Venezuela otra vegada

VENEZUELA OTRA VEGADA

Ye Venezuela un casu paradigmáticu ente les nacionesamericanes por ser ellí au s’anicia la Emancipación d’estesnaciones y por contar na so fase d’entamu con tres de les figures más curioses dende’l puntu de vista delromanticismu del XIX, Bolívar, Miranda y José Tomás Boves, carbayón esti caberu. Un mundu de pasiones y, visto lo visto, un desastre de resultaos, quiciabes por aportar la emancipación demasiao ceo pa unes sociedaestan primaries como yeren les qu’entoncenes había nelsuelu iberoamericanu. Ye una opinión.

El casu ye que, a Bolívar, la so busca infinita de gloriapersonal lleva-y a la criación, non buscada por él, d’unaserie de naciones nueves y nel particular de la suo tierra, Venezuela, a la destrucción del texíu social preesistente,particularmente’l de la so clas, la oligarquía criolla, los mantuanos. Tan fondera fo la destrucción que podemosfalar de la nacencia d’una nación dende la nada. Asinaquedó Venezuela.

Les naciones nueves necesitaben criase una nacionalidá y esta nun podía venir de la mano de la tarrecida España, pero tampocu de la mano del indixenismu al que losdirixentes nuevos despreciaben. La nacionalidá nuevaconstruiríase sobro’l mitu de la Independencia, mitu que se camuda en rellatu y del que fluye una lexitimidá nueva, la de los caudillos militares, aquellos que combatieron y ganaron la Independencia.

El rellato tien una cierta lóxica y la clas dirixente nuevaentainase a apoderase de Venezuela. El problemasobreveníu naz cola república nueva yá que los caudillos militares tán fechos pal combate, non pa dirigxir países, menos aínda países en dificultá. La historia de Venezuela va ser una llarga serie de caudillos, guerres civiles, pronunciamientos y corrupción, muncha corrupción. Pornun allargame, el s. XX conoz a Crespo, dempués a Castro, más tarde a Vicente Gómez mientres 25 años col que s’entama la maldición del petróleu, López Contreras, Medina Angarita ya, finalmente a Gómez Jiménez dende’l48 al 58. Sedrá tres ésti caberu cuando, por fin, el poder civil aporta al gobiernu de la mano de AD, Aicióndemocrática, un partíu de izquierdes, y COPEI, socialcristianos, daqué paecio al centru izquierda, loscualos reinventen el turnismou de Cánovas y Sagasta ymetanes d’un ambiente d’esperanza y un lloviu depetrodólares, convierten Venezuela nel farud’Iberoamérica, ye dómina de gran emigración española y asturiana, too ello compatibilizándolo con un nivel 

peraltude corrupción na alministración lo que va llevar, cola caída del preciu del petróleo, a la probetería ya’l conocíucomo Caracazu del 89, mientres el segundu gobiernu de Carlos Andrés Pérez, con un enorme númberu de muertos del qu’entá güei se desconocen les cifres. Dempués de diez años de inestabilidá va entrar l’endiabláu remolín de la “robolución” boliviarana de la mano d’Hugo Chávez.

Esta fase cabera, en que la so conclusión mos atopamos –espero- tien una primera etapa de cambeosconstitucionales, meyora de les condiciones de vida, promeses d’un futuru arrellumante, esportación delsocialismu del s. XXI a otros países iberoamericanos como Bolivia, Nicaragua o Ecuador, sofitu de gobiernosizquierdistes allegaos como la peronista Cristina Kirchner, la socialista Bachelet, el frenteamplista Pepe Mújica, lostraballistes Roussef ya Lula, y tamién la criación de frentes internacionales como PETROCARIBE o la CELAC. Foi una dómina de brillu internacional, contentude les subsidiaes bases chavistes, infiltración de losaxentes y militares cubanos y, sobre too, al mou de Fidel Castro en Cuba, una destrucción completa del texíuproductivu del país.

