De feministes ya tresplantes

DE FEMINISTES Y TRESPLANTES

Pasaos unos díes de les celebraciones del 8M –nun tengo nidio si’l sustantivu yel’afechu- ya cuasi escaecies dalgunes de les pancartes, ente ofensives ya chornoses, de la xornada, atrévome a escribir dalgunes reflexones sobro l’asuntu dende’l puntu de vista d’un varón hasta ciertu puntu atristuríu pol sentimientu de ser una especie demonstruu d’insensibilidá haza la condición femenina. La tiranía de les convenciones sociales camuden, nesti casu, la discrepancia o la  disconformidá n’algo arriesgao;magar too voi tentar esplicame.

Los tiempos del “varón domáu” de Lidia Falcón queden abondo lloñe anque nel somomentu esti llibru supunxo un finxu na concencia social del país, ya dalguna buelgadebió quedar; dende entos, no qu’a igualdá de xéneru se refier, a España yá nun laconoz “nin la madre que la parió”, como nel so momentu prometiere Alfonso Guerra,aunqu’él nun fuere un abanderáu nestos ámbitos. Pa dalgunos, o habría que dicirdalgunes, estos cambeos nun son abondo; pa min tampoco, porque l’oxetivu nun puede ser otru que la igualdá total; y ye na cuestión de la violencia de xéneru au con másroxura se fai sentir la batalla feminista. Los medios de comunicación, en cualquiersoporte, faisen ecu d’esi clamíu, posiblemente porque l’asuntu vende ya la informaciónnun dexa de ser un negociu. El clamíu, per momentos, parez ensordador ya los poderes públicos reaccionen con medios de sofitu a la muyer sometida a esa violencia, positivo, y con llexislación qu’aporta inclusive a quebrar la igualdá de drechos, non tan positivo.

Pal personal d’a pie, varón, la situación d’ametrallamientu informativu de calternegativu sobro esti asuntu llévalu a pensar qu’ún lleva dientro de sí, ensin sabelo, un sicópata encubiertu, ya nun puede por menos qu’entrugase si la situación ye tan dramática, dando por descontao que pa les 47 asesinaes l’añu pasáu –según l’Institutude la muyer- el drama foilo en grau máximu. Confieso que n’ocasiones siéntome comomiembru d’un club de fediondos. Pero, ¿Hai nueces pa tanto ruiu?

Acordies colos datos europeos España namái ye superada en cifres positives por Chipre, Malta ya Islandia, países pequeños toos ellos, ya’l país de nueso puede presumir de sermeyor, neste aspeutu, que’l restu d’Europa; Francia dobla, y Alemania cuasi triplica’lnuesu percentax de cifres sangrientes. Amás de lo anterior convien nun dexar de llau, otra vegada según cifres del Institutu de la muyer, que’l 38% de los asesinos sonestranxeros ya’l 36% de les asesinaes tamién, lo que debería llevar a meyorar laperceición sobro esi desfamáu varón español. Curiosamente nes noticies nun se da cuenta de la nacionalidá de víctimes ya victimarios; quiciabes nun interese.

Fai bien poco, nun programa de debate televisivu sobro la violencia de xéneru, uncriminólogu, único representante varón ya en calidaá de téunicu, osó sacar a colaciónestes cifres lo que-y ocasionó una tambascada de barabatos per parte del restu deponentes, fémines, incluyida la presentadora. Yera aportunante’l criminólogu ya notrullance nun tuvo meyor ocurrencia qu’apuntar que yera superior el númberu de neñosmuertos por les más que los que morríen a manos de los sos pás; equí la situación derivaba haza la balasma y yá nun quise siguir de espectador. Esto últimos datos nun los pude comprobar pero sí qu’atopé varios artículos que facen referencia al puntu ya concuerden col sufríu criminólogu.

La entruga que me fago ye si too esto ye necesario; si hai que siguir calteniendo esta dramatización de les noticies sobro violencia de xéneru pa, pente medies esti sistema,algamar la concienciación de la nuesa sociedá o, pel contrario, esisten otres posibilidaes,otres víes. Atopo la respuesta rápido nos tresplantes d’órganos. Estrañu ¿non?

