Estos díes caberos, tres el tren
de borrasques atlánticu y l’entamu del desxelu nos Pirineos, son varies les imaxes
del riu Ebro pasando con dalguna de les sos crecíes al traviés del milenariu
puente de piedra y la basílica del Pilar que me tienen llegao peles riedes o, direutamente, colos medios de
comunicación xeneralista. Dala d’elles me tien impresionao, quiciabes por conocíes
y tamién porque les riades foron calificaes como normales.
Güei, yá aparentemente superao l’eventu
climatolóxicu, ye la política la que, como ye habitual na nuesa patética
España, toma les portaes de los diarios, esta vegada cola imputación del númberu
unu de la escala profesional de la Policía nacional, el DAO, por una violación supuesta
a una subordinada y vieya rellación afectivu-festiva. Yé lo qu’hai.
Y ente l’ábanu de imaxes quédome,
por dase una coincidencia particular, con una fotografía de va yá dellos años,
en plena epidemia del Covid, durante la curtia fase na que “el putu amu”
decidió que salieran diariamente a dar la cara énte les cámares tres
importantes cuadros de l’alministración del estáu. Los dos responsables
profesionales máximos de Policía y Guardia Civil, y el direutor del Centru de
coordinación d’emerxencia y alertes sanitaries del ministeriu de Sanidá.
Nella tenemos, sobro l’astráu dende
onde informaben y respondíen a la prensa nacional sobro los asocedíos y
evolución de la epidemia, a esti DAO policial, güei cesáu al conocese la denuncia
aceutada nel xulgao va yá un mes, que nos sos tiempos caberos tiénse perpetuao nel
so cargy, más alló de lo enantes estipulao pola normativa vixente, pola so relación
estrecha col ministru Marlaska, y que na so etapa profesional anterior fuera’l responsable
másimu de la policía n’Aragón.
Al so llau, tomando la pallabra na
fotografía, esi Fernando Simón, que va pasar a la historia por estornar de la
nuesa mente’l mieu afirmando, cuando yá la epidemia facia estragos n’Italia,
que probablemente nun aportaría n’España, y si lo facía sedría cosa d’unos
pocos casos, dalgo que, ensin dulda, nun-y va otorgar una plaza de méritu na historia
epidemiolóxica de la nuesa nación, pero sí na de los profetas, los fallíos, claro.
Anque na so ciudá natal, la de la Pilarica, aínda-y tienen un ciertu ciñu.
Detrás d’él atopamos al entoncenes
DAO de la Guardia Civil, el teniente xeneral Laurentino Ceña, d’orixe xixonés pero
afincáu anguaño na vieya Cesaraugusta, qu’unos días dempués dimitiríase énte l’abusu
perpetráu por Marlaska col coronel Pérez de los Cobos. Conformando un triu naquel
momentu coincidente pero de trayectories diverxentes, y de fácil valoración
individual, visto lo visto. Fotografíes.
Raúl Suevos
A 18 díes vencíos de
febreru de 2026
No comments:
Post a Comment