Na oposición de los chavistes nunca hubo coherencia yamalpenes cohesión. El chambón intentu de golpe d’estáude 2002 namái sirvió pa da-y más fuercia a Chávez.Dempués, a los múltiples partíos y 

partidinos costó-yos años aportar a consolidar una MUD, mesa de la unidádemocrática, que vio como n’eleiciones de más queduldosa llimpieza-yos sustrayíen el sillón presidencial hasta consiguir nes xenerales caberes facese colaAsambleya nacional. A esti ésitu’l réxime retrucó colacriación d’otra cámara paralela namái reconocida polcirculu de gobiernos amiguetes, y les presidencialescaberes tampoco reconocies nin pola MUD ni polamayoría de la comunidá internacional. La reciente Toma presidencial foi un desiertu de asistencies.

Va dos díes el mozu Juan Guaidó, presidente del’Asambleya venezolana, mientres una multitudinaria marcha en Caracas, y dos díes dempués d’un intentu decuartelazu, autoproclamóse presidente interinu del país ydesconoz a Maduro. Nel inmediato foi reconocíu por EEUU, Canadá, Colombia, Arxentina, Perú, Chile, Brasil, Ecuador y Costa Rica, puede que yá dalguno más.N’Europa, la UE pidió eleciciones democrátiques pal país, curiosamente la misma posición que’l gobiernu d’España, y creyo que con ello pierde una gran ocasión de mandar unmensaxe nidio non sólo a la oposición en Venezuela sinontamién a la mayoría de naciones americanes. Hai cuasi cinco millones de refuxiaos venezolanos emburriaos polafame –sedría hipócrita nomalos emigrantes- nos países vecinos, cola descomanada desestabilización económica, social ya política qu’ello supón. Nun ye tiempu 

paeleiciones ya muncho menos colos antecedentes de fraude de Maduro.

Desgraciadamente, los síntomes asina lo amuesen, elcambéu namái puede aportar de la mano de les FAS. La retirada del sofitu a Maduro sedría abondo pa que’l réximecayere, dempués, un llargu y penosu camín de reconstrucción política, social ya económica. La bayuradel país, destruida tes años de “robolución” –calculase en 300 mil millones de dólares lo estrayído del país polesélites chavistes- ya’l petróleu hipotecáu pa años a rusos y chinos nun van poner una sienda fácil, pero too ye meyorque la situación anguaño.

Raúl Suevos

A 24 de xineru de 2019

abellugunelcamin.blogspot.com

repdiv.blogspot.com

Viaxe a l'atopadiza Teruel

Esti xueves pela mañana garré’l camín de Teruel. La cita yera a les ocho la tarde pa dar una conferencia sobro la Revolución cubana, pero tratabase tamién d’aprovechar la oportunidá pa pasiar ya reviciar la Ciudá de los Amantes asina que tomamos ceo l’autovía dende Zaragoza, dempués d’almorzar, col ánimu allegre ya dispuestos a esfrutar la esperiencia.

El viaxe per carretera ye afayadizu, dicen que del ferroviariu meyor nun falar, y ún dáse cuenta que’l tráficu, sobre too de camiones, ye perimportante; tanto que’l carril a mandrecha amuesa pola vibración del coche como polos parches renovaos sobro l’asfaltu que ye una vía d’importancia. Nun ye pa menos, esta autovía tendría de ser una de les grandes exes europees yá que representa la llínea más curtia p’aportar dende’l Llevante español, la gran zona hortofrutícola d’Europa, hasta Paris, Bruxeles y, en xeneral, tol norte del continente. Pero l’autovía, haza’l norte, desaniciase n’Huesca yanque nestos momentos trabayase nel desdoblamientu de la carretera hasta Xaca, entá queda xubir hasta’l túnel del Somport ya, inda peor, l’embudu que supón al otru llau del Pirinéu la ruta francesa hasta Pau.

Nin soi economista nin tampocu funcionariu de les instituciones europees pero dende l’enfoque español nun puedo entender como, cola que ta cayendo nel País Vascu –por más que mos vendan el productu de la paz social- ya en Cataluña coles sos posibles implicaciones pa la llibertá de movimientu en casu de tensiones polítiques, nun se potencia una ruta que, amás de direuta, serviría pa vertebrar el territoriu aragonés que lo que ye güei bascula cuasi per entero al rodiu la capital zaragozana y que, con una exa  europea como esta, xeneraría  atraición abonda como pa que delles empreses vieren la zona con otros güeyos pa un posible asentamientu.