Pues sí. España ye líder dende va años y a nivel mundial en cuestión de tresplanted’órganos, ya meyoramos cada añu; ya too ello con muncho de gayola cada vegada quemos algama la noticia de nueves vides salvaes per esti mediu, ya sintiéndomosarguyosos como españoles cuando cada añu mos dicen que tornamos a batir marques y a ser exemplu pal restu de países. ¿Por qué nun podemos facer lo mesmo cola violencia de xéneru? ¿Por qué nun  podemos sentimos arguyosos de ser meyores que alemanes, italianos o suecos? ¿Quiciabes porque l’asuntu convirtióse nuna interesada bandera política penrriba del real interés nes persones? Nun lo sé pero nun dexa de llamamel’atención l’enfoque qu’equí-y damos a esti problema.

Raúl Suevos

A 17 de marzu de 2019

repdiv. blogspot.com

abellugunelcamin.blogspot.com

Y agora ¿a daquién voto yo'l 28-A?

La situación atípica na que mos atopábemos aportó al aniciu del so final cola declaración del doctor Sánchez esti vienres caberu. En principiu paez lo meyor que podía pasar puestu que la nación pasa polos momentos más movíos dende’l 75, incluyendo los años de chombu d’ETA que, si bien sanguinos, nun suponíen tantopeligru pal nuesu sistema de convivencia como la situación anguaño provocada polosindependentistes. Si viviere’l mio suegru, que tenía’l so puntu dramáticu, diríaqu’España ta peor que nel 36.

El casu ye que, conociendo’l percal, tarrezo qu’unos ya otros van intentar que los sufríos votantes mos fixemos nun par de faroles tres los que vamos tener que correr, yavotar, ensin pensar nin güeyar nada más. Tolo demás va ser escuridá, ruiu ya fumu, y ye lo qu’a ellos-yos interesa. A mín non.

Por edá viví tola tapa constitucional d’España ya creyo que hai estremaos tipos de votantes. El que vota a tal porque ye lo que siempres se votó en casa; el que vota a cual porque esa ye la so ideoloxía ya nunca la va camudar, l’otru que vota en función delcumplimientu de lo prometio anteriormente, el d’allá que lo fai precisamente en función de les promeses del programa, y tamién ta’l de la moto que se dexa llevar de los formadores d’opinión de la prensa. Entá hai más tipos, como los votantes anti-sistema,los abstencionistes convencios o los que deciden nel minutu caberu. Al final toos son votos.

Yo, nun teniendo ideoloxía, voté a cuasi tol espectru, esquierda, drecha y centru perotamién tengo votao en blancu, tratando con ello de significar el mio refugu al sistemapolíticu nel so conxuntu. L’ausencia total d’información al rodiu esti votu nos medios de comunicación al día viniente les eleiciones, cosa que nun algamo a entender, llevóme a reconsiderar esa posibilidá y agora voto en función del mio programa políticu.

Sí, el programa de mio, mui cortín, cuatro, cinco puntos tolo más, pero que considero prioritarios pa que yo otorgue’l mio humilde votu a cualquier formación política. Nunalgamo con ellos, dende lluéu, tolo que requier un programa de gobiernu d’un país como España, pero son los que yo entiendo como fundamentales y poro voi buscalosnos programes de los oferentes de servicios que vamos alcontrar na feria eleutoral.

La xusticia, la independencia de los xueces y la dotación de medios personales y materiales pal so exerciciu, ye pa min el primer ya más importante d’esos puntos,http://repdiv.blogspot.com/2018/11/iustitia-ultima-ratio-civis.html y lo que vemos estosdíes nel Tribunal Supremu sirve pa recordamelo, como lo lleven faciendo de forma sistemática otros tribunales no tocante a la corrupción de los políticos. El primer de losmios puntos.

Dempués de la xusticia vien la reforma del sistema eleutoral que creyo que ye deficientey conduz a que’l valir del votu seya muncho desigual en función d’ónde se vivan’España y da demasiáu poder a los partios nacionalistes. La poca representatividá departios nacionales como IU, güei disuelta en Podemos, o la yá cuasi estinta UPyD son una amuesa nidia d’esti desequilibriu. Amás de lo anterior, la necesidá de llistes abiertesyá ye un gritu xeneralizáu  http://repdiv.blogspot.com/2019/02/el-modelo-electoral-aleman.html , a última hora, esta sedría la mio segunda prioridá.

