A la fin del camín

 

Anda la meta del mundiu entrugándose el porqué de los asocedíos, disturbios, d’estos díes caberos. Dalgo inesplicable pa dalgunos, y, por embargu, perfeutamente previsible pa otros, Sicasí, paez nidio que, nel meyor de los casos, trátase d’indicadores d’un desasosiegu social que esmolez a la ciudadanía fonderamente, y obliga a los dirixentes a tomar midies, anque pel momentu paez que namái se-yos ocurren les represives.

A min, d’entrada, paezme que’l mal vien de lloñe. Ta inscrito nel orixe d’esti maraviosu estáu de bienestar que venimos reviciando dende va yá abondo d’años, nel qu’esisten una serie d’amortizadores sociales, que van dende’l sistema de pensiones, ca día más ampliu en casi too Occidente; los sistemes sanitarios, casi toos con tendencia haza la sanidá universal, como nel casu español, y con un coste exorbitante a midía que la población avieya; y toa mena de sosidios a organizaciones o persones, dalgunos d’ellos de difícil xustificación, y toi pensado, por exemplu, nos cientos d’euros que se-yos dan a los mozos pa gastar en “cultura”.

Tou esi estáu, entamáu polos británicos nel periodu d’entreguerres, tien supuesto una meyora innegable pa les poblaciones occidentales, pero dende va ya dellos años les cuentes nun acaben de salir, y el personal nun ta dispuestu a ceder lo qu’agora consideren un drechu, como nel casu francés, con un sistema pensionísticu de difícil o imposible caltenimientu. A la fin, les expectatives, o la falta d’elles, nes xeneraciones ñueves, dan como resultáu españíos de violencia, con estremaes chispes iniciadores: vivienda, escuela, coste de la vida, inadaptación cultural, etc. que ponen nun brete a los distintos gobiernos que, en xeneral, nun paecen dar cola tecla pa salir d’esta llamarga.

Recuerda too un pocu a lo descrito por Spengler na so “Decadencia d’Occidente”, na que’l ciclu de la cultura, devenía civilización, zárrase col aportar de los estallíos de violencia que dan pasu a gobiernos cesaristes, dalgo que, nel so casu, fuése cumpliendo tres la Gran Guerra. Esos gobiernos signifiquen la fin d’esa civilización, que enantes fue cultura, y dan pasu a la supremacía d’otres notres partes del mundiu.

Europa atópase, quiciabes, nesi periodu final, que nun tiene por que ser irreversible, pero que, p’atopar solución, necesitaría d’unes clases dirixentes qu’anguaño nun paecen amosar la categoría necesaria para resolver los grandes problemas que acosan sus estados, y que están en la génesis de los problemas de orden público de Paris, Milán o Madrid. Ye lo que hay.

Raúl Suevos

A 23 de octubre de 2026

Torna en castellán en repdiv.blogspot.com