Yá en Teruel y dempués de la cariñosa acoyida de Miguel, el nuesu convidador,pudimos dedica-y un tiempu a la ciudá, ayalga de l’arquiteutura mudéxar coles sos curioses torres polícromes pero tamién con dellos exemplares del meyor modernismu ya unes forxes en fierru absolutamente espectaculares. Cuasi too ye visitable, torres ya catedral pero tamién el muséu arqueolóxicu provincial, mui bien estructuráu na presentación de la so coleición nun palaciu aragonés renacentista y del que reviciamos especialmente, too ello magar un orbayu que recordaba Asturias si nun fuere pola temperatura xeladora que nun paecía acobardar al personal qu’enllenaba les cais de la ciudá.

La ciudá, que cola iniciativa de “Teruel tamién esiste” alquirió daqué de la notoriedá que per munchu tiempu se-y refugó, tien na so rodiada, según mos esplicaron, una mina histórica entá per afayar que vien de la mano de la “Batalla de Teruel” con toa una ensame de posibilidaes aínda per desendolcar. Ye de suponer ya d’esperar que cola descarbonización radical que’l gobiernu anguaño paez impulsar, y les implicaciones qu’esto va tener pa la provincia, toles opciones van ser dignes de valoración, tamién ésta.

Respeutu a la conferencia poco que dicir, nun me toca a min valorala, pero espero que fuere amena a lo menos ya, poles entrugues al so fin, creyo que puedo pensar que tamién fo interesante. El casu ye que dempués, los organizadores, gasayaronmos con una pequeña degustación de vinu aragonés y xamón de Teruel, ya sobre too una interesante parolada na que se podía atopar un esmolecimientu enorme pol próximu pieslle de la central térmica d’Andorra ya too lo qu’eso traye, especialmente la perda de puestos de trabayu y la desertificación subsiguiente del territoriu. Apuntaben tamién la so murnia énte la falta de dotación nos presupuestos nacionales nuevos pa la recuperación del ferrocarril Bilbao-Llevante, magar les munches promeses feches, una vía férrea, como la de la autovía, que sedría tamién de gran ayuda pa torgar que Teruel se convierta nuna completa reserva biolóxica de la humanidá a disposición de toa mena de visitantes como los que yá vienen a Dinópolis buscando restos de dinosaurios, o como’l fiu de Donald Trump a la busca de trofeos cinexéticos, na que los pocos habitantes sedríen tamién parte del espectáculu. L’ambiente y los sentimientos de toes estes persones yera de franca tristura y descuayu, ya espero que les señales que ellos, y yo tamién, atalanten, seyan enquivocaes y que’l futuru depare más allegríes de les qu’agora paecen refugase a los turolenses.

Al día viniente’l friu, típicu d’estes feches en Teruel, desanimónos lo suficiente como pa tomar el camín de vuelta tres almorzar. A unos pocos kilómetros, a l’altor de Caudé, el día, ensin les nubes baxes de la víspora, permitía contemplar el descomanáu númberu d’aviones nel vieyu aeropuertu militar, agora camudáu n’aparcamientu cosmopolita de grandes aviones comerciales de toes partes del mundu, tamién na éreo-escuela ya incipiente centru de reparaciones aeronáutiques, tou un exemplu de que les comunicaciones, nesti casu aérees, pueden convertise nun nichu a partir del cualu estremaes actividaes económiques, y con elles los puestos de trabayu, pueden desendolcase.

Llegaos equí, quédamos l’alcordanza d’unes persones escelentes, nuna pequeña ciudá cargada d’historia, bayura arquiteutónica y tamién con un panorama social llenu de nubes tormentoses qu’espero que se desfagan enantes de que provoquen un desastre y qu’a min asemeyábaseme tenebrosamente al que tenemos n’Asturies.