Europa ye la viniente preferencia. Nun puedo entender el futuru d’España fuerad’Europa, de fechu nun puedo entender el futuru de dalu país européu fuera la Unión Europea ya tarrezome que’l Brexit va damos una amuesa clara del friu que fai ensinl’abrigu d’ella. El mundu ta mui axitáu ya nun puedo nin quiero maxinar lo que sedríade nós ensin esa institución http://repdiv.blogspot.com/2018/10/manuel-valls-barcelona-y-el-espiritu.html , de mou que l’enfoque européu de los programes va ser pa min daquémui importante a estudiar.

Hai munchos más elementos nun programa eleutoral pero nun hai nengún programa que responda esautamente a lo que caún de nós queremos. Estos tres elementos son prioritarios pa min, tamién l’estáu autonómicu m’esmolez y creyo que nalgunosaspeutos necesita una reconducción, la educación y la sanidá nun pueden ser elementos que faigan sentise estremaos a los españoles en función la rexón que vivan. Eldespoblamientu del campu, l’avieyamientu la población, la emigración, les pensionestamién cuenten pero too nun puede dir nel programa d’ún.

Nos díes vienientes de seguro vamos oyer más descalificaciones que propuestes. Va haber tantu ruiu que va resultar difícil enterase de cuáles son les soluciones de lospartios, va ser como comprar nun mercáu llenu de vendedores glayando la so mercancía y pa evitar confundise ya tornar a casa con más coses de les necesaries o con otres quenun queremos convien dir con una llista colo que de verdá buscamos. Esa llista ye la que representa el mio programa, con ella pretendo evitar que los glayos de los vendedores me lleven a mercar daqué que nun quiero y recomiendo que caún se faiga la so llista con independencia de conseyos y proclames d’amigos, comentaristes o políticos. El programa ye de caún.

Raúl Suevos

a 16 de febrero de 2019

repdiv.blogspot.com

abellugunelcamin.blogspot.com

El Salvador ya'l Triángulu del norte

EL SALVADOR YA’L TRIÁNGULU DEL NORTE

El Salvador nun ye, nesti casu, la maraviosa catedrald’Uviéu, qu’asina se llama, ya’l triángulu del norte tampoco ye una astracción xeométrico-xeográfica.Falamos de la república del Salvador ya les sos vecinesGuatemala ya Hondures, u, magar que’l mundu tea pendiente de lo qu’asocede en Venezuela, tamién se producen noticies importantes pa ellos mesmos y pa lossus vecinos.

Nel Salvador fina de proclamase presidente Nayib Bukeleen primera ronda, cosa que un asocediera  dende la guerra civil, pos siempres se ganares en segundes por dalgúnpretendiente de ún de los dos partíos representantes de les dos facciones guerracivilistes, ARENA pela drecha y elFMLN pela esquierda, lo que tien especial importancia puesto que’l neopresidente nun se postulaba por dalu de los dos partíos lo que mos lleva a dos posibilidaes: una gracia descomanda del postulante ya les sos propuestes o un empache soberanu del sistema políticu imperante.

Bukele, de sólo 37 años, vien d’exercer pelos años caberoscomo alcalde de la capital, con una política d’obrespúbliques ya muncho averada a les mases xuveniles pentemedies les redes sociales, nes que tamién basó la so campaña presidencial. Refugáu pol FMLN, el so partíu deorixe, preséntose con un partíu minoritariu de dreches lo que-y agora una posición minoritaria na Asambleyanacional y poro dos años de dificultaes pa desendolcar lessos polítiques, a lo menos hasta les lexislatives vinientes.Hai que da-y un marxe d’esperanza y tamién esperarqu’atope una vía ‘abigorniar les Mares, cáncer auténticudel país.

El Triángulu del Norte conformase con Guatemala yaHondures. Les tres definen una de les zones más violentes,ensin estáu de guerra, de tol globu, en constante ya sangrienta competición con México ya Venezuela. En Guatemala, teóricamente superada la guerra civil, campaanguaño’l presidente Jimmy Morales, populista elexíuente promeses de llimpieza ya llucha escontra la corrupción y los recuerdos del malfadiáu Otto Pérez Molina, y güei con familiares y allegaos denunciaos polaComisión internacional escontra la Impunidá en Guatemala, de NNXX, ya él mesmu baxo la mira de la CIDH, Comisión interamericana de drechos humanos, unmuerganu oficial de la OEA  na qu’él mesmu se sofitó nelpasáu y a la qu’agora quier espulsar del país.

