y, dacuando, la ramasca de lescastañales ye tan abondante que produz un efeutu túnel na conducción, fayendolaparticularmente difícil colos constantes cambeos de sol y sombra. Llega un punto nelque’l valle dexa de selo pa convertise en garganta, y ellí, no más estrechu apaez eldescomanáu muru de cementu del pantanu de La Barca, al que salvamos al traviés d’untúnel.

Al otru lláu del túnel atopamos un valle distintu, non yá pola llámina d’agües oscuresdel pantanu, sinón tamién porque la mesma configuración del terrén faz qu’equí yá nunllegue la influyencia de la muga cantábrica. Tamos en plenu suroccidente asturianu, tierra más seco, con munches más hores de sol que la costa, tierra, ya en Cangas, deviñes y non de pomaraes. El paisaxe ye, ensin dala dulda, más seco y la carretera escurre al cantu’l agua, vixilada per altes montañes.

Más alantre, casi na cola del pantanu, una ponte señala’l aniciu d’una carretera que va haza Tuña, el pueblu onde nació el Xeneral Riego. Pa unos l’héroe lliberal  que se sublevó nes Cabeces de San Xuan y que llevaría a la xura de la Constitución pol felón Fernando VII, Y pa otros el responsable de que s’esbaratare la expedición que con 26000 homes hubiese camudáu’l destín de les republiques hispanoamericanes. Cabe apuntar equí que, posiblemente, el cambeu solamente hubiere sido momentáneu y viendo lo que dio de sí’l inclitu Fernando VII ye duldosu de que fuese más feliz. El final de Riego fo inmerecidamente ignominiosu, como corresponde a un rei rensiosu yaindignu como yera aquel. En Oviéu, na zona monumental, alcontrase una guapa yprestosa plaza a él dedicada, col so bustu sobro una columna.

Yá solo queda superar el trechu hasta Cangas de Narcea, dexando d’atrás la central térmica de Sotu la Barca, anguaño a medio gas, aguardando el pieslle definitivu pal 2020 y con ameyores nos sos filtros que, durante años, tisnaron de gris viesques yteyaos, castigando hasta nun se sabe onde los pulmones de xentes y ganáu de toos estos pagos, anque tamién potenciando la economía de la zona gracies al carbón que consumía. Dempués el pequeñu pantanu de Pilotuerto y un pocu enantes, polamandrecha, la carretera haza Tinéu, capital de la tierra vaqueira ya importante centruagrícola y ganaderu. Mundialmente conocíu ye’l so famosu choscu de llombu de gochu.

La carretera sigue en modu engargantáu y, al pasaxeru, dexa-y ver magnifiques amuesesde sinclinales que van apaeciendo al llargu del camín. Per debaxo destes pizarres, quen’algunes partes amarieyen por efeutu del zufre, puese ver l’antoxana d’algunes mines ya imaxinar les vetes de carbón que durante años fueren un de los filones económicosdesta contorna hasta que faz dalgún añu los precios sudafricanos o polacos camudaronestos pozos asturianos en antieconómicos.  

Aportamos yá a Corias, see d’un antigu monesteriu como’l yá citáu de Cornellana que,dende la so fundación nel S.XI, nun dexare de furrular, viviendo una gran restauraciónnel S. XVIII que fizo que lu conocieren como L’Escorial asturianu. Na actualidá, dendefai solo dalgún mes, funciona como Parador nacional con un ésitu descomanáu, lo queta mui bien pala contorna, necesitada d’un sacalliñu económicu. A él se debe’l cultivudel vinu nestes tierres, más secures y menos aptes pala sidra, que llegare hasta güey y que conoz un enorme resurdir cola denomación Vinu de Cangas.

La cabera restauración, que lu camudare en Parador, dotólu con too tipu de comodidaes, una descomunada piscina climatizada nel so interior, excelentes y modernos cuartos, yantar d’alto nivel, claustros camudaos en terraces y más coses. La ocupación completadende la so apertura parez amosar lo acertáu de la inversión.

Un poco más pellá, a diez minutinos andando, alcuentrase la Escola Llar de Cangas, auquedaré agopiáu pal cursu d’asturianu que, durante dos semanes, será’l oxetu de tola mío atención y del que n’otra ocasión yá vos contaré.

Septiembre de 2016

4