Raúl Suevos

A 19 díes vencíos de xineru de 2019

El rei y la Pascua militar

La Pascua militar ye una celebración qu’instauró’l reiCarlos III tres la recuperación pol exércitu español de laisla de Menorca que taba en manes los ingleses. La celebración nestos tiempos modernos desendolcase nafestividá de Reyes pente medies una ceremonia nel salón del tronu del Palaciu Real de Madrid énte una representación les Fuercies Armaes y la Guardia Civil naque’l rei escucha’l parllamentu del ministru/a de defensa de turnu, responsable de la política militar, dándo-y cuenta de cómo fo’l añu vencíu y avanzando lo que s’espera del entrante. A esti parllamentu retrúca-y el rei con undiscursu de caráuter más xeneral.

Lo avezao nos tiempos caberos ye que’l día dempués la prensa fale sobre too del vestíu de la reina o de la ministra, o del estáu de salú del rei Xuan Carlos nos sos años caberos. Pa camudar, esti añu fálase en forma delparllamentu del rei polo que cinca la so referencia a la bandera d’España qu’esti añu cumplió 175 años de la so oficialización y que, a lo que paez, nun-yos prestó adalgunes fuercies polítiques, independentistes como cabía esperar. Pero la xornada dio pa más.

La señora ministra fizo un discursu institucional, falandode participación nes misiones internacionales, de instituciones coleutives de defensa, de proyeutosd’inversión pa los años vinientes etc., atopó tamién unmomentu pa recordar y agradecer a los que perdieron la vida o foron feríos demientres l’últimu añu y mentótamién el respetu y almiración que-yos tien la sociedáespañola. Nun faltó l’alcordanza al 40º aniversariu la Constitución. Dexó la so intervención un taste, como yádixera, de institucionalidá, d’obligao, d’esto ye lo que toca.

El rei taba notra onda. El rei ye’l Capitán Xeneral de losExércitos y si ye verdá qu’un rei parllamentariu reina peronun gobierna, nun ye menos verdá que’l 23 de febreru del 81 el rei Xuan Carlos desmontó’l golpe d’estáu vestíu de capitán xeneral. El rei anició’l so discursu con un “Queríoscollacios” ya emplegó esta espresión otres tres vegaes. Ye bien cierto que dedicó un bon cachu a falar de la Banderad’España, una bandera que “simboliza’l conxuntu de la nación”, “una bandera de toos, que’l so escudu ye reflexude la nuesa historia ya diversidá”, pallabres que, al paecer, producen perceguera a más d’ún. Qué-y vamos facer.Pero’l rei, amás del recuerdu a la Constitución, repasól’añu sobro’l facer de les persones, homes y muyeres, queye’l activu más importante, penriba los medios materiales,col que cuenten les FAS y la Guardia Civil.

Faló del compromisu de los sos miembros colos valiresdemocráticos, cantó la importancia de les RealesOrdenances na construcción d’estos valires, reconoció-yos el so “cumplimientu del deber con honor, llealtá yabnegación”, falando de terrorismu dedicó “unaalcordanza emocionada a tolos homes y muyeres que dieron la so vida n’actu de serviciu”. Tocando l’asuntu delcentenariu la circunnavegación de Magallanes ya Elcano recordó tamién “la xesta d’aquellos homes”, la tripulación,l’home del común, el marín d’entoncenes al que xunecolos d’anguaño “la mesma entrega, compromisu y vocación de serviciu”. Mentó de la mesma “l’esfuerciu de los homes y muyeres” al falar del 30ª aniversariu de lanuesa primera participación nes misiones de pazinternacionales.

Tuvo’l rei oportunidá tamién pa falar de la incorporación de la muyer a les fuercies armaes, güei esplegaes en toles misiones esteriores y, desgraciadamente, con dalgunacayida n’actu de serviciu, lo que-y dio pie pa recalcar que “les persones son lo más valioso, l’activu más importante col que cuenten les nueses FAS y la Guardia Civil”. Aíndaenantes d’acabar tuvo tiempu pa reconoce-yos l’eficaz y constante llabor de serviciu. Fo un discursu del Xefe de lesFuercies Armaes nel que tocó asuntos importantes del añu, aniversarios importantes, Constitución, Circunnavegación,Accesu de la muyer, Bandera d’España pero nel que d’unamanera repitida agradez y paga tributu al llabor 

anónimu,calláu, diáriu, n’España y nes operaciones esteriores, conriesgu de la  propia vida y grandes periodos de tiempusepartaos de la so xente. El discursu d’un xefe y d’uncollaciu que sirve pa reforciar el sentíu del deber de toos ycaún los miembros de les Fuercies Armaes y de la Guardia Civil y pa resaltar la Bandera como símbolu xunificadorde tolos españoles.