N’Hondures, dende la llegada al poder de Celaya nel2006, ya’l xiru inesperáu haza la Venezuela chavista que-ycostó’l cargu, vívese nuna tapa de continua inestabilidáque se suma a la corrupción xeneralizada ya les altísimesdosis de violencia. Tres la caída de Celaya ya’l periodu devixilancia impuestu pola OEA, anguaño Hernández Alvarado preside per segunda vegada’l país trescontrovertida modificación constitucional y más queduldoses eleiciones presidenciales nel 2017.

Tenemos pues un área que vive en total precariedá yá que a la situación política, somorguiada na corrupción, cabe sumar que la estructura económica, mui dependiente de lesesportaciones agrícoles, ye incapaz de dar satisfacción a una población moza pa la que la única ventana de futuru tana emigración. Esta opción vese animada porla violenciaxeneralizada de la mano de les yá citaes Mares y losestremaos grupos mafiosos dedicaos al transporte de la droga –per Centroamérica transita la mayor parte de la producción de Venezuela, Perú y Colombia- y tamién altráficu de persones, lo que fai que la vida nestos tres países pueda convertise con muncha facilidá nuna especie de maldición. Les caravanes d’emigrantes haza los USA quenestos meses caberos ocuparon les apertures de telediarios y periódicos son frutu d’esta situación.

Los USA, que dende fai más d’un sieglu exercen unainfluyencia vultable na política rexonal, tienen una granresponsabilidá no qu’asocede. Los cambeos na políticad’inmigración tienen direutes ya graves consecuencies nazona; les Mares nacieron de sucesives folades de xóvenesdeportaos dende los USA pa los que la violencia yera una forma de subsistencia y la situación anguaño, cola presidencia de Trump, nun fai sinón empiorar la situación.Per otra parte, México, l’hermanu del norte, nin social, nineconómica, nin políticamente ta en situación d’ayudar,tien que pasar les suyes, que son munches.

Nayib Bukele ye un glayíu d’esperanza. Nun lo tien nada fácil, cuasi podría decise que lo tien todo a la so escontra,pero’l so ésitu ye posible ya sedría un golpe d’esperanzapa tola rexón. Quiciabes una visión de llargu algame, defuturu, per parte los USA, supondría’l balón d’osíxenunecesariu pa qu’esto seya más qu’un bon deseyu.

¿Tendrá’l señor Trump visión de futuru?

Raúl Suevos

a 9 de febreru de 2019

repdiv.blogspot.com

abellugunelcamin.blogspot.com

México, el fiu que refuga'l so pá

Nuna esquina de l’avenida “20 de Noviembre”, cerca yádel Zócalu de la capital mexicana, atopase un edificiu gris,ensin personalidá, ensin grandes detalles qu’anuncien la so condición hospitalaria. Nun llau la puerta d’accesu; tiend’entrase con decisión, ensin entrugar, nun s’almitenturistes, a lo fondero’l pasillu ábrese y atopamosnos nunpatiu claustral con dos pisos con arcaes sofitaes porcolumnes espodaes, estilu colonial puru, nel centru’lxardín cola so fonte ya nes parés de los corredores, en paneles pintaos al óleu, encontramos la historia del Hospital de Xesús, fundáu por Hernán Cortés nel 1524. Sí,nel 1524, y entá furrulando.

Al llau l’hospital atopase l’ilesia de Xesús Nazarenu, a lo fondero, a manzorga l’altar, nalto, puede vese la placa que da cuenta de qu’ellí tán los restos del pá de México. Ya menos mal, la historia d’estos restos da pa una bona novela, una novela d’ingratitú, se xacíu. Nun  hai que buscar más, porque nada queda de Cortés en México, hasta camudaron el nome al Mar de Cortés.

Nun ye la historia de Hernán Cortés l’oxetu d’esti escritu,ficieronlo munchos enantes ya meyor, el francés Duvergerel caberu, y enantes Salvador de Madariaga. Tampocu se pretende dar cuenta de la epopeya de la Conquista de México, pues d’eso se trató, d’una epopeya. Buscase dar cuenta del autoengañu mexicanu precisamente cuando’lviniente 12 de marzu vanse cumplir 500 años del aportarde Cortés a les costes de Tabasco y del aniciu del soperiplu históricu; y otra vegada allá’l silenciu rensiosusedrá la respuesta ya equí  un pasar de puntilles pa nunfadiar a la nación hermana. Nun echemos la culpa a losanglosaxones pola Lleenda negra, somos nós los primeros en dá-y créditu.

La Conquista, llevada a cabu per un puñáu d’homesescontra dos imperios militares como’l Inca ya’l Azteca, pudo producise porque éstos teníen calter semisacerdotald’esplotación asiática, esto ye, unes élites qu’esplotabeninmisericordemente a la masa de súbditos y que, nel casuazteca, permitíense les “guerres florales” añales col únicooxetivu de capturar victimes sacrificatories a los sosdioses. Calquier rexidor nuevu diba ser más llevaderu.

Cortés, formáu en Salamanca y al que los sos biógrafos suponen bon conocedor de la vida de Xulio Cesar yd’Alexandru Magnu, emplegó’l divide et impera dende losmomentos primeros, gracies a los conocimientostransmitios por Xerónimu d’Aguilar y, sobre too, Doña Marina, la Malinche, ensin dulda la meyortraductora/interprete que conocieren los tiempos, lo que-y permitió ver la oportunidá d’aliáse con totonaques ytlaxcalteques ensin los cualos vencer los azteques fuereimposible.

D’Alexandru garró la mestura de cultures que consideró la única posible pa desendolcar una sociedá americananueva. Entamó él mesmu con Martín, fiu que tuvo con Doña Marina, que se considera’l primer mestizu de México, y siguió promoviendo les pareyes mistes puesto que les Lléis d’Indies, ensin dulda el primer Tratáu deDrechos humanos de la historia, dotaben al indiu dedrechos personales inalienables. Otra cosa fo’l respetu de la llei a distancies tales de la metrópoli.

Les naciones americanes, ya poro México, nacieron d’unacausa sobrevenida, la ocupación de España por Napoleón, y lo qu’anició como una sublevación por Fernando VII yla Virxen María pronto finó nuna merienda de criollos. Iturbide, primero rexente y dempués emperador, morriófusiláu; México ye un llugar históricamente difícil pa quelos sos líderes muerran na cama. El casu ye que, toes estesnaciones nueves, faltes de la “madre patria” precisabencriar una nacionalidá nueva y ésta vendría de la deconstrucción de tolo español, esto yera y ye lo negativo. El paradigma nuevu, que nun podía venir del indixenismu, al que se despreciaba, vendría de la mano de los caudillos militares, a los que se debía venerar. Nel casu mexicanutamién se recuperó’l mitu mexica/azteca, sacralizándolu, yagora fáise cuasi imposible desandar el camín.

A México’l procesu d’aculturamientu costó-yxeneraciones, aínda ta  nello. Nesti procesu sufriósangrientes revoluciones ya caudillos singulares como Antonio López de Santana,  beneméritu de la patria yaonce vegaes presidente del conseyu de gobiernu, el “quince uñes”, que nun solo robó tolo que pudo sinonqu’entregó a los USA’l 50% del so territoriu nunausurpación amarutada de tratáu ente desiguales. Hebootros.

México, “tan lloñe de Dios y tan cerca de los EstadosXunios” que diría Porfirio Díaz, ún de los soscaudillos/presidentes, agora torna a trepar con dospopulistes, ún a cada llau de la llende ya nun creyo que tenga tiempu pa reflesionar sobro’l so orixe nacional ninsobro’l pá de la nación. Nun creyo que naide tenga tiempupa recordar que les cenices de Cortés descansen nel Centruhistóricu. Quiciabes seya meyor asina, amás, equí tampocucreyo que’l gobiernu, perocupáu siempres, tenga tiempuque dedica-y.

Nestes ocasiones siempres me vien la mesma entruga¿Qué fuere si en llugar de Colón aportare un anglosaxón?¿Si Cortés fuere galés?

Raúl Suevos

a 28 de xineru de 2019

repdiv.blogspot.com

abellugunelcamin.blogspot.com