Raúl Suevos

a 7 de xineru de 2019

repdiv.blogspot.com

60 años de Revolución en Cuba

60 años de “Revolución” en Cuba

L’un de xineru de 1959 aportaben los “barbudos”-yera asina como nomaben los guerrilleros que diba unos años combatíen el réxime de Batista dende la Sierra Madre- a la ciudá de L’Habana, capital de Cuba. Fo un españíu de folixa bonal, y nun yera pa menos pos suponía la fin d’una dictadura xavaz ya homicida.

Unos díes más tarde, col aportar de Fidel Castro a la capital, y entá metanes la folixa,celebróse un desfile nel Malecón habaneru con Fidel y los comandantes la Revolución na tiesta la manifestación. Batista fuxera mientres la nueche vieya –cuéntalo muncho bien Coppola nel Padrino- y, dempués de pasar per Dominicana y Portugal, finaría en Marbella en 1973.

Batista algamara’l poder pente medies la Revuelta los sarxentos nel 33 -el yera sarxentu mecanógrafu- más tarde fo presidente tres ganar eleiciones y dempués dictador, yá xeneral autonomáu, con un golpe que baltó’l gobiernu de Prío Socarrás nel 52. Esti periodu caberu carauterizóse pola corrupción política, el crimen organizáu y los asesinatos de disidentes. Un añu más tarde Fidel intenta l’asaltu al cuartel de Moncada en Santiago de Cuba, con resultaos desastrosos.

Dempués de pasar pola cárcel, Fidel, Raúl ya unos pocos allegaos, autoesiliense en México d’u van tornar nel Granma nel mes d’avientu de 1956 pa entamar la llucha escontra’l réxime dende la Sierra Madre y tamién nes ciudaes. Esta llucha, n’inferioridá de condiciones, contó cola fortuna de los elexíos pol destín y tamién cola absoluta ineficacia d’un exercitu desmoralizáu.

Los primeros tiempos de la Revolución foron desafranaos nel cambeu social y na persecución d’enemigos políticos, con fusilamientos de dudosa legalidá incluyíos a cargu del Che Guevara na Fortaleza de la Cabaña. Fidel entá tenía’l sofitu de la mayoría, y los que non, aniciaben a colar pa los USA. Éstos entamaron a llanta-y torgues económiques a les que Fidel retrucó cola nacionalización de les empreses americanes,dempués sedríen toles empreses, toes. Pa entós yá se declarara socialista, dempués de negálo demientres dellos años.

P’Abril del 61 montaron-y los USA una invasión con esilaos cubanos en Bahía Cochinos, que fracasó gracies a la direición del “gallegu” Fernández, fíu de carbayones, ya la indecisión de Kennedy. D’ehí echóse nos brazos de los soviéticos –nun-y quedaba otra- lo que diba conducir a la Crisis de los misiles pa ochobre del 62. Dempués vendríen años de collaboración con Moscú, intervenciones del 

exércitu cubanu n’África a nome los rusos, ya impulsu y sofitu de guerrilles –nel 67 va morir el Che en Bolivia-y revoluciones en toa Iberoámerica ya otres partes del mundu. Años de gloria pa Fidel que, amás, coles perres que llegaben de los rusos podía presumir de sanidá, educación y deportes; d’aquella nun había enguedeyu nel que nun s’enguedeyare.  

Too paecía dir bien, magar el Bloqueu, pero pal 89 va cayer el Muru de Berlín y con él el sistema soviéticu. Les perres que veníen de Moscu yá nun aporten ya’l PIB va cayer un 30%, ye lo que Fidel noma’l Periodu Especial, periodu de fame ya epidemies de ceguera pola falta de vitamines, periodu de fuxíes masives de cubanos p’au seya que yos abran la puerta, cualesquier sitiu ye bonu con tal de nun quedar en Cuba. Sigue’l Bloqueu.

Con Chávez nel poder en Venezuela torna a llucir el sol pa Fidel y les perres anicien a entrar otra vegada nel país lo que-y da un respiru al réxime. Ye 1999 y Cuba entama a unviar mélicos y téunicos pel mundu en llugar del exércitu; a Venezuela tamién militares. Ye lo que llamen “venda de servicios esteriores” nel presupuestu nacional y qu’importa un terciu del mesmu, a costa de dexar de la mano la sanidá ya la educación cubanes. El sistema aguanta, a males penes, pero aguanta.

Pal 2006 Fidel enferma gravemente y tien que retirase del poder, camuda en “soldáu de les idees” 

acordies les sos propies pallabres y Raúl pasa a tomar el mandu qu’anicia con delles midíes cosmetiques, accesu de los cubanos a la telefonía móvil y tamíen permisu pa entrar nos hoteles que hasta entós yeren solo pa estranxeros. El sistema aguanta coles perres de los mélicos, les remeses los emigraos ya’l turismu, pero nun funciona y a Raúl preocupa-y la cayida o desapaición de Chávez que va morir en marzu de 2013 asina que, pal 2011, anciosu él, promulga los “Llineamientos pa l’actualización del modelu económicu”, nome pomposu tres el que s’esconde un paquete de midíes que lliberen el trabayu nuna serie d’actividaes, trabayu autónomu qu’elli nomen “cuentapropistes” y que-y va servir pa reducir la nómina del estáu.

Amás d’esto Raúl va desendolcar una reforma agraria, probe d’oxetivos y amás atrabancada pelos funcionarios del Partíu comunista cubanu, que nun va funcionar.Tamién camuda la llei de la propiedá y d’emigración pa facilitar l’ingresu de capital ya inversores estranxeros, que tampoco funciona. Mentanto, Obama primero abre la mano pensando na so imaxe n’Iberoámerica, pa dempués zarrala desaniciando la llei d’axuste cubanu que-yos dexaba entrar nos USA ya’l programa Parole pa la fuxida de los mélicos cubanos nel estranxeru. Dempués Trump vieno a rematar la xera col endurecimientu de les midíes pa viaxar a Cuba los norteamericanos. En Cuba lesdificultaes pa salir 

alantre pal cubanu d’a pie son cada día mayores y el meyor indicador ye’l númberu creciente de cubanos que, magar Trump, garren cada día les balses pa escapar del país.

Esti añu, yá con un presidente del Conseyu, Díaz Canel, nomáu por Raúl, entamaron con una Reforma Constitucional, gúei aprobada na Asambleya y pendiente de referéndum pal viniente 24 de febreru, que caltien el sistema de partíu únicu ya un sistema eleutoral con votu non llibre, dirixíu, como agora. Esto ye, una reforma cosmética que nun camuda un res.

Ayeri en Santiago de Cuba, con una puesta n’escena muncho estudiada, Raúl leyó un discursu delantre una audiencia de fieles, col mausoléu de José Martí detrás d’él y el de Mariana Grajales –madre de los Maceo y madre de la patria cubana- y el de Fidel a los llaos. El discursu celebraba los ésitos de la Revolución nestos 60 años –ésitos discutibles cuanto menos- y tamién aprovechaba pa pedi-yos a los cubanos q’aforraren nestos tiempos de crisis –Cuba pasa per problemes pa pagar los sos proveedores-, depasu daba-y el so preste al desendolcu de Díaz Canel, ellí presente, lo que valía pa recorda-yos a toos que ye él el que tien la pallabra cabera.

Los aplausos que de xemes en cuando saltaben n’audiencia de fieles nun paecíen mucho explosivos, nin siquier calorosos; el propiu Raúl paecía escosu, como’l réxime, ya güeyando les imaxenes ún nun podía menos que pensar que yá falta poco pa que los cubanos, por fin, puedan algamar la llibertá ensin tener qu’escapar del so país.

Raúl Suevos

A 2 de xineru